Jay Chou

自從開咗黃埔站之後，我哋兩口子由以前一年都去唔到一次黃埔，到依家一個月至少嚟一次，貪呢度夠晒方便又多選擇！今次就一於試吓啲特別嘅菜式啦！由細到大，都聽過中國有八大菜系，唔知成日懶醒嘅A姐又唔知係邊八大呢？ A姐：川菜……（10秒後）我所煮嘅菜都係名菜，你個衰佬，你話係唔係呀？ 其實除咗川菜（四川菜），中國八大菜系有魯菜（濟南菜）、粵菜（廣東菜）、淮揚菜、閩菜（福建菜）、浙菜（浙江菜）、徽菜（徽州菜），仲有今次我哋去食嘅湘菜（湖南菜）！A姐，你知唔知湘菜出名係辣，咁同川菜嘅辣又有咩分別呢？