【野餐好去處2024】10個熱門野餐地點推薦 私藏草地公園及海景野餐地點
【野餐好去處2024】近排天氣非常舒服，最啱就係去野餐啦！喺大自然嘅美景下，舒服嘅草地上，同成班朋友逃離石屎森林，一齊野餐同打卡，真係非常寫意。以下推介10個港九新界嘅熱門野餐地點，除咗草地同海景之外，重點係非常方便易去，今個weekend就約埋班friend，輕輕鬆鬆去野餐啦！
野餐好去處2024 | 提提你
野餐好去處2024 | 大家記住保持環境清潔，自己垃圾自己帶走，絕對唔可以破壞大自然環境
野餐好去處2024 | 港島
野餐好去處2024 | 港島｜1. 山頂花園
野餐好去處2023 | 港島｜山頂花園位處太平山，可能係香港最高嘅公園！喺中環站乘搭15號巴士或坐山頂纜車就可以到達凌霄閣，步行15分鐘左右即可到達山頂花園；山頂花園外亦設有少量咪錶車位，方便駕駛人士。山頂花園以英式風格庭園為主題，場內設有唔少枱枱凳凳，十分適合大家野餐。加上山頂花園係寵物共享公園，仲可以帶埋毛孩一齊嚟野餐放電呀！
詳情：秘遊山頂花園 文青打卡/悠閒行山/野餐好去處
野餐好去處2024 | 港島｜2. 添馬公園
野餐好去處2024 | 港島｜添馬公園鄰近金鐘港鐵站，隔離就係新政府總部同立法會。添馬公園除咗有一大片綠化空間之外，最大賣點當然係景觀開揚嘅維港海景啦！由於添馬公園接近香港嘅商業中心，唔少上班一族甚至會買份三文治或沙律，喺lunch time嚟到添馬公園野餐，享受weekday嘅寫意閒息。
野餐好去處2024 | 港島｜3. 數碼港海濱公園
野餐好去處2024 | 港島｜位於港島南區嘅數碼港海濱公園，旁邊就有咪錶，不過車位唔多，好彩旁邊仲有數碼港嘅停車場，消費仲有泊車優惠添，絕對係最適合自駕遊嘅旁邊就係野餐地點。數碼港公園臨海而建，所以喺呢度野餐就擁有無敵海景，仲可以眺望南丫島嘅風力發電站同三支煙囪，加上數碼港海濱公園係寵物共享公園，仲可以帶埋毛孩一齊嚟野餐放電呀！
詳情：數碼港海濱公園 與寵物野餐
野餐好去處2024 | 九龍
野餐好去處2024 | 九龍 | 4. 觀塘海濱公園
野餐好去處2023 | 九龍 | 觀塘海海濱花園前身為觀塘公眾貨物裝卸區，經過活化後，以大自然進入都市為發展概念，讓人煙稠密嘅觀塘都有舒服同休閒嘅地方。觀塘海濱花園一邊係海而另一邊就係綠化空間，公園內更設有兒童遊樂場、健身器械、藝術擺設、觀景台等設施，夜晚更設有音樂噴泉匯演，絕對係一個由朝玩到黑嘅野餐行程。
野餐好去處2024 | 九龍 | 5. 西九海濱長廊
野餐好去處2024 | 九龍 | 講到野餐好去處，又點少得西九海濱長廊呢！西九海濱長廊最大賣點就係背靠環球貿易廣場，面向國際金融中心嘅廣闊維港景色，好多人放假都鍾意嚟呢度野餐架！另外，西九海濱長廊亦係香港欣賞日落嘅熱點，大家可以邊野餐邊睇日落，絕對係一個適合打卡嘅野餐熱點。
野餐好去處2024 | 新界
野餐好去處2024 | 新界 | 6. 大埔海濱公園
野餐好去處2024 | 新界 | 唔少人放假都鍾意去大埔踩單車，下次不如準備埋野餐食物，踩單車去到大埔海濱公園順便野餐啦！大埔海濱公園係康樂及文化事務署轄下最大嘅公園，除咗設有野餐草地，仲設有回歸紀念塔、昆蟲館之外，仲可以喺大草地放風箏呢！喺唔同嘅花期仲可以順便賞花，絕對係一個行程非常豐富嘅野餐一天遊。
詳情：港版富良野 大埔海濱公園
野餐好去處2024 | 新界 | 7. 青衣公園
野餐好去處2024 | 新界 | 青衣公園係每年紅葉季嘅熱門賞楓熱點。建議大家可以準備飯團等日式食物，喺楓樹嘅紅葉下野餐，絕對有日本嘅感覺啦！除咗紅葉季之外，青衣公園亦有唔少樹蔭地方，一年四季都非常適合大家野餐呀！
野餐好去處2024 | 新界 | 8. 將軍澳單車公園
野餐好去處2024 | 新界 | 顧名思義，將軍澳單車公園係一個單車公園，但呢個單車公園仲設有緩跑徑、攀石牆、兒童遊樂場、健體設施、人工湖、模型船池同極限運動場等，可以喺呢度玩埋滑板同X-game呢！而將軍澳單車公園嘅中心位置仲設有中央草坪，適合大家野餐，所以將軍澳單車公園係一個適合動靜皆宜遊客嘅野餐地點。
詳情：極限運動放電打卡 將軍澳單車館公園
野餐好去處2024 | 離島
野餐好去處2024 | 離島 | 9. 塔門大草原
野餐好去處2024 | 離島 | 由大學站嘅馬料水碼頭坐街渡去塔門，船程大約1小時30分鐘。雖然去塔門嘅路程相比其他推介嘅地方，路程相對遙遠，但絕對值得！塔門係香港面積第十四大離島，除咗疊石之外，最出名當然係塔門嘅大草原啦！塔門嘅大草原非常廣闊，仲有360度無敵大海景，食飽飽仲可以行山同放風箏，享受大自然嘅時光。
詳情：周末輕鬆離島遊 塔門東平洲雙島遊
野餐好去處2024 | 離島 | 10. 迪欣湖
野餐好去處2024 | 離島 | 鄰近香港迪士尼樂園嘅迪欣湖，相信係最夢幻嘅野餐地點。因為迪欣湖嘅設計融入唔少迪士尼風格，細心留意嘅話仲有機會搵到Hidden Mickey呢！加上植物園、兒童遊樂場、小艇同單車租借服務，真係啱晒小朋友放電。建議大家可以選擇迪欣湖湖邊嘅草地野餐，望住湖光山色野餐，絕對係最寫意嘅野餐地點。
詳情：週末自駕郊遊樂 迪欣湖活動中心
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
10個熱門野餐好去處2024
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
