人氣香濃車仔麵 灣仔車仔麵之家

喺金鐘返工嘅你,唔知會唔會覺得食lunch係一大難題呢?金鐘嘅餐廳選擇話多唔多,話少唔少,但排隊絕對係一大挑戰!有時唔想等咁耐,買件三文治同杯咖啡,咁就一餐喇!但嚟到冬天,總想食碗熱辣辣嘅麵呢!如果你都有同感,我推介呢間位於金鐘同灣仔交界嘅車仔麵之家,價錢夠晒抵,所以一直都人氣高企。雖然繁忙時間都要排隊,但始終車仔麵夠晒快手。但要留意,店內只有幾個立食位置,人多嘅話不如買外賣返office食啦!

Read more

遠近馳名咖喱豬扒飯 灣仔新景園咖喱小廚

灣仔嘅新景園咖喱小廚真係一個詛咒!詛咒?話說M佬喺大概半年前就bookmark咗呢間餐廳,但第一次摸門釘係因為無check到原來新景園咖喱小廚星期日係唔開。之後特登揀星期六晚市,但我哋又無留意佢Facebook,結果去到先發現店主有私人事務要處理,晚市暫停,呢次係第二次摸門釘。後嚟因為疫情嚴重咗,餐廳為保障客人同員工安全起見,全日不設堂食,呢次係第三次摸門釘…… 好似一直都同新景園咖喱小廚無乜緣份,但我哋唔會放棄,因為「同舟人,誓相隨」,終於喺無心插柳嘅情況下,畀我哋試到新景園咖喱小廚嘅咖哩豬扒飯喇!

Read more

灣仔英倫酒店The Hari 嘆意式風味Lucciola Restaurant & Bar

放假就梗係要去玩啦!加上就嚟情人節,所以M佬就帶我去到The Hari Hong Kong玩Staycation,The Hari Hong Kong以英倫為設計主題,無論酒店嘅硬件定軟件都令我哋留下深刻嘅印象。另外,酒店設有兩間餐廳,分別係日式餐廳Zoku同我哋今次嚟到嘅意大利餐廳Lucciola Restaurant & Bar。Lucciola餐廳設計充滿古典氣息,主廚Francesco Gava希望食客嚟到Lucciola,可以品嚐到多種帶有傳統風味同現代特色嘅意大利菜式。

Read more

夠抵食款式多 十六座車仔麵

就嚟過年,雖然今年無得行年宵,但其實喺太子仲有花墟,今日就同A姐嚟辦年貨,買定水仙,為屋企增添過年氣氛!買完花之後,喺太子都有唔少餐廳選擇,我哋就嚟到十六座車仔麵,呢度以公屋為裝修格局,細心啲睇,連電掣都係行懷舊路線,而且車仔麵係親民價錢,夠抵食款式又多!

Read more

豐富海鮮打邊爐 西環相馬日式火鍋

近日天氣嚴寒,最啱就梗係打邊爐啦!香港人熱愛打邊爐,所以市場上有好多火鍋店,競爭非常激烈,而相馬日式火鍋就經常推出唔同套餐,所以次次嚟都有啲新鮮感!今日就同A姐就嚟到相馬日式火鍋位於西環全新開業嘅分店,試佢嘅180分鐘特盛海鮮套餐,海鮮同肉類都係任食!

Read more

新用戶即減$100 美食外賣速遞UberEats

因為疫情,少咗出街食飯;但放工之後,堂食又無,仲要趕去買餸煮飯俾M佬食,洗埋碗之後,真係成個人散晒呀!雖然廚藝有所進步,但有時都想偷懶,叫吓外賣!我就最鍾意喺返屋企嘅車程上,睇吓Uber Eats有咩外賣選擇,較定送餐時間,咁一返到屋企就有熱辣辣嘅美食啦!依家仲有A姐M佬嘅新用戶優惠,預訂並輸入優惠碼即減HK$100,真係好抵呀!

Read more

由細食到大車仔麵 大埔萬利小食店

作為大埔舊街坊嘅我哋,萬利小食店絕對係我哋嘅童年回憶。以前中學就喺附近,早餐就食腸粉燒賣,午餐就嚟呢度買車仔麵。佢嘅濃郁湯底,真係第二道食唔到,所以每次返大埔,萬利小食店都係我哋嘅必然選擇。

Read more

元朗台灣菜 羅東肉焿番

行完山嚟到元朗,好想食碗糖水滋潤下。元朗最出名嘅涼份?「唔好啦」!不如支持一下同路小店,食下台灣甜品啦!呢間羅東肉焿番係香港首間正宗台灣肉焿店, 喺台灣宜蘭嘅總店都相當有名氣。今次我哋主要食甜品,肉焿留返下一次啦!

Read more

香港人茶餐廳 銅鑼灣大渣哥茶記

代表香港嘅餐廳,當然係茶餐廳;代表香港嘅小姐,當然係香港小姐啦!不過唔係每間茶餐廳同港姐都會得到香港人嘅愛戴,除咗呢間由1994年香港小姐冠軍譚小環開設嘅大渣哥茶記!大渣哥由九龍灣嚟到銅鑼灣喇,人氣仍然高企,雖然要排隊,但都係絕對值得。

Read more

良心牛丼飯 銅鑼灣牛天神

喺香港我食過最最最最好味嘅牛丼飯,一定係A姐煮嘅,除咗味道啱晒我口味,仲有佢加入嘅愛心。不過知你無得食A姐嘅愛心牛丼飯,不如食住良心牛丼飯頂住先啦!呢度就係銅鑼灣嘅牛天神。

Read more