BB班郊遊徑睇維港靚景 山頂盧吉道環迴步行徑
上到嚟山頂，就梗係要睇佢全相啦！講緊嘅全相當然就係維港全景啦！山頂居高臨下，有唔少睇風景嘅check point，其中呢條山頂環迴步行徑就有過百年歷史，喺盧吉道段就可以270度睇到維港兩岸嘅景色，如果夜晚嚟到，仲可以細味呢個百萬夜景添！更重要係全程以平路為主，輕鬆易行，適合推BB車同長者㗎！
Read More
山頂好去處
第一個水塘 薄扶林水塘
M佬提議上山頂拍拖，我就一於準備條靚靚長裙上去同香港靚景打卡啦！但當佢見到我呢個裝扮，就叫我換番波鞋同運動褲，因為我哋係行上山頂！其實行上山頂可以有好多路線，而我哋就取道薄扶林，順便欣賞一吓香港歷史最悠久嘅水塘：薄扶林水塘，嚟個輕鬆嘅週末行山郊遊旅程啦！
Read More
輕鬆行山遊 香港仔水塘
嚟到weekend就梗係要同M佬拍拖啦！近期，我哋就愛上咗行山，除咗可以親親大自然同呼吸新鮮空氣之外，更加可以鍛鍊身體同減肥添！加上行山徑內亦有唔少打卡熱點，都好適合一家大細嚟上一堂大自然嘅通識科！今日我哋就嚟到香港仔郊野公園，由灣仔峽公園行去香港仔水塘。呢條郊遊路線輕鬆易行，十分適合行山初哥！
Read More
泰式風情小屋 山頂灣仔峽公園
灣仔區係全港18區當中，四個最細面積嘅分區之一，但原來景點一啲都唔少。我哋上次就行過寶雲道同姻緣石，今次再住上行，嚟到灣仔峽公園！點解會嚟灣仔峽公園？因為A姐近期睇到網上有唔少人介紹呢度嘅泰式風情小屋，充滿東南亞風情，啱晒大家weekend嚟打卡拍拖！
Read More
港督後花園 柯士甸山遊樂場
太平山山頂嘅景點除咗有凌霄閣同山頂廣場，其實仲有兩個秘景。其中一個就係以英式風格庭園為主題嘅山頂花園，而另一個就係充滿維多利亞時期風格嘅柯士甸山遊樂場，絕對係大家周末同拍拖嘅好去處，仲適合大家帶埋毛孩嚟野餐打卡添。
Read More
山頂大富翁夢想世界 週末拍拖打卡好去處
A姐成日都話求包養，我就包養唔起佢架喇，所以今個weekend，一於介紹個鑽石王老五俾佢識啦！呢個人住喺山頂，有錢到人人都識，佢就係大富翁喇！位於山頂廣場嘅大富翁夢想世界 Monopoly Dreams Hong Kong 係全球第一個大富翁主題館，裡面有唔同嘅打卡位同娛樂設施，無論一家大細定拍拖去玩都啱晒。今日我哋就去拜訪一吓大富翁先生，參觀一吓佢嘅大宅啦！
Read More
全新AR感官體驗 香港特麗愛3D美術館
就嚟暑假喇，唔知香港有咩玩呢？位於香港太平山頂嘅特麗愛3D美術館 Trick Eye 3D Museum，我地玩過吖（詳情：香港山頂特麗愛3D美術館假日奇幻旅行），點解M佬今日又同我去多次嘅？ 原來依家有全新玩法，所有3D圖像都識得郁㗎！記住玩之前，要先上Google Play或App Store download TrickEYE Hong Kong APP，所有嘢從此都變得不一樣！
Read More
香港山頂特麗愛3D美術館Trick Eye 3D Museum Hong Kong假日奇幻旅行
話時話，同M佬一齊咁耐，我哋都未上過山頂，今日一於做自由行，上山頂吹吹風，睇吓香港全景啦！每次見到山頂纜車條長龍都會卻步，所以今次就由中環站出發，舒舒服服坐巴士上山頂啦。原來咁耐無去過山頂，真係變化咗好多，連韓國嘅特麗愛3D美術館Trick Eye 3D Museum Hong Kong都進駐香港山頂呀！上次去韓國都無玩，M佬，今次我哋要去影多啲靚相呀！ 香港特麗愛3D美術館分為五大主題：名畫世界、探索香港、秘密花園、大冒險和夢幻樂園，合共約50幅錯視畫作及展品，張張影2-3分鐘，都玩足半日！M佬！幫我影呢張呀！
Read More