「教主誕」發放正能量連繫社會，慈善團體獲贈4千張香港摩天輪門票

雖然我哋唔係神徒或Little Giants（粉絲團），但每年7月7日，都會感受到神徒嘅用心，為偶像盧瀚霆（Anson Lo）舉辦應援活動。今年嘅無人機表演更不惜工本，獲得一眾好評之外，仲邀請全港市民免費乘搭中環摩天輪呢！雖然相關生日活動已順利完成，但神徒期望活動能回饋社會，所以以「Anson Lo盧瀚霆」名義向8個慈善團體送贈近4,000張指定日子嘅香港摩天輪門票，希望帶出「圓」相伴同行嘅正能量訊息。

活動當日，超過兩萬名市民及遊客蒞臨香港摩天輪參與活動！場內設有教主生日佈置俾大家打卡留念，同免費派發各式各樣印有Anson Lo頭像嘅應援物品之外，仲無間斷播放教主嘅舞台表演同個人音樂作品，氣氛非常熱鬧。整個活動除咗令大家喺香港摩天輪沉醉維港美景，更增進社群之間嘅聯繫同互動。

另外，粉絲們受Anson Lo嘅跳唱單曲《 My Life》啟發，希望支持偶像變得更有意義，所以如同歌詞一樣「痛再痛，我要活著；愛再愛，永遠要愛就要活著……」，讓每一位為自己生命和生活奮鬥嘅人打氣，就算經過低谷，但你絕不孤單，因為只要感受到身邊人嘅，就一定會充滿正能量而繼續前行！所以粉絲們憑藉發放正能量連繫社會，送贈香港摩天輪門票予8個受惠機構：黑武士失明人體育會、協康會、苗圃行動、智樂兒童遊樂協會、陳校長免費補習天地、香港女童軍總會、東華三院及香港青少年癌症基金會，受惠人士包括視障人士及其同行者、青少年癌症患者、康復者及其家屬、有特殊學習需要的兒童及低收入家庭等。讓自己投入對社會嘅關注，了解社會有需要人士，更提醒自己多相伴相隨所愛嘅人。

香港摩天輪

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com