香港櫻花2026，全港8大賞櫻打卡熱點攻略

想睇櫻花，其實未必一定要飛日本！每年春天，香港櫻花亦同樣盛放，為城市添上一片粉紅色浪漫。由2月中下旬至4月，氣溫逐漸回暖，就係香港櫻花季節喇！本文為大家整合全港8個人氣香港櫻花觀賞熱點，無論情侶、朋友定一家大細，都可以一齊感受春日限定嘅粉紅魅力，約埋去打卡啦！

香港櫻花：行前需知

1. 自己垃圾自己帶走，唔好破壞大自然環境
2. 為咗令更多人都可以賞櫻，所以大家眼看手勿動，千祈唔好採摘香港櫻花呀

香港櫻花：櫻花花期

每年2月中下旬至4月，當天氣回暖，香港櫻花就會開花，千祈唔好錯過呀！

香港櫻花：沙田安景街公園

沙田城門河畔嘅櫻花嚟自日本南部嘅富士櫻，所以勉強適合喺香港種植。而沙田城門河安景街公園嘅櫻花樹大概有10棵，顏色偏粉紅，所以影相打卡好靚。
相關文章：沙田城門河賞櫻花好去處地址、花期、交通打卡全攻略

香港櫻花：將軍澳香港單車館公園

香港單車館公園內種咗9棵台灣品種嘅緋寒櫻和2棵日本品種山櫻，櫻花樹緊密相連，香港櫻花季期會形成一片粉紅色花海。大家更可以租架單車，賞櫻同時踩單車，真係好有日本嘅感覺呀！
相關文章：極限運動放電打卡 將軍澳單車館公園

香港櫻花：大帽山扶輪公園

上到嚟大帽山扶輪公園茶水亭對出就種咗38棵台灣品種嘅緋寒櫻，櫻花嘅數量又多又密，真係輕易就影到香港櫻花嘅打卡靚相呀！
相關文章：登上香港之巔 雲海日落大帽山

香港櫻花：長洲關公忠義亭

長洲關公忠義亭嘅櫻花樹，係40幾年前由台灣移植到香港，被譽為香港第一批嘅櫻花樹，所以相信唔少人第一次賞香港櫻花都係嚟到長洲關公忠義亭。關公忠義亭內種咗十幾棵台灣品種嘅山櫻樹，櫻花花形細小卻密集，真係好靚架！
相關文章：尋找長洲的日本秘景、長洲11大好去處及美食推介

香港櫻花：大埔嘉道理農場

大埔嘉道理農場以推廣保育為目標，係一個適合親子探索自然生態嘅好地方。至於園內一年四季都有唔同品種嘅花卉盛開，當然唔少得櫻花啦！大埔嘉道理農場嘅櫻花品種，主要為台灣嘅山櫻。整個園區種咗超過100棵櫻花，雖然數量非常多，但分佈喺嘉道理兄弟紀念亭至觀音山山頂一帶，適合大家邊郊遊行山邊影香港櫻花。
相關文章：郊遊探索自然生態一日遊 大埔嘉道理農場暨植物園

香港櫻花：赤鱲角機場櫻花園

機場櫻花園佔地面積唔大，但就種咗超過80棵屬於廣洲品種嘅櫻花樹，非常密集。至於機場櫻花園位於昂坪360觀景山嘅山腳，不時會有昂坪纜車喺你頭頂經過，形成一個非常獨特嘅香港櫻花打卡相。
相關文章：週末閒遊 機場以外的赤鱲角

香港櫻花：沙田科學園

科學園嘅地標係金蛋，但如果當櫻花遇上金蛋，呢個畫面又會係點呢？喺科學園嘅金蛋廣場旁邊種咗大約十棵櫻花樹，雖然數量唔多，但最大賣點係人流唔多，主要都係單車友為主，大家踩單車經過嘅時候，千祈唔好錯過香港櫻花呀！
相關文章：踩單車好去處 香港科學園

香港櫻花：鰂魚涌公園

返工都可以賞櫻？喺太古坊返工嘅你，食完lunch唔知會唔會喺鰂魚涌公園散吓步呢？鰂魚涌公園最高峰時種咗20多棵日本品種嘅富士櫻，櫻花嘅花冧比較細，呈粉紅色或淡紅色，係香港市區少見嘅賞櫻熱點。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com