【車仔麵推介2026】香港9大必去人氣