【西班牙巴塞隆拿酒店住宿推介】巴塞隆拿艾美酒店 Le Méridien Barcelona
【西班牙巴塞隆拿/巴塞隆納酒店住宿推介】移民英國倫敦後，去歐洲旅行就變得超級方便，兩三個鐘就有好多選擇，今次我哋嚟個週末快閃西班牙巴塞隆拿，食下西班牙Tapas，行下街。酒店方面，我哋第二晚住咗萬豪旅享家（Marriott Bonvoy）旗下嘅巴塞隆拿艾美酒店 （Le Méridien Barcelona），酒店位於巴塞隆拿（Barcelona）市中心嘅蘭布拉大道（La Rambla），位置方便，感受本地藝術氣息，體現歐洲人慢活享受人生嘅哲學！
西班牙巴塞隆拿/巴塞隆納酒店住宿推介 | 巴塞隆拿艾美酒店 Le Méridien Barcelona – 酒店大堂
西班牙巴塞隆拿/巴塞隆納酒店住宿推介 | 巴塞隆拿艾美酒店 （Le Méridien Barcelona）位於西班牙巴塞隆拿（Barcelona）市中心嘅蘭布拉大道（La Rambla），位置非常方便。一走入酒店大堂，同全球其他艾美酒店一樣，都有歡迎藝術品（Arrival Art），由巴塞隆拿本地藝術家創作，將唔同巴塞隆拿相片組成嘅馬賽克。我哋最喜歡嘅就係酒店樓梯嘅藝術品，貫穿整間酒店。另外，大堂仲設有Longitude Bar 2° 10′ ，可以品嚐illy咖啡。
西班牙巴塞隆拿/巴塞隆納酒店住宿推介 | 巴塞隆拿艾美酒店 Le Méridien Barcelona – 客房區域
西班牙巴塞隆拿/巴塞隆納酒店住宿推介 | 巴塞隆拿艾美酒店 （Le Méridien Barcelona）共有231間客房同套房，我哋今次入住6樓嘅露台套房Terrace Suite，房間面積非常之大，最正嘅就係有一個露台，設有太陽櫈、梳化、太陽遮等，下晝可以曬吓太陽，飲杯酒，真係好寫意。
露台套房設有大床，床褥軟硬適中，床單柔軟，非常舒服；枕頭總共有4個，2個係偏軟2個係偏硬。床頭位置設有插頭同燈掣，夠晒方便。窗簾嘅遮光度十足，絕對可以瞓到自然醒。
另外套房設有好大張嘅L型梳化同茶兀，空間感十足，仲有一張工作枱，要工作同休息都絕對無問題。如果有住開艾美酒店嘅朋友都會知道佢哋有Unlock Art Program，畀住客可以探索當地文化，免費參觀藝術館。大家只需要拎住客房內嘅贈券同房卡，就可以免費參觀高迪（Gaudi）其中一個作品：桂爾宮（Güell Palace）。
西班牙巴塞隆拿/巴塞隆納酒店住宿推介 | 巴塞隆拿艾美酒店 Le Méridien Barcelona – 浴室區域
西班牙巴塞隆拿/巴塞隆納酒店住宿推介 | 巴塞隆拿艾美酒店 （Le Méridien Barcelona）嘅浴室絕對係非常之大，一開始有Walk-in衣帽間，絕對有空間可以擺行李同雜物。再行入去浴室，裏面是有淋浴間同浴缸，個人用品係MALIN+GOETZ品牌，有洗頭水、沐浴露同護髮素。因為酒店響應環保，所以個人用品係大支裝，減少使用塑膠。酒店仲有提供牙刷、牙膏、剃鬚刀、潤膚露等，我哋就好鍾意呢一個嘅浴室袋。
西班牙巴塞隆拿/巴塞隆納酒店住宿推介 | 巴塞隆拿艾美酒店 Le Méridien Barcelona – 健身室及水療中心
西班牙巴塞隆拿/巴塞隆納酒店住宿推介 | 巴塞隆拿艾美酒店 （Le Méridien Barcelona）設有24小時健身室，大家只需要用房卡就可以使用健身室。不過我哋今次無時間去，同唔到大家分享。另外， 酒店仲設有 Explore Spa，如果想做過Spa同按摩輕鬆，就啱曬你啦！
西班牙巴塞隆拿/巴塞隆納酒店住宿推介 | 巴塞隆拿艾美酒店 Le Méridien Barcelona – 餐廳
西班牙巴塞隆拿/巴塞隆納酒店住宿推介 | 巴塞隆拿艾美酒店 （Le Méridien Barcelona）地下設有全天候CentOnze 餐廳，提供早午晚餐。你話有乜嘢好過朝頭早一邊食一個豐富嘅早餐，一邊坐喺落地玻璃嘅窗邊欣賞蘭布拉大道（La Rambla）嘅景色！
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
巴塞隆拿艾美酒店 Le Méridien Barcelona
地址：La Rambla 111, Carrer del Pintor Fortuny, 4-6, 08001 Barcelona, Spain
預訂網址：hk.trip.com
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
