尖沙咀親子博物館好去處 衛生教育展覽及資料中心

喺尖沙咀真係有唔少博物館,當中有唔少都係大家好熟識嘅,好似係太空館、科學館、歷史博物館等等。其實喺尖沙咀仲有唔少鮮為人知嘅博物館,今日我哋就去到位於九龍公園內,清真寺旁邊嘅衛生教育展覽及資料中心,透過大量多媒體遊戲、迷你影院同互動展品等,提高大眾對食物及環境衞生嘅意識。

Read more

尖沙咀親子好去處 香港童軍文物廊

細個嘅時候,唔知你有無曾經都有一個童軍夢呢?當時,睇住啲童軍著住一套好有型嘅制服,搞到我都好想成為一個童軍呀!但呢個夢因當時無屋企人支持,到大個之後,呢個夢又開始掉淡,直到參觀尖沙咀嘅香港童軍文物廊,先勾起番呢個兒時嘅小夢想。

Read more

尖沙咀閑遊大自然 綠化教育資源中心

有時我哋不得不佩服香港殖民地時期嘅規劃,喺鬧市正中央竟然會有一個咁大嘅公園。如果換轉依家,呢個地段可能已建成商業大廈。話雖如此,我哋次次嚟到尖沙咀,好多時都會過門而不入,所以今日同A姐入到嚟九龍公園,放慢自己嘅腳步,原來真係另一片天,至少無咗彌敦道繁囂嘅人同車,換嚟新鮮嘅空氣同綠化嘅景色。今日無意間發現呢個綠化教育資源中心,我哋一於去參觀一吓啦!

Read more

想用一杯Latte把你灌醉 尖沙咀Espresso Alchemy

「想用一杯Latte把你灌醉……」唔知呢句歌詞,啱唔啱今日你嘅mood呢?今日嘅playlist好random咁播住呢首歌,突然間刺激起我深深處嘅文青個性。講到文青,又點少得去cafe chill吓,嘆杯咖啡,戴住耳筒聽住歌,再睇吓書呢?哈哈,呢個就係M佬所謂嘅文青喇!所以佢就帶我嚟到尖沙咀美麗華商場嘅Espresso Alchemy,等我陪佢做所謂嘅文青啦!

Read more

東方荷李活 尖沙咀星光大道

喺2011年,曾被CNN評選為全球最令人失望景點第2名嘅就係香港星光大道。當時被評為過於商業化,過多嘅影相攤檔,而且太多中國旅行團又缺乏讓遊客休息嘅地方。事隔10年,星光大道經過翻新工程,唔知而家嘅情況會唔會有所改善呢?

Read more

回味西班牙菜 尖沙咀Playa de Papagayo

有人話:味道係有記憶,我哋A姐M佬絕對認同。依家疫情回落返少少,我哋都會選擇去返一啲自己好鍾意嘅餐廳,重拾返嗰種味道。講到西班牙菜,我哋都會推介位於尖沙咀河內道嘅 Playa de Papagayo 西班牙餐廳酒吧,有得飲,又有得食。

Read more

當飛轉泰國啦 尖沙咀泰.夯蝦

知喇,好耐無去過旅行,更加唔知幾時有得再去玩吖嘛!不如,帶你去食曼谷流水蝦,止吓旅行癮先啦!今日,同A姐嚟到位於尖沙咀諾士佛台嘅泰夯蝦,呢到主打曼谷正宗流水蝦放題,仲要食足3個鐘,真係食到笑蝦蝦(畀A姐話我好爛)!

Read more

抵食下午茶 尖沙咀I Café

A姐成日都話食埋呢餐之後,就要開始食少啲嘢,不過我又未真係見過佢食少咗嘢囉!今日食完個午餐,行左唔夠兩個鐘,佢又話肚餓啦喎,所以我哋就去搵餐廳食下午茶。嚟到尖沙咀半島中心,見到I Café嘅下午茶選擇都幾多,就入咗去試下。

Read more

一支公食好西 尖沙咀嵐橋丼飯專門店

今日A姐有大會開,無得放假,得返我一支公,好可憐呀!(唔好同A姐講,其實不知幾開心,可以休息下,甩難!)既然係咁,當然要善用呢個「真•放假」,瞓到自然醒,再打下機,不過都要醫肚嘅!嚟到尖沙咀嵐橋丼飯專門店,午餐有一個足料丼飯之外,仲有沙律、關東煮同味噌湯,唔錯喎!

Read more

抵食高質龍蝦盛宴 尖沙咀The Point – Pizza & Pasta

因為疫情嘅關係,呢排都食多咗外賣。不過講真我哋都係比較鍾意堂食,新鮮熱辣永遠係最好味。趁呢排疫情有啲好轉,我哋都多咗出街食飯。今日就去咗尖沙咀The ONE商場嘅The Point – Pizza & Pasta,試咗佢嗰期間限定「龍蝦盛宴 Lobster Feast」套餐。

Read more