飲茶

唔知你仲記唔記得，細個嘅時候，去到茶樓飲茶，總會有啲推車仔嘅姨姨，大聲叫賣佢哋車仔上嘅點心。當推出一啲熱門嘅點心，好似係蝦餃、燒賣、馬拉糕（啲媽咪一定同姐姐講要邊）等，就會有好多人拎住點心卡衝埋去，呢一種味道叫「氣氛」！隨住時代嘅進步，大家都追求所謂嘅健康食物，又或者因為工序繁複，好多細個嘅美食，都慚慚離我哋而去，呢一種味道叫「懷舊」！當年有酒樓推出「即叫即蒸點心」之後，推車仔嘅姨姨就唔駛再推車仔喇。不過如果你想追求「氣氛」同「懷舊」，香港仲有一樣嘢叫「保留」，今日嚟到旺角嘅倫敦大酒樓，重拾推車仔點心嘅集體回憶。