屯門黃金海岸Staycation食咩好 串燒放題星小宴

屯門黃金海岸酒店係一個深受大家歡迎嘅Staycaion旅程,真係好有度假feel㗎!想將渡假嘅感覺level up?喺屯門黃金海岸嘅商場,就有間食串燒放題嘅星小宴,坐喺海旁邊嘆串燒,真係好寫意!

Read more

慶祝梗要食餐好 屯門燒肉焰屯門焼肉焰

努力係唔會白費㗎!前排M佬日日OT,見面嘅時間少咗好多,好彩終於捱到升職,所以決定豪少少,請佢食最愛嘅日本燒肉啦!嚟到位於屯門嘅日本燒肉店:燒肉 焰,呢度嘅和牛都係由鹿兒島同北海道引入,價錢唔貴,性價比超高呀!

Read more

自駕遊車中泊 下城門水塘主壩野餐

潮流興露營,所以繼上次去欣澳玩「車中泊」堤邊野餐(詳情)之後,今次就轉個場地,嚟到下城門水塘主壩再玩「車中泊」。我哋嘅「車中泊」同一般人唔同,因為過夜露營唔太啱瞓慣床嘅我哋,所以我哋嚟個車尾野餐Picnic,以滿足「車中泊」打卡願望,食吓嘢再飲吓嘢,真係好chill呀!

Read more

大尾督任燒任食BBQ 巴希雅海灣重慶燒烤

呢啲天氣除咗郊遊,又點少得BBQ呢?講起BBQ就一定會諗起大尾督,今日就踩單車入大尾督BBQ啦!喺大尾督有好多任燒任食嘅燒烤場,其中一間頗有名氣嘅就係巴希雅海灣重慶燒烤。巴希雅海灣重慶燒烤同平時嘅燒烤場好唔同,佢哋會先將食物用串吉好,形成串燒,大家可以好方便咁利用枱上嘅燒烤爐整熟,食得夠晒方便。

Read more

嘆住冷氣食串燒放題 觀塘駱駝漆歡喜燒

M佬今日突然同我講,佢好掛住去BBQ燒嘢食呀!不過,嚟到夏天A姐確實,熱!到!不!行!了!但你話如果可以嘆住冷氣,有人燒埋俾你食,咁我又唔驅呀!怕熱但又想食BBQ,其實一啲都唔矛盾。今日M佬就帶我嚟到觀塘嘅歡喜燒,食自動串燒放題,嘆住冷氣享受燒烤嘅味道,好滿足呀!

Read more

無盡的選擇 觀塘串燒屋

你有幾耐無BBQ呀?未發生疫症前,我同M佬不時都會去郊野公園燒嘢食,好掛住燒烤嘅味道呀!雖然依家就未可以去BBQ,不過都可以食住自助自動串燒放題頂住癮先啦!我哋嚟到觀塘嘅串燒屋,呢度有串燒、炸物、前菜小食、飲品同甜品,選擇勁多,歎住冷氣感受燒烤味道,真係好爽呀!

Read more

泰式主打EYT 歡樂今燒BBQ

近期因為武漢肺炎喺香港蔓延,我哋都係留喺屋企,唔太想出街,但真係坐到發霉,所以就搵啲戶外活動同M佬去行吓。今日就同M佬揸車去燒吓嘢食啦,任食燒烤場有唔少選擇,但呢間位於上水嘅歡樂今燒BBQ就主打泰式燒烤,一於試試啦。

Read more

尖沙咀高質燒肉放題 本佐日本燒肉料理

唔知M佬呢排做乜成日都好肚餓,食完一餐,唔夠兩個鐘又口痕想再食嘢!係咁肚餓嘅情況之下,就最啱食放題啦!呢間位於尖沙咀嘅本佐日本燒肉料理,除咗燒肉,仲有刺身、炸物、小食等,選擇好多,正!餐廳夠大夠闊落,坐得好舒服,特別鍾意佢用iPad點餐,全程無漏單情況。

Read more

一個痴漢串燒 尖沙咀喜膳燒

今日喺尖沙咀等咗好耐好耐,whatsapp A姐又無人覆,而我只係痴痴的等,等咗差唔多1個鐘,A姐先打俾我,話約咗人,又唔記得話我知,就係咁我俾A姐放咗飛機喇!成個痴漢咁,我就去到喜膳燒食串燒,最鍾意呢度嘅串燒放喺鐵板上,所以啲串燒放耐咗都仲好夠熱。

Read more

燒雞翼我鍾意食 屯門富泰燒烤樂園

今年嘅香港好似唔見咗冬天,日日都好鬼熱,難得今個weekend凍咗少少,咁就去燒吓嘢食啦!不過,假期燒嘢食最怕霸唔到爐,仲要拎住一袋二袋,所以我哋去到屯門嘅富泰燒烤樂園,由兆康站行過去約15分鐘,如果揸車嚟,仲可以你免費泊車,都算幾方便架。

Read more