【法蘭克福一日遊】8個法蘭克福市區必去必食的法蘭克福旅遊景點好去處
【法蘭克福自由行必去景點】法蘭克福係歐洲三大城市之一，亦係德國最重要嘅商業城市，有唔少國際品牌甚至會喺法蘭克福設有辦事處。就咁聽呢個地方，好似無咩玩喎，但要知道法蘭克福位於歐洲嘅中心位置，係歐洲其中一個交通樞紐，所以去德國或歐洲唔同地方旅行，都有機會嚟到法蘭克福。不如就趁轉機嘅時間或逗留一至兩晚，了解一吓法蘭克福市中心八個必去嘅法蘭克福旅遊好去處啦！
法蘭克福自由行必去景點 | 1. 法蘭克福好去處：歐元塔 Euro Tower
法蘭克福自由行必去景點 | 法蘭克福係歐洲三大城市之一，亦係德國最重要嘅商業城市，就連歐洲中央銀行總部都落戶法蘭克福！所以嚟到法蘭克福歐洲中央銀行總部，總部外有我哋平時睇財經新聞經常會見到嘅歐元標誌，大家可以同歐元標誌打卡，而背景就係歐洲非常少見嘅成商業金融高樓大廈。
法蘭克福自由行必去景點 | 2. 法蘭克福好去處：羅馬人廣場 Römerburg
法蘭克福自由行必去景點 | 去完繁華嘅商業區，就嚟到法蘭克福嘅舊城區！所謂嘅舊城區就係羅馬人廣場，呢個廣場亦係法蘭克福嘅地標。最佳打卡位置就係廣場嘅正中央位置，以背後嘅德國風格嘅小屋做背景，真係充滿童話特色！至於每年嘅聖誕節，羅馬人廣場就會化身成為全歐洲其中一個非常熱鬧嘅聖誕市集，如果大家喺12月嚟法蘭克福，記住嚟感受聖誕氣氛呀！
法蘭克福自由行必去景點 | 3. 法蘭克福好去處：法蘭克福室內小市場 Kleinmarkthalle
法蘭克福自由行必去景點 | 有好多人去旅行都鍾意行超級市場，但想再地道啲，不如行街市啦！法蘭克福室內小市場位於法蘭克福市中心，街市非常乾淨企理，除咗售賣生果、蔬菜、鮮肉、芝士同日用品之外，法蘭克福室內小市場入面仲有好多地道親民嘅餐廳，就算已經食飽飽，街市入面都有唔少德國地道小食，例如德國香腸，大家可以體驗喺法蘭克福室內小市場體驗一吓德國人嘅生活。
法蘭克福自由行必去景點 | 4. 法蘭克福好去處：鐵橋 Eiserner Steg
法蘭克福自由行必去景點 | 大部份主要城市都有一條河流，例如倫敦有泰晤士河、巴黎有塞納河、紐約就有哈德遜河等等，而法蘭克福嘅代表河流就有美茵河。美茵河將法蘭克福分為南岸和北岸，其中1868年建成嘅鐵橋，長170米，寬5.4米，係法蘭克福嘅地標之一。喺鐵橋上大家除咗可以睇到法蘭克福兩岸嘅景色，橋上亦掛有唔到嘅鎖扣，標誌住大家嘅心願同愛。
法蘭克福自由行必去景點 | 5. 法蘭克福好去處：法蘭克福主教座堂 Kaiserdom St. Bartholomaus
法蘭克福自由行必去景點 | 法蘭克福主教座堂位於羅馬人廣場旁邊，興建於1250到1514年間的墨洛溫王朝時代，屬於哥德式建築風格，雖然教堂經過多次嘅戰火洗禮，至1950年原貌重建，並成為法蘭克褔最具代表嘅天主教教堂。法蘭克福主教座堂內部可以免費參觀，入面非常莊嚴神聖，值得大家細味。
法蘭克福自由行必去景點 | 6. 法蘭克福好去處：Zeil采爾大街
法蘭克福自由行必去景點 | 嚟到德國就梗係要shopping啦！法蘭克福市中心嘅Zeil采爾大街，就有唔少遊客喜愛嘅品牌，例如DM藥妝店、Primark時裝店、Aldi超級市場、百貨公司同大型商場等等，鍾意shopping嘅你，喺法蘭克福一日遊，真係唔洗去其他地方，喺Zeil采爾大街已經可以玩足一日啦！不過，逢星期日同德國假期，除咗餐廳之外，99%嘅商店同商場係唔開架，所以計劃行程時要特別留意喇！
法蘭克福自由行必去景點 | 7. 法蘭克福好去處：陶努斯山區克龍貝格 Kronberg im Taunus
法蘭克福自由行必去景點 | 陶努斯山區克龍貝格係最近法蘭克褔嘅小鎮，喺地鐵站旁邊嘅Viktoaia Park，春天可以賞櫻，秋天就可以賞楓，非常舒服！另外，陶努斯山區克龍貝格內嘅景點仲有Kronberg Castle，不過，我哋今次就因為佢嘅例行裝修，未有參觀喇！另外，我哋就好鍾意呢個小鎮嘅大街，有唔少餐廳同小店，好寫意呀！最後，如果腳骨力唔錯，不如行上觀景台，睇吓法蘭克福嘅全景。
法蘭克福自由行必去景點 | 8. 法蘭克福好去處：Zu den 12 Aposteln
法蘭克福自由行必去景點 | 德國豬手、香腸、啤酒…我真係好鍾意食德國菜呀！我哋今次就嚟到Zu den 12 Aposteln，餐廳價錢唔貴，份量十足，重點係超好味呀！不過，餐廳門外明明寫住收信用卡，結果佢只收現金，所以大家記住預備足夠嘅現金埋單呀！
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
法蘭克福 Frankfurt
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
