【深圳Costco攻略】最新18大深圳Costco必買推介！連入會方法、會員褔利及前往方法等最齊全深圳Costco懶人包
Costco嘅魔力殺到嚟喇！Costco作為一間倉儲式超級市場，以優質品牌、親民價格同性價比高作賣點，而因應深圳Costco分店開幕後，成為距離香港最近嘅Costco分店，隨即成為香港人北上深圳掃平貨嘅好地方呢！如果你都想去Costco潮聖，就要留意呢篇深圳Costco攻略，出發前了解深圳Costco入會及前往方法，及最新嘅18大深圳Costco必買推介呀！
延伸文章：【深圳山姆攻略】最新20大深圳山姆必買推介！連入會方法、會員褔利及前往方法等最齊全深圳山姆懶人包
1. 深圳Costco | 基本資料
位於深圳龍華區嘅深圳Costco佔地15,000平方米，細分為26個購物區域，除咗熟食、新鮮肉類、海鮮、蔬果、冷凍食品、冷藏食品等超級市場食品之外，亦有售賣衫褲鞋襪、日常個人用品、五金工具、園藝用品、運動用品，甚至珠寶手錶、美容用品、家品電器，而深圳Costco更設有美食廣場、輪胎中心、聽力中心、視光室，提供免費驗眼和測試聽力等服務。如果第一次嚟到深圳Costco，真係夠你行足大半日呢！
2. 深圳Costco | 購買需知
Costco作為一間以批發為主打嘅超級市場，所以大部份產品都以大包裝大份量為賣點。但大部份香港人屋企嘅雪櫃都偏小，所以建議約埋屋企人或者朋友一齊去，咁就可以開心share啦！另外，記住帶夠大size嘅環保袋，環保之餘仲可以慳返膠袋費呢！
3. 深圳Costco | 前往方法
港鐵/深圳地鐵：乘坐港鐵至落馬洲站後，轉乘深圳地鐵4號線至紅山站，步行15分鐘即可到達
高鐵/深圳地鐵：於西九龍高鐵站乘搭高鐵至福田站，再轉乘深圳地鐵4號線至紅山站，步行15分鐘即可到達
自駕遊：深圳Costco設有3層停車場，提供超過一千個停車位及充電停車位，適合港車北上的香港自駕遊旅客
4. 深圳Costco | 入會方法
Costco係一間會員制超級市場，shopping前必須透過Costco Wechat小程序、Costco Apps或於深圳Costco即場登記成為Costco會員。Costco會員主要分為金卡及企業卡兩種：Costco金卡申請人，必須年滿18歲，加上回鄉證及內地電話號碼，繳交299人民幣會費及經Costco審核後，即可得到一張主卡及一張附屬卡（附屬卡申請人必需與主卡人為同一地址）；至於Costco企業卡，最多可申請6張附屬卡，但需提交有關營利法人、事業單位、社會團體、基金會、社會服務機構、個體工商戶或農村承包經營戶的證明文件，對於一般香港人嚟講，確實唔容易達到要求呢。
5. 深圳Costco | 會員福利
Costco嘅會員卡全球適用，所以憑卡除咗適用深圳分店之外，亦可到中國其他省市、台灣、日本、韓國、英國、美國、加拿大等地方購物，唔同嘅Costco分店，貨品亦會唔一樣，所以去旅行嘅時候，不妨預時間去Costco買手信啦！同樣地，持有其他國家嘅Costco會員卡，亦可到深圳Costco掃貨呢！至於，每張主卡或附屬卡，每次可額外帶2名成人同行，唔需要一家人開幾張會員卡架！
6. 深圳Costco | 必買推介
6.1 蟹黃拌麵
深圳Costco嘅蟹黃拌麵，相信係深圳Costco最具人氣嘅商品之一！蟹黃非常香濃，油香十足，撈麵一齊食就最滿足。
6.2 松屋牛肉飯
