【西班牙巴塞隆拿酒店住宿推介】棉之屋酒店 Cotton House Hotel
【西班牙巴塞隆拿/巴塞隆納酒店住宿推介】移民英國倫敦後，去歐洲旅行就變得超級方便，兩三個鐘就有好多選擇，今次我哋嚟個週末快閃西班牙巴塞隆拿，食下西班牙Tapas，行下街。酒店方面，我哋第一晚住咗萬豪旅享家 （Marriott Bonvoy）旗下嘅傲途格精選酒店品牌（Autograph Collection）中嘅棉之屋酒店 （Cotton House Hotel），酒店位置方便，最重要係酒店充滿故事，真係好特別。
西班牙巴塞隆拿/巴塞隆納酒店住宿推介 | 棉之屋酒店 Cotton House Hotel, Autograph Collection – 酒店大堂
西班牙巴塞隆拿/巴塞隆納酒店住宿推介 | 傲途格精選酒店品牌 （Autograph Collection） 係萬豪旅享家（Marriott Bonvoy）獨特酒店系列，強調每間酒店獨一無二 (Exactly Like Nothing Else)，為住客留下深刻印象 (The Mark)。棉之屋酒店 （Cotton House Hotel）絕對充滿故事，位於巴塞隆拿（Barcelona）市中心，前身係19世紀棉紡織品基金會Fundación Textil Algodonera嘅總部，係當時巴塞隆拿嘅地標建築。到二十世紀中期，棉花大亨Guild收購大廈，仲改造為私人公司嘅總部，招待名地嘅棉花種植者。2015年經過保育改造後成為棉之屋酒店傲途格精選，由室內設計大師Lázaro Rosa-Violán操刀，保留建築物原有嘅面貌同元素，包括酒店嘅實木大門、門口同大堂地板嘅棉花標誌、大理石樓梯、精美嘅鑲木地板，保賽利羅裝飾嘅天花板等。
另外，一樓嘅L’atelier工作室曾經係裁縫同襯衫製造商為棉布料協會成員量度尺寸嘅地方，酒店保留呢個地方，由西班牙最有名嘅裁縫店Santa Eulalia為顧客提供專業嘅私人手工定制服務，之後會將製成品寄返去客人嘅屋企，真係好貼心。
西班牙巴塞隆拿/巴塞隆納酒店住宿推介 | 棉之屋酒店 Cotton House Hotel, Autograph Collection – 客房區域
西班牙巴塞隆拿/巴塞隆納酒店住宿推介 | 棉之屋酒店 （Cotton House Hotel）共設有83間客房及套房，其中5間為套房，酒店客房名字取自紡織品，成間酒店都放滿原枝棉花，貫徹棉之屋嘅特色。我哋今次就被安排入住1樓嘅Damask套房，正正係Guild曾經嘅主人房，Damask套房嘅最大嘅賣點就係重現古代貴族居家場景，最特別係可以欣賞到120多年前嘅米開朗基羅風格嘅天花板壁畫，真係好似住咗喺博物館入面咁！
Damask套房樓底非常之高，雖然面積唔係好大，有梳化偏廳同圓枱，仲設有大床，床褥軟硬適中，床單真係超級柔軟，係非常舒服；枕頭總共有4個，2個係偏軟2個係偏硬。床頭位置設有插頭同燈掣，夠晒方便。窗簾嘅遮光度十足，絕對可以瞓到自然醒。
Damask套房提供咖啡、茶、兩支蒸餾水、mini bar等，仲有熨斗、燙衫板、夾萬等基本用品，一應俱全。
西班牙巴塞隆拿/巴塞隆納酒店住宿推介 | 棉之屋酒店 Cotton House Hotel, Autograph Collection – 浴室區域
西班牙巴塞隆拿/巴塞隆納酒店住宿推介 | 棉之屋酒店 （Cotton House Hotel）嘅浴室面積超級大，非常舒服。設有浴缸同淋浴區，最啱夜晚返嚟浸浴。個人用品係ORTIGIA品牌，有洗頭水、沐浴露、護髮素、潤膚露同番梘。酒店亦提供牙刷、牙膏、剃鬚刀、護理包等。
西班牙巴塞隆拿/巴塞隆納酒店住宿推介 | 棉之屋酒店 Cotton House Hotel, Autograph Collection – 健身室
西班牙巴塞隆拿/巴塞隆納酒店住宿推介 | 棉之屋酒店 （Cotton House Hotel）於6樓設有室外游泳池、小型健身房同Spa按摩室，不過唔方便影相，所以無法同大家分享。
西班牙巴塞隆拿/巴塞隆納酒店住宿推介 | 棉之屋酒店 Cotton House Hotel, Autograph Collection – 酒店餐廳
西班牙巴塞隆拿/巴塞隆納酒店住宿推介 | 棉之屋酒店 （Cotton House Hotel）於1樓設有全天候主餐廳BATUAR，提供早午晚餐同酒吧。餐廳提供本地西班牙同地中海美食。
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
棉之屋酒店 Cotton House Hotel, Autograph Collection
地址：Gran Via de les Corts Catalanes, 670, 08010 Barcelona, Spain
預訂網址：hk.trip.com
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
