一生人一次 鳳凰山日出

小學讀常識科都有教過香港山多平地少,咁你又知唔知香港最高嘅三個山係邊幾個呢?太平山?馬鞍山?獅子山?等我依次序話你知正確答案啦:大帽山、鳳凰山、大東山。香港第二高嘅鳳凰山位於大嶼山,海拔高度934米,雖然比大帽山矮23米,但因為大帽山最高點係天文台同解放軍嘅禁區,所以鳳鳯山係一般市民可到達嘅最高點。好多行山友都鍾意嚟到鳳凰山睇日出同雲海,我哋雖然唔係行山常客,但我同A姐都決定挑戰自己,登上鳳凰山!天公做美,我哋好幸運睇到日出,見到呢個靚景,我哋覺得一生人總要嚟一次,但由於太攰,所以亦覺得一生人只會嚟一次。

Read more