期間限定藝術作品展 香港動植物公園邂逅市中森

香港動植物公園深受家長同小朋友喜愛，公園內除咗展示中小型動物同各式各樣嘅植物之外，近期藝術推廣辦事處就推出咗期間限定嘅「邂逅！市中森」公共藝術作品展，從歷史、集體回憶、文化想像同自然生態角度出發，今個weekend好去處就可以嚟香港動植物公園細味呢度每件藝術品同打卡啦！

香港動植物公園
公園分為兩大園區，而今次嘅17件藝術作品亦分佈喺園內唔同區域。不過，喺疫情期間，哺乳類及爬行類動物嘅園區並無開放，所以我哋未能一睹全部17件嘅作品。

邂逅！市中森
由一踏入公園，就會見到今次活動嘅標誌，可以scan QR code了解各個展品分佈嘅位置。當去到展品前面嘅時候，亦可以透過QR code了解每件作品嘅資料。今次嘅活動由17組藝術家同藝術團隊，包括唐納天、陳曦靜、張康生、張惠文、深食、即興項目、葉曉文、李卓媛、梁家泰、梁美萍、吳海賜、蘇秀儀、董永康、黃耀霖、黃榮法、王禾璧以及&dear，聯同藝術項目策劃夥伴 (影像藝術) 光影作坊及音樂夥伴香港創樂團，透過唔同媒介嘅藝術創作，眾從另一個角度認識香港動植物公園。

情迷島中園
由藝術團隊深食設計，將八款創意小食放入懷舊雪糕車，重新演繹香港動植物公園古蹟同古樹嘅歷史故事。

尋聲
由藝術團隊即興項目設計，亦係今次展覽中最大型嘅展品。透過竹棚間距同流線設計，代表樂器嘅音韻節奏。喺呢度可以細心聆聽公園內嘅自然聲音，例如流水聲、雀仔聲、風葉聲，感受香港動植物公園嘅即場演奏。

移動丘陵
由藝術家梁美萍設計，將陪伴我哋成長嘅公仔，拼砌成一組色彩繽紛嘅藝術裝置。

心森相印
由藝術家蘇秀儀設計，透過捕捉遊人喺公園內活動嘅有趣時刻，向擁有百年歷史嘅公園致敬。

幻想終端7120
由藝術家董永康設計，作品位於一座超過一百年歷史嘅涼亭，播映配上遊人和動物聲音嘅動畫，讓觀眾體驗歷史與科技嘅夢幻舞台。

到香港動植物公園探索香港生態！
由藝術團隊&dear 設計，喺園內唔同地方繪畫咗一系列動物壁畫，等大家尋找佢哋蹤跡，以發掘公園嘅生物多樣性。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

邂逅！市中森 Hi! Flora, Fauna
地址：香港動植物公園
網頁：www.lcsd.gov.hk
舉辦日期：2021年1月16日至6月30日
開放時間：噴水池平台花園 05:00-22:00；溫室/ 教育及展覽中心 09:00-16:30；其他 06:00-19:00

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com