【美國紐約曼哈頓酒店住宿推介】紐約曼哈頓/切爾西 TownePlace Suites 酒店
【美國紐約曼哈頓酒店住宿推介】話說喺疫情之前，我哋就已經一早買咗美國紐約機票，點知因為封城隔離措施，令呢個紐約之旅無疾而終。等咗兩年，終於飛到嚟美國紐約（New York），我哋今次入住咗萬豪旅享家（Marriott Bonvoy）旗下2021年12月開幕嘅紐約曼哈頓/切爾西 TownePlace Suites 酒店 （TownePlace Suites New York Manhattan/Chelsea），酒店位於曼哈頓市中心，位置極之方便，設計時尚實用。
美國紐約酒店住宿推介 | 紐約曼哈頓/切爾西 TownePlace Suites 酒店 – 酒店大堂
美國紐約曼哈頓酒店住宿推介 | 紐約曼哈頓/切爾西 TownePlace Suites 酒店（TownePlace Suites New York Manhattan/Chelsea）位於美國紐約（New York）曼哈頓市中心（Manhattan），鄰近雀兒喜/切爾西（Chelsea），位置非常方便，步行1分鐘即有28街（28 Street）地鐵站。酒店大堂設計時尚實用，有24小時嘅The Market小賣部，售賣小食同生活用品，非常方便；大家仲可以免費飲自助咖啡、茶同熱朱古力。
美國紐約酒店住宿推介 | 紐約曼哈頓/切爾西 TownePlace Suites 酒店 – 客房區域
美國紐約曼哈頓酒店住宿推介 | 紐約曼哈頓/切爾西 TownePlace Suites 酒店（TownePlace Suites New York Manhattan/Chelsea）嘅特色就係所有嘅客房都設有小廚房，有微波爐、雪櫃、餐具、調味料等，大家仲可以問前台借不同嘅廚具用品，例如慢煮器、電磁爐、電飯煲等，啱晒想去旅行嘅時候大展廚藝同長期住宿嘅朋友。
我哋今次就被安排入住大床房。房間設有大床，床褥軟硬適中，床單柔軟，非常舒服；枕頭總共有4個，2個係偏軟2個係偏硬。床頭位置設有插頭同燈掣，夠晒方便。窗簾嘅遮光度十足，絕對可以瞓到自然醒。
酒店仲設有多用途高枱，想喺房間工作同休息都無問題，仲可以化身成為一張餐枱。房間仲設有茶包、咖啡包，迷你雪櫃、風筒、夾萬、熨斗同熨衫板，設備非常齊全。
美國紐約酒店住宿推介 | 紐約曼哈頓/切爾西 TownePlace Suites 酒店 – 浴室區域
美國紐約曼哈頓酒店住宿推介 | 浴室面積適中，光線充足，房間設有淋浴區，個人用品係Alice+Co品牌，有洗頭水、沐浴露、護髮素、潤膚露同番梘。因為酒店響應環保，所以個人用品係大支裝，減少使用塑膠，而其他用品例如：牙刷、牙膏、剃鬚刀等，就要打電話叫職員另外送上。
美國紐約酒店住宿推介 | 紐約曼哈頓/切爾西 TownePlace Suites 酒店 – 健身室
美國紐約曼哈頓酒店住宿推介 | 紐約曼哈頓/切爾西 TownePlace Suites 酒店（TownePlace Suites New York Manhattan/Chelsea）於地庫1樓設有24小時健身室，大家只需要用房卡就可以使用健身室。不過我哋今次無時間去，同唔到大家分享。
美國紐約酒店住宿推介 | 紐約曼哈頓/切爾西 TownePlace Suites 酒店 – 酒店餐廳
美國紐約曼哈頓酒店住宿推介 | 紐約曼哈頓/切爾西 TownePlace Suites 酒店（TownePlace Suites New York Manhattan/Chelsea）嘅餐廳位於地下同一樓，只於早餐時段開放。呢間酒店嘅另一賣點就係提供免費早餐，無需另加費用。早餐提供炒蛋、火腿、香腸、生果、麵包、早餐麥片、粟米片等，款式都叫做豐富。
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
TownePlace Suites New York Manhattan/Chelsea – 紐約曼哈頓/雀兒喜 TownePlace Suites 酒店 – 紐約曼哈頓／切爾西 TownePlace Suites 酒店
地址：140 W 28th St, New York, NY 10001, United States
預訂網址：hk.trip.com
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
