由優質食材至移民講座 加拿大市集@D2 Place

移民係近期一個好熱門嘅topic，想移民當然要深思熟慮，選擇一個「我想住嘅地方」。加拿大作為香港人其中一個熱門嘅移民地點，想了解加拿大嘅有關須知，又或者你想搜購加拿大嘅優質食材或生活用品，今個weekend 2020年7月10至12日 可以嚟到D2 Place The Garage，參與Free Foundation特別呈獻「加拿大美好生活」加拿大市集。

 

 

優質食材
講起加拿大，一定會諗起大自然嘅風景同清新嘅空氣，所以加拿大嘅食材多元化，無論肉類、蔬果定海鮮都夠晒新鮮！加拿大市集當然唔少得售賣區，可以即場參加試食環節，再搜購心頭好。

Savoury Choice 豬肉
Savoury Choice 豬隻嚟自加拿大西部農場，豬隻並無添加荷爾蒙激素同瘦肉精，仲用不同嘅榖物餵飼，所以肉質會較鮮嫩彈口。而現場仲有駐場酒店大廚炮製豬肉料理，包括：低溫慢煮蒜汁芝麻豬柳同香煎豬斧頭扒配自家製泰式辣汁。想買返去自己煮都得，包括急凍嘅豬柳、排骨粒同豬斧頭扒等等。

 

 

 

 

 

 

 

小鎮純正果酒
去加拿大旅行，又點少得參觀酒莊，再試吓當地嘅果酒呢？雖然依家無得去旅行，但位於安大略省濱湖尼亞加拉小鎮嘅森尼堡酒莊都有參展，雖然我哋之前無去過，但聽講當地盛產水果，而酒莊採用冷凍壓榨技術，濃縮果實嘅糖分、酸度同提取物，令果酒嘅果味更鮮甜香濃。現場以買三送一優惠選購森尼堡酒莊的果酒，包括：冰梨酒、冰蘋果酒、冰草莓酒、巧克力草莓酒及巧克力藍莓酒等。

 

 

無污染海域野生海產
加拿大有長長嘅海岸線，部份更位於北極圈，所以海水潔淨無污染，而且野生海產繁多。而B.C. Fine Food售賣可持續海鮮，其中野生捕撈嘅三文魚、有機大西洋藍青口、野生銀鱈魚柳、野生大西洋龍蝦尾同帶子更加係主打。一於買啲返屋企啦！

 

其他產品
除咗食品，加拿大嘅手信又點少得精美手作、天然保健品同護膚產品呢？其中野生海參保健品Bêche，主打野生全天然海參膠囊養生素，野生海參捕獲後，先要經過檢驗同分級，再採用獨特嘅溫度調節工序而製成，再通過檢測，再向市場出售，服用海參膠囊養生素可以增強免疫系統，減輕肌肉疼痛，抒緩炎性關節炎同改善睡眠質素。

 

 

移民講座
加拿大駐香港及澳門總領事館將會舉辦四場移民講座，時間為2020年7月11至12日，下午二時至四時（共四場，每日兩場），想了解加拿大嘅移民計劃及計分方法，或加拿大留學及工作而獲得嘅永久居留權？就記住參加移民講座，屆時更設有問答環節，由領事館移民部同事解答，記住預番時間參加喇！

 

 

 

世界各地／香港景點門票邊度買至平？
–> 詳情請睇：https://wp.me/p8vzXP-6G <–

「加拿大美好生活」加拿大市集@D2 Place
日期：2020年7月10至12日
時間：10:00 – 21:00
地址：九龍荔枝角長義街D2 Place 二期地下The Garage

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com