日本松屋喺香港並未開設分店，所以如果想回味松屋嘅牛肉飯，深圳Costco就可以滿足你，一盒共有4份，簡單加熱就食得。
6.3 鮑魚干貝蟲草粥
如果想清清淡淡食碗粥，但又唔想睇火，呢個深圳Costco嘅鮑魚干貝蟲草粥就啱晒一班懶人！
6.4 辛辣麵（黑版）
黑版辛辣麵嘅麵條粗身，口感彈牙。配合牛骨雪濃湯湯底，味道濃郁，辣度比紅版辛辣麵低，重點係深圳Costco賣得平過香港呀。
6.5 愉快動物餅
如果要準備小朋友返學嘅零食，深圳Costco呢得大大盒嘅愉快動物餅就啱晒，好味又抵食。
6.6 維果清羽衣甘藍西芹汁
維果清羽衣甘藍西芹汁可以話係每個人嘅Costco手推車必有嘅商品！呢款冷壓鮮榨果汁，健康又好味。
6.7 榴槤爆漿包
鍾意食榴槤嘅話，深圳Costco呢款榴槤爆漿包就可以滿足到你！一咬落去，榴槤就瞬間爆出，香氣濃郁，絕對可媲美新鮮榴槤肉。
6.8 Durian Puff
另一款推介嘅深圳Costco榴槤產品就係Durian Puff，產地原自馬來西亞嘅榴槤，咬開鬆脆嘅泡芙，隨即感受到榴槤嘅邪惡。
6.9 酸菜牛肉麵
深圳Costco呢個酸菜牛肉麵，絕對係懶人之選。牛肉嘅份量十足，湯底微酸，非常醒胃。
6.10 椰子燉雞湯
平時香港買嘅即食湯包真係好貴，所以嚟到深圳Costco就必買呢款椰子燉雞湯，啱晒平時少湯水嘅大家。用上海南椰子肉及清遠雞，無添加防腐劑，只要加熱就食得。
6.11 蒲燒星鰻
價錢上未必有絕對嘅優勢，但呢款蒲燒星鰻嘅醬汁非常香濃，肉質綿滑，如果購物袋有位嘅話，不妨一試。
6.12 水果
深圳Costco嘅水果選擇唔少，而且夠晒新鮮！即場仲有唔少試食counter，試啱先買。
6.13 朱古力熔岩蛋糕
呢款朱古力熔岩蛋糕可以話係小朋友嘅最愛！用上歐洲進口嘅朱古力製作，翻熱後，切開表層，濃厚嘅朱古力一湧而出。
6.14 麻糬糕點
深圳Costco自設麵包烘焙區，多款都大受歡迎。其中麻糬有多種口味，但講到最受歡迎，相信都係芝麻味。芝麻嘅香味十足，口感Q彈，啱晒下午茶時段，飲番杯茶，嘆番兩粒麻糬。
6.15 超熟方包
日本超人氣嘅Pasco，麵糰經長時間低溫發酵而成，麵包組織綿密細緻，香Q柔軟有彈性，散發淡淡嘅小麥香味同鮮甜味。
6.16 Apple Sidra
每次去台灣旅行，都好想買返幾支Apple Sidra返香港，但又怕寄艙會爆。依家終於唔洗煩，喺深圳Costco可以大手入貨，價錢比香港平，但必須預備大隻佬兩枚。
6.17 新東陽豬肉乾
另一台灣人氣手信，喺深圳Costco都可以優惠價買到！
6.18 卡通精品
喺深圳Costco都有唔少卡通精品，高過一個人嘅勞蘇雖然買唔到，但都有唔少實用商品，價錢唔算太平，勝在選擇夠多。
7. 深圳Costco | 美食廣場
行完Ikea，總會以熱狗作結；嚟到深圳Costco都唔例外！全球各地嘅Costco，美食廣場嘅熱狗同樣非常出名，臨走嘅時候買番隻試試。
延伸文章：【深圳山姆攻略】最新20大深圳山姆必買推介！連入會方法、會員褔利及前往方法等最齊全深圳山姆懶人包
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
深圳Costco
地址：深圳市龍華區民達路68號
營業時間：星期一至日 09:00-21:00
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
