紅磡黃埔鮨文Omakase 高質廚師發板
努力咗成年，終於到十二月出Bonus，當然要慶祝一下。上次去過元朗鮨文Omakase 廚師發板，一直念念不忘，今次決定去試下黃埔分店！裝修貫切元朗店嘅風格，木色系為主，黃埔店空間感更大，更舒適！
Read more
hung hom
黃埔滿屋廚房 認真浪漫滿屋
A姐：考下你，如果我係一封信，咁你係咩？ M佬：(又痴咗邊條筋？)我知道啦，你是一封信，我是郵差吖嘛。 A姐：好醒目喎！下一題，我係智恩，咁你係邊個？ M佬：Um…… A姐：唔知呢？係李英宰呀！ M佬：乜水? A姐：有無搞錯，浪漫滿屋嘅男女主角呀，宋慧喬同Rain呀！ 下，我又會知啦！不過放工唔洗諗公司嘢，同A姐講下呢啲無聊嘢，都幾浪漫吖。今晚一於去黃埔滿屋廚房Fullhouse Kitchen食飯，嚟個真•浪漫滿屋。
Read more
秋冬必食雞煲煲仔飯 紅磡食好D雞煲小廚
呢幾日天氣凍咗好多，唔知M佬今日帶我食咩好西呢？原來就係去到紅磡出名嘅食街 – 崇潔街。佢話近排天氣凍咗，所以帶我去食雞煲打邊爐（我哋2個邊爐怪，春夏秋冬都打邊爐架啦）同食煲仔飯，今日就嚟到食好D雞煲小廚，佢話食完之後就這個冬天不太冷（好爛呀）！
Read more
火鍋怪再戰紅磡原味棧
考下大家，呢兩個火鍋怪一星期可以食幾多次火鍋呢？尋日嘅答案仲係3次。不過食埋今餐，就打破我哋嘅紀錄，係今個星期第4次打邊爐啦！上次嚟過紅磡原味棧，火鍋半自助餐真係質素高又抵食，正價每位都只係$208，任飲任食，所以今日決定再嚟多次。
Read more
酒店叫餸食飯 紅磡Hotel Sav紫荊閣
呢排成日都食日本嘢同韓國菜，舌頭突然好掛住中菜。今晚不如就飲啖湯，炒幾個餸吧！大家唔好誤會，我A姐唔係下廚呀。想食我煮嘅嘢，無咁易。 就係因為咁，我哋就去咗紅磡Hotel Sav逸•酒店一樓嘅紫荊閣。去到先知叫化雞要預訂，下次先有得食。最後，有選擇困難症嘅我哋，就叫咗二人套餐，唔洗諗。
Read more
黃埔潮食湘菜 與周杰倫約會的香湘辣妹Spicy Girl
自從開咗黃埔站之後，我哋兩口子由以前一年都去唔到一次黃埔，到依家一個月至少嚟一次，貪呢度夠晒方便又多選擇！今次就一於試吓啲特別嘅菜式啦！由細到大，都聽過中國有八大菜系，唔知成日懶醒嘅A姐又唔知係邊八大呢？ A姐：川菜……（10秒後）我所煮嘅菜都係名菜，你個衰佬，你話係唔係呀？ 其實除咗川菜（四川菜），中國八大菜系有魯菜（濟南菜）、粵菜（廣東菜）、淮揚菜、閩菜（福建菜）、浙菜（浙江菜）、徽菜（徽州菜），仲有今次我哋去食嘅湘菜（湖南菜）！A姐，你知唔知湘菜出名係辣，咁同川菜嘅辣又有咩分別呢？
Read more