Häagen-Dazs

中秋節當然唔少得食月餅應節啦，雙黃白蓮蓉月餅、冰皮月餅、雪糕月餅、奶黃月餅……唔知你又鍾意邊一款呢？各大月餅品牌已經推出月餅早鳥優惠，早買早享受，而且唔少人氣月餅，賣晒就無，一齊睇睇十大傳統、特色月餅優惠推介，提早入貨啦！

月餅主要分為三類：傳統月餅、冰皮月餅，仲有大人小朋友都一樣咁鍾意嘅雪糕月餅！而雪糕月餅嘅代表當然係Häagen-Dazs啦。Häagen-Dazs每年都會以唔同主題吸引大家，今年就有十一款唔同嘅選擇：分別係”尊尚‧賞月”、”九星‧迎月”、”七星‧追月”、”愛‧同趣”、”愛‧華麗”、”盈‧伴月”等唔同系列。我哋就揀咗Häagen-Dazs嘅”雪‧望月”雪糕月餅。