【美國華盛頓酒店住宿推介】華盛頓特區市中心 Moxy 酒店

【美國華盛頓酒店住宿推介】終於嚟到今次美國東岸詩等於嘅最後一站：華盛頓特區（Washington DC），我哋今次入住咗萬豪旅享家（Marriott Bonvoy）旗下嘅華盛頓特區市中心 Moxy 酒店 （Moxy Washington, DC Downtown），酒店位於華盛頓市中心，位置方便，設計玩味十足。

美國華盛頓酒店住宿推介 | 華盛頓特區市中心 Moxy 酒店 Moxy Washington, DC Downtown – 酒店大堂

美國華盛頓酒店住宿推介 | 華盛頓特區市中心 Moxy 酒店 （Moxy Washington, DC Downtown）位於美國華盛頓（Washington）市中心，位置非常方便，步行4-5分鐘即有地鐵站。Moxy酒店主張盡情玩樂，設計玩味十足。開放式嘅酒店大堂設有足球機同棋盤遊戲，特別之處喺大家喺酒吧check-in登記入住，每位賓客將會有Welcome drink，可以夜晚喺大堂酒吧飲返杯。大堂更設有24小時小賣部，提供多款食品同早餐，非常方便。

美國華盛頓酒店住宿推介 | 華盛頓特區市中心 Moxy 酒店 Moxy Washington, DC Downtown – 客房區域

美國華盛頓酒店住宿推介 | 華盛頓特區市中心 Moxy 酒店 （Moxy Washington, DC Downtown）嘅客房明顯較細，但係非常識得善用空間。房間最特別一定係牆上嘅掛鉤，上面掛起咗枱行李架，要用先拎落嚟，可以慳返好多位，而掛鉤仲可以掛衫，真係非常多用途。酒店為咗節省空間，床嘅下面有位置放行李篋，床頭櫃仲擺放迷你雪櫃同夾萬，設備非常齊全。

我哋今次就被安排入住大床房。房間設有大床，床褥軟硬適中，床單柔軟，非常舒服；枕頭總共有4個，2個係偏軟2個係偏硬。床頭位置設有插頭同燈掣，夠晒方便。窗簾嘅遮光度十足，絕對可以瞓到自然醒。就算間房咁細，都有一個好大嘅平面電視，可以睇YouTube、Netflix平台，非常方便。

美國華盛頓酒店住宿推介 | 華盛頓特區市中心 Moxy 酒店 Moxy Washington, DC Downtown – 浴室區域

美國華盛頓酒店住宿推介 | 浴室面積適中，光線充足，房間設有淋浴區，個人用品係muk品牌，有2合1嘅洗頭水沐浴露同護髮素。因為酒店響應環保，所以個人用品係大支裝，減少使用塑膠，而其他用品例如：牙刷、牙膏、剃鬚刀等，就要打電話叫職員另外送上。

美國華盛頓酒店住宿推介 | 華盛頓特區市中心 Moxy 酒店 Moxy Washington, DC Downtown – 健身室

美國華盛頓酒店住宿推介 | 華盛頓特區市中心 Moxy 酒店 （Moxy Washington, DC Downtown）設有24小時健身室，大家只需要用房卡就可以使用健身室。不過我哋今次無時間去，同唔到大家分享。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

華盛頓特區市中心 Moxy 酒店 Moxy Washington, DC Downtown
地址：1011 K St NW, Washington, DC 20001, United States
預訂網址：hk.trip.com

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com