香港港島好去處

近期石澳鶴咀成為大熱嘅行山郊遊路線，除咗路線唔難行，風景又靚，有燈塔、海蝕洞同一望無際嘅南中國海海景之外，仲有豆香十足嘅豆腐花同石澳必買手信，今個weekend好去處就同A姐嚟個鶴咀食買玩一日遊啦！

赤柱係一個充滿異國風情嘅海邊小鎮，亦係外國遊客必到嘅香港旅遊景點，依家仍然吸引唔少遊客嚟到赤柱，令呢度嘅遊客比本地人仲要多。今個weekend同A姐嚟到，身邊都係外國人，感覺更似係我哋去咗外國添！下個假期嚟赤柱悠閒漫步都唔錯㗎，而且呢度仲有唔少打卡位，拍拖都夠晒浪漫。

唔知全香港你最鍾意邊個區呢？我哋最鍾意就係中西區，除咗充滿舊香港特色，如果喺啲老街細心慢步，仲有機會發掘到唔少驚喜。我哋今日自駕遊去到堅尼地城同西環一帶，除咗食好西，仲順路去埋人氣打卡熱點：西環鐘聲泳棚。