玩水賞花親子閒遊 暢玩啟德空中花園四大主題區

前啟德機場嘅發展計劃,項目不斷落成,近期又有新景點喇!喺跑道嘅盡頭,除咗郵輪碼頭同啟德跑道公園之外,全新嘅啟德空中花園佔地兩公頃,設有四大主題區,除咗可以飽覽維港東岸一帶嘅景色之外,廣場更設有戲水噴泉、四季花園等景點,加上空中花園設於前跑道嘅上方,有唔少人鍾意嚟到呢度跑步架!

Read more

[南丫島好去處] 最詳盡的南丫島郊遊、景點、交通、美食12大食買玩打卡熱點

南丫島有唔少外國人居住,所以一踏上南丫島就感覺到異國風情,好似去咗旅行咁,絕對係一個適合大家嚟休閒渡假嘅離島。南丫島係香港面積第四大嘅島嶼,設有多個碼頭往返市區,而今次我哋就由索罟灣出發,以榕樹灣為終點,為大家搜羅十二大南丫島食買玩嘅打卡熱點。

Read more

登上香港之巔 雲海日落大帽山

大帽山係香港最高嘅山,海拔足足957米,但千祈唔好俾佢嘅高度嚇怕你。因為大帽山全程都係石屎車路,路段相對第二同第三高嘅鳳凰山同大東山更易行,而且坐巴士已經可以到達490米嘅大帽山,如果坐的士或者自駕遊更可以到達700米嘅大帽山,所以要登上香港之巔睇雲海、日落、芒草同打卡真係一啲都唔難!

Read more

抱擁九龍半島遠眺獅子山 四百級輕鬆登九龍灣平山

鍾意瞓覺嘅你,如果瞓到下午茶時段仲可以去邊度輕鬆行山打卡呢?A姐M佬就推介位於九龍灣嘅平山,由彩虹嘅彩德邨出發,400級樓梯就到喇,輕易就登上山頂,遠眺獅子山,環抱九龍半島。啱晒行山經驗唔多,約埋三五知己就可以快閃行山打卡啦!

Read more

輕鬆郊遊登上國境之南 蒲台島食買玩十大推介

香港有263座島嶼,但有人住嘅島嶼確實唔多,而香港最南又有人居住嘅島嶼就係蒲台島,所以蒲台島被稱為「香港南極」。大家除咗可以喺蒲台島行山郊遊、露營睇日出之外,嚟到蒲台島仲可以喺海邊食海鮮成嘆番碗紫菜餐蛋麵,臨走仲可以買埋手信。一於bookmark呢篇蒲台島食買玩十大推介,weekend嚟個蒲台島一天遊啦!

Read more

本土藝術復古打卡 活化後的中環街市

中環係香港商業及政治嘅心臟地帶,所以喺中環有好多摩天大廈,但喺呢個繁忙嘅商業城市入面,竟然有一座戰前就已經落成嘅中環街市,中環街市喺1990年獲評為三級歷史建築,直至2003年因使用率低而關閉。經過18年嘅活化,中環街市以Playground for All嘅概念全新亮相,除咗有唔少復古打卡位,仲引入本地品牌,啱晒大家嚟到打卡、漫活同做一日藝文青啦!

Read more

西遊記主題公園 黃大仙鳳德公園

香港有米奇老鼠為主題嘅樂園,亦有保育海洋為主題嘅遊樂場,但唔講唔知原來仲有呢個以《西遊記》為主題嘅公園。我哋嚟到位於黃大仙嘅鳳德公園,公園以四大名著嘅《西遊記》為主題,分為四個主題區,仲有啱晒小朋友放電嘅遊樂設施,同期間限定嘅打卡紅葉,啱晒大家玩足半日呀!

Read more

被遺忘的本地商場 炮台山富利來商場

大家一定識炮台山,亦都應該聽過喺炮台山嘅油街實現!不過唔知大家又有無聽過炮台山嘅「富利來商場」?大家唔好以為呢個係一個新商場,原來佢80年代已經喺度,只係大家都無咩留意佢!我哋聽聞「活化富利商場」,打造成炮台山PMQ,有好多本地特色小店進駐炮台山富利來商場一樓,包括:手工飾物、露營用品、書店、雜貨、花藝、古董鐘錶、植物擺設等,啱晒年青人同文青!今日就去睇下同平時行開嘅大型商場有咩唔同先!

Read more

零梯級打卡山步行 屯門菠蘿山大峽谷

鍾意行山打卡但又好怕行樓梯?如果你都有同感,我哋就推介位於屯門嘅菠蘿山(良田坳峽谷)。呢條菠蘿山大峽谷郊遊路線全程斜路,完全無樓梯,難得唔高之餘,重點係大峽谷嘅風景好靚,更有港版嘅美國大峽谷之稱,啱晒大家影相打卡呀!

Read more

全港最靚日落 流浮山下白泥

下白泥沿岸都係香港少見嘅泥灘,呢度除咗出產流浮山生蠔之外,更有天空之鏡嘅美譽。除咗以上嘅賣點,大家認識下白泥大概都係因為呢度嘅日落!下白泥嘅日落係全港數一數二,所以有唔少人專登入嚟影相打卡,如果運氣好,仲可以睇到彩霞架!

Read more