前面轉彎大丸有落吖 佐敦小巴文化資料館

搭小巴絕對係一個心理戰，特別係第一次坐嘅路線，嗌落車真係一個大難題。話雖如此，但小巴卻係代表香港人嘅一種生活文化。今日我哋就嚟到全港首間，位於佐敦嘅小巴文化資料館，呢度展出一系列紅van嘅歷史資料，其中1:1嘅紅van車頭，更加係影相打卡熱點。

小巴文化資料館
資料館嘅面積雖然唔大，但就有由1965年至今，有關小巴嘅剪報同歷史相片、舊式鐵皮錢箱同車頭目的地掛布等。

館內最受歡迎嘅展品，當然就係呢個1:1嘅紅van車頭啦！呢㗎小巴除咗引擎同冷氣之外，其他例如車頭燈、舦盤、波棍、水撥、車頭電動牌布機都係郁得㗎！再細心睇吓，連紅van常見嘅散銀架同手寫小巴牌插都有㗎！

補充：由於疫情關係，資料館目前只接受團體預約到訪，或可以參加不定期舉辦嘅導賞團同工作坊，以了解香港小巴歷史。

香港小巴歷史
香港小巴牌照分公為紅色公共小巴同綠色專線小巴兩種，早期小巴載客量係14座位，至依家最多為19人。因為紅van嘅規管較少，所以政府透過唔同制度限制紅van經營，所以截至2017年3月，全港只有1064架紅色小巴，相反綠色小巴就有3,286架，相信不久將來，紅色小巴會越嚟越少，甚至成為歷史。

手寫小巴牌
香港不斷發展，有唔少舊嘅地名同建築物早已成為歷史，但小巴仍保留「大丸」、「官塘」、「火車站」、「大埔吉之島」同花碼車費牌等等嘅小巴獨有文化。

相信手寫小巴牌係除「九龍皇帝」以外，香港少有創造嘅獨特字型字體，近年更深得唔少本土人仕及文青喜愛。如果你哋對手寫小巴牌都有興趣，可以去到上層嘅紀念品店即場購買或預訂屬於你獨一無二嘅小巴牌添。喺紀念品店嘅麥錦生師傅更加係香港最後一位手寫小巴牌嘅師傅添！

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

小巴文化資料館
地址：佐敦炮台街39號
由於疫情關係，資料館目前只接受團體預約到訪，或可以參加不定期舉辦嘅導賞團同工作坊，以了解香港小巴歷史。

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com