錦田

平時去超級市場，相信你哋同A姐一樣，對日本、澳洲嘅食材，特別情有獨鍾。但其實香港都有唔少本地漁農產品，因為唔使長途運輸，所以食材比較新鮮，而且品質都唔錯，值得大家支持。每年嘅12月中至4月頭都係港產士多啤梨嘅季節，今日我哋就去到錦田鄉村俱樂部，親手摘士多啤梨啦！

難得嚟到錦田，除咗去跳蚤市場、紅磚屋同壁畫村，不如深入錦田，了解一下鄉村嘅一面啦！我哋就去到錦田鄉村俱樂部旁邊嘅水尾村，水尾村嘅名氣雖然無吉慶圍咁高，但亦有2大景點，嚟影相打卡或者放空沉思都好適合㗎！