【倫敦住宿推薦2023】房間闊落仲有最愛露台 倫敦攝政公園萬豪酒店

【倫敦住宿推薦2023】好耐無去過旅行喇，所以搭完長途機嚟到倫敦，就梗係要住好啲啦！今次我哋預訂咗萬豪酒店旗下嘅倫敦攝政公園萬豪酒店（London Marriott Hotel Regents Park），酒店啱啱裝修完無耐，除咗新淨之外，每間房都夠晒闊落，仲附設一個露台，入住期間非常舒適，不過，都有唔少地方令我哋感到失望。

倫敦住宿推薦2023 | 倫敦攝政公園萬豪酒店 London Marriott Hotel Regents Park | 酒店大堂

倫敦住宿推薦2023 | 倫敦攝政公園萬豪酒店（London Marriott Hotel Regents Park）位於倫敦嘅康登，由地鐵Jubliee line嘅Swiss Cottage站步行8分鐘左右就可以到達酒店，不過，如果追求附近就有景點嘅話，呢間酒店就未必適合你喇。如果同亞洲嘅酒店相比，倫敦攝政公園萬豪酒店嘅大堂少咗啲氣派，樓底唔高，但以黑色為主調，都幾有格調。特別一讚嘅係，我哋早機嚟到，大概朝早10:00 check-in，已經可以安排房間俾我哋上房，可以梳洗休息。

倫敦住宿推薦2023 | 倫敦攝政公園萬豪酒店 London Marriott Hotel Regents Park | 客房區域

倫敦住宿推薦2023 | 倫敦攝政公園萬豪酒店共設有304間客房及套房，我哋今次就被安排入住1樓嘅豪華露台家庭房。由於只係一樓，所以景觀未算好開陽，勝在附近嘅樓都唔算高，同可以出去呼吸吓新鮮空氣。

因為家庭房嘅關係，所以房間嘅面積非常大，房間有兩張雙人床，就算兩大兩小一齊入住都唔會覺得迫。床褥軟硬適中，床燈柔軟，非常舒服；枕頭總共有4個，2個係偏軟2個係偏硬。床頭位置分別設有插頭、USB插頭同燈掣，夠晒方便。另外，窗簾嘅遮光度十足，絕對可以瞓到自然醒。

喺露台旁邊有個小偏廳，我哋就鍾意喺呢度寫稿或者食吓外賣。另外，房間亦放有茶包、咖啡包、蒸餾水，迷你雪櫃、風筒、熨斗、燙衫板同夾萬，設備非常齊全。

整體嚟講，房間都非常滿意，只係呢度嘅服務確實好慢。話說有一晚，我哋10點問佢攞沖涼液，結果佢第二朝八點先送到，或者呢種就係英國人慢活嘅生活及工作模式。

倫敦住宿推薦2023 | 倫敦攝政公園萬豪酒店 London Marriott Hotel Regents Park | 浴室區域

倫敦住宿推薦2023 | 浴室面積唔大，乾濕分離，不過就無浴缸啦！個人用品方面，只有洗頭水、沐浴露、護髮素、潤膚露同番梘。因為酒店響應環保，所以其他用品例如：牙刷、牙膏、拖鞋、剃鬚刀等等，就要打電話叫職員另外送上。

倫敦住宿推薦2023 | 倫敦攝政公園萬豪酒店 London Marriott Hotel Regents Park | 娛樂設施

倫敦住宿推薦2023 | 倫敦攝政公園萬豪酒店設有健身室同室內游泳池，不過，因為唔影得相，所以我哋就未能同大家分享。此外，由酒店行15分鐘，就會去到攝政公園（Regents Park），大家不妨去到公園散步，甚至野餐，如果就啱櫻花季節，絕對係大家嘅打卡景點。

倫敦住宿推薦2023 | 倫敦攝政公園萬豪酒店 London Marriott Hotel Regents Park | 餐飲服務 – 自助早餐

倫敦住宿推薦2023 | 倫敦攝政公園萬豪酒店設有一間餐廳同一間酒吧，朝早嘅自助早餐非常豐富，係英式嘅早餐。除咗egg station仲有乳酪、沙律、煙三文魚、雞肉腸、煙肉、薯餅同多款麵包等等，絕對可以自製一份All Day Breakfast！不過，呢度煎嘅蛋全部都煎得好老，所以大家要有心理準備。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

倫敦攝政公園萬豪酒店 London Marriott Hotel Regents Park
地址：128 King Henry’s Rd, London NW3 3ST
預訂網址：hk.trip.com

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com