錦田水尾村 樹屋與天空之鏡

難得嚟到錦田,除咗去跳蚤市場、紅磚屋同壁畫村,不如深入錦田,了解一下鄉村嘅一面啦!我哋就去到錦田鄉村俱樂部旁邊嘅水尾村,水尾村嘅名氣雖然無吉慶圍咁高,但亦有2大景點,嚟影相打卡或者放空沉思都好適合㗎!

Read more

錦田壁畫村 假日好去處

香港係一個石屎森林,人多車多,所以好多人放假都鍾意一家大細去郊區漫活一下。今日M佬就帶我嚟到錦田,原來呢度有一條壁畫村,將鄉郊同藝術融合一齊,係大家一個週末打卡拍拖嘅好去處。

Read more

錦上路站好去處 盈匯坊商店街

錦上路港鐵站係一個好特別嘅地方,因為平時一落車,就會有一個毗鄰港鐵站嘅大型商場或者屋苑。不過嚟到錦上路站,旁邊就係一個假日跳蚤市場,而其他地方就充滿小鎮風情,成個人都好似輕鬆咗,腳步都放慢左,一齊感受一下錦上路站嘅好玩之處啦!由車站行大概5分鐘,就會嚟到其中一個景點:盈匯坊。

Read more

當風箏遇上風 清水灣大坳門

以前學校嘅秋季旅行,唔知你有無去過大坳門呢?仲記得以前男同學會展示透爐嘅魅力,女同學就會展示燒嘢食嘅功力,孕育咗唔少青春Puppy Love。趁近期天氣怡人,我同A姐就去到大坳門,呢到除咗可以野餐、燒嘢食、放風箏,仲可以做一樣夜晚先做到嘅嘢,係咩?

Read more

港版京都嵐山 北港屋場竹林

想喺香港都有日本Feel?唔駛上樂天,唔駛去DONKI嘅,其實香港都有唔少地方賞楓賞櫻嘅!但如果你對京都嵐山嘅竹林有興趣,可以嚟到西貢嘅北港屋場竹林。

Read more

新娘潭鬼故 照鏡潭瀑布

新娘潭最出名嘅就係靈異事件,我哋都有一個同你分享:話說今日M佬帶我嚟到新娘潭,但我哋行嚟行去都搵唔到新娘潭瀑布,只係搵到照鏡潭瀑布!我哋有試過問中途遇見嘅行山友,但佢哋都話呢度得照鏡潭瀑布(好驚呀)!雖然我哋最後去唔到新娘潭瀑布,但好彩照鏡潭瀑布又幾靚喎!

Read more

尋找被遺忘的村落 週末輕遊荔枝窩

荔枝窩位於船灣郊遊公園東北嘅海岸線,正對面就係吉澳(想了解吉澳有咩玩?詳情按此),以前想去荔枝窩,就要由鹿頸出發,大概9公里嘅路程,先入到村,所以被稱為:被遺忘的村落。但依家想去荔枝窩?就方便得多喇!

Read more

港版金門大橋 青衣西草灣道

其實香港有好多好靚嘅地方,其中一個我哋最鍾意嘅,就係青馬大橋!呢條大橋無論日景定夜景,都係咁有魅力。而欣賞青馬大橋除咗可以坐車途經之外,亦可以去到青嶼幹線訪客中心及觀景台。除此之外,青衣西草灣道就係用另一個角度去欣賞呢條橋。如果自駕遊,就係揸到去西草灣道盡頭,但大家要留意,呢度兩旁係船塢、船廠同工廠,大家入嚟嘅時候除咗要注意路面嘅安全之外,停車同泊車亦都唔好阻住其他人。

Read more

港版中正紀念堂 屯門中山公園

有好多事情、人物或地點,喺度嘅時候覺得理所當然,唔識得去珍惜。當逐漸失去嘅時候,如果仍然唔去捉緊,喺未來只能夠成為回憶。如果回憶慢慢消失,當權者甚至會將歷史刪走,留低只係口耳相傳嘅一個傳說,最終銷聲匿跡!曾幾何時,位於屯門嘅中山公園,每年嘅元旦日同中華民國國慶都會慶祝,喺紅樓前升上青天白日滿地紅旗並奏上國歌。唔知嚟到今日嘅中山公園又變成點呢?或者,將來有一日,中山公園銷聲匿跡,留低嘅記憶只係呢篇文章。

Read more

周末遊車河:香港邊境禁區自駕遊 — 大水管、馬草壟、得月樓

今日A姐M佬又出發遊車河,嚟到香港最北嘅邊境禁區自駕遊,分別遊走梧桐河、大水管、得月樓警崗、馬草壟警崗、落馬洲瞭望台、美德家塾。今次嚟嘅地方,部份以前係禁區地帶,但由2013年6月10日次階段縮減邊境禁區範圍之後,唔需要禁區紙就可以嚟遊覽喇!如果你係選擇揸車入嚟,留意番呢度好多路段都係單線雙程行車,新牌仔或技術麻麻嘅,我哋就建議你選乘公共交通工具或自己踩單車入嚟啦!

Read more