香港小歐洲 灣仔日月星街

香港其實有唔少特色街道,其中位於灣仔同金鐘交界嘅星街小區就由附近嘅日街、月街、星街同永豐街組成,被喻為「灣仔後花園」。喺星街小區入面有唔少型格藝文店、家居精品店、花店、咖啡室、主題餐廳同酒吧等。由於鄰近中環同金鐘商業區,所以吸引唔少外國人喺呢度居住或放工嚟Happy Hour,加上建築風格,真係好似去咗歐洲小鎮咁,啱晒大家週末嚟到慢活同打卡啦!

Read more

全新灣仔海濱長廊 期間限定粉紅通道

要數香港最靚嘅地方,又點少得維多利亞港呢?想欣賞維港靚景,除咗上山頂同去尖東海旁之外,喺灣仔嘅全新海濱長廊終於開放喇!呢條海濱長廊由會展新翼連接至灣仔碼頭同灣仔北臨時交通交匯處,依家仲有打卡一流嘅Chocolate Rain卡通主題佈置同期間限定嘅「粉紅通道」,仲好適合大家一邊做運動,一邊欣賞維港嘅景致!

Read more

灣仔脫單工程 寶雲道姻緣石

單身嘅你,寂寞嗎?定係愛情路上滿途荊棘?抑或係遇人不淑?等我M佬幫吓你啦!想求一段好姻緣,首先你要好好裝備自己,轉變一下形象,放下自己一啲固執嘅想法。準備好之後,嚟緊週末好去處就去灣仔寶雲道嘅姻緣石,祈求天賜良緣啦!(話說好多字母粉都擔心我同A姐係未遇上感情危機,放心放心,我哋只係嚟拍拖兼行山同打吓卡咋)

Read more

尋找灣仔公共空間 李節花園休憇空間

香港市區嘅人口稠密,建築物亦十分密集。雖然空間有限,但其實香港喺賣地嘅時候,都會要求發展商起樓時劃分一定面積作為公共空間,為大眾市民提供休憇地方。不過往往發展商唔會主動向市民提供相關資料,令大家都唔知道應有嘅權利。今日我哋就去到李節花園內嘅休憇空間,呢度貌似係私人屋苑嘅一部份,卻係一個歡迎大家休憇嘅公園。

Read more

JCCAC賽馬會創意藝術中心 石硤尾藝文青手作坊

香港人生活繁忙,所以好多人放假都鍾意親近大自然,舒緩壓力。其實投入藝術世界都係一個唔錯嘅選擇,透過無限創作放空心靈。雖然好多人都話香港係文化沙漠,但其實本地有唔少藝術家默默耕耘,你又知唔知呢?加上近年社會開始重視文化發展,將保育活化成藝術文化中心,好似港島代表有中環PMQ元創方,而九龍代表就有石硤尾嘅賽馬會創意藝術中心(JCCAC)。今個週末好去處就同A姐嚟到JCCAC慢活一下,參加工作坊,發揮我哋嘅創意小宇宙,有時仲有手作市集。

Read more

港島壁畫打卡 西營盤藝里坊

近期多咗時間留喺香港,發現香港都有唔少親子好去處或週末好去處,其中就有唔少人鍾意去壁畫村拍拖、打卡同影相。其中一個比較出名嘅壁畫村位於錦田,但原來市區都有壁畫村㗎!藝里坊 ArtLane 位於西營盤,喺西營盤港鐵站B3出口一出就係,咁你男朋友就無原因打機都唔同你出街啦,就算放工食完飯都可以嚟行吓㗎!

Read more

將會在地圖消失 石硤尾大坑西邨

香港市區地少人多,加上唔少建築物嘅樓齡超過50年,除咗翻新,重建係另一個選擇。以前太細個,無呢啲概念,唔識用眼睛同相機記住清拆前嘅畫面,好似九龍寨城、啟德機場、利東街等,依家只可以透過當年嘅新聞報導,去回憶一啲薄弱嘅回憶。喺2020年11月嘅施政報告入面,政府公佈平民屋宇有限公司將會同市區重建局合作,重建大坑西邨,就趁重建前,用眼睛記低將會喺地圖上消失嘅地方。

Read more

藝文青一日閑遊 油麻地藝遊東南

作為精品酒店又點少得一個明確主題呢?呢間位於油麻地嘅東南樓藝術酒店就將多元化嘅藝術元素融入酒店每個角落,我哋就喺呢度玩2日1夜Staycation(詳情:文青藝術深度遊 東南樓藝術酒店)。但就算你無計劃入嚟住番晚,都可以買藝遊東南一日通行證,發揮你嘅創意,同藝術展品打卡,作為文青又或者藝術愛好者又點可以錯過呢!

Read more

錦田水尾村 樹屋與天空之鏡

難得嚟到錦田,除咗去跳蚤市場、紅磚屋同壁畫村,不如深入錦田,了解一下鄉村嘅一面啦!我哋就去到錦田鄉村俱樂部旁邊嘅水尾村,水尾村嘅名氣雖然無吉慶圍咁高,但亦有2大景點,嚟影相打卡或者放空沉思都好適合㗎!

Read more

錦田壁畫村 假日好去處

香港係一個石屎森林,人多車多,所以好多人放假都鍾意一家大細去郊區漫活一下。今日M佬就帶我嚟到錦田,原來呢度有一條壁畫村,將鄉郊同藝術融合一齊,係大家一個週末打卡拍拖嘅好去處。

Read more