中伏!極度呃錢注意 銅鑼灣拾味正宗刀削麵館

喺疫情期間,少咗出街食飯,我哋嘅晚餐就經外賣網站,揀咗位於銅鑼灣嘅拾味正宗刀削麵館,點知超級中伏!我哋知道喺疫情期間,餐廳嘅經營確實係困難,但試問有邊個唔困難呢?都係想食餐安樂茶飯,估唔到拾味正宗刀削麵館要咁樣呃錢囉!

Read more

神秘餃子店 駱駝漆滾餃

天氣凍凍哋嘅時候,我就最鍾意食水餃喇!而每次喺觀塘想食水餃,我都要由觀塘海旁嘅office行過去裕民坊,確實有啲太遠呀!好彩有同事介紹,唔係真係唔知道,原來駱駝漆大廈新開咗間食手工餃子嘅專門店:滾餃。一入到去,就見到滾餃嘅職工努力包包包,確保水餃新鮮。

Read more

詠藜園的水準 觀塘千歲擔擔麵

相信鍾意食上海嘢嘅朋友都一定聽過詠藜園,詠藜園集團近期就喺觀塘裕民坊YM²開設全新品牌食店:千歲擔擔麵!千歲擔擔麵同樣主打上海菜式,由詠藜園嘅老員工以顧問形式,將佢哋嘅經驗傳授俾,並傳承品牌同精神,所以呢度嘅食物除咗詠藜園嘅傳統,仲有唔少創新營運手法。

Read more

來自陝西嘅BiángBiáng麵 灣仔露面手工拌麵料理

喺陝西省嘅各大夜市同步行街都唔難見到(音Biáng)麵嘅縱影,呢款麵可以話係陝西人嘅主要糧食之一。但呢款麵除咗陝西之外,平時都比較少見,但我哋今日路經灣仔嘅露面手工拌麵料理竟然見到麵,所以成日都話香港真係咩都有得食架!

Read more

街坊粥粉麵飯 佐敦盛記粥麵

佐敦有好多街坊食肆,有唔少更加係臥虎藏龍添!今日就嚟到盛記粥麵,呢度主打港式嘅粥、粉、麵、飯。一碗睇落簡簡單單卻又用心嘅雲呑麵,已經充滿住幸福嘅感覺。

Read more

健康餃之味 上環囍八方

減肥絕對唔係我A姐一個人嘅目標,連近期肥咗少少,少到只係肥咗3公斤嘅M佬,都話要加入減肥行列。雖然我唔明點解只係肥咗3公斤嘅佢都要咁誇張,但難得身邊有人同你有共同目標,都係一件好事嚟嘅。我哋今日嘅晚餐就想搵啲少鹽少糖無味精嘅餐廳,結果就嚟到上環嘅囍八方,食吓自家製水餃啦!

Read more

港式情懷 中環紅城粉麵

今日放假,約咗喺中環返工嘅舊同事食lunch,仲記得以前我哋喺中環返工,趕住開會嘅我哋,都只會喺附近嘅茶記食下野,就趕返公司做埋啲手尾。以前其中一間屬於我哋嘅飯堂,就係位於中環中心隔離嘅紅城冰室。隔咗好耐冇嚟,原來喺旁邊,開咗一間食粉麵為主嘅紅城粉麵,又要趕返公司開會嘅佢,一於食個快嘅午餐啦!

Read more

北角用心製作 富怡粉麵專家

好多人話到糧尾日子就最鍾意食碗魚丸粉或者雲吞麵,但就算糧尾都要食碗有質素嘅雲吞麵!今日放工之後,我哋去到公司附近,位於北角嘅富怡粉麵專家。小店面積細細,但選擇甚多,而且衛生唔錯!

Read more

餃掂食碗麵 太子餃掂手工餃子雲吞專門店

寫咗成日稿,終於可以「攪掂,食碗麵」!好啦,一於上網睇睇有乜好味嘅麵食啦!左搵右搵,好啦,呢間同我心情一樣嘅餃掂手工餃子雲吞專門店睇落又唔錯喎,除咗有麵食,仲有A姐最鍾意嘅餃子添,即刻去太子啦! 一入到嚟呢個舖頭,A姐就話佢好頭暈,因為呢間舖頭實在太多字,佢話徹底地將佢包圍,哈哈!但句句都係至理名言,搞到我掛住睇都無睇menu添!終於叫完嘢食,店員極力推薦我哋試吓枱上面嘅醃蘿蔔,連一向唔鍾意酸嘅我都覺得好好味,夠晒開胃!另外,仲有2款自家秘製醬汁,香辣醬同四川麻辣醬,辣味濃郁又夠香,用嚟配麵或餃子都一流!

Read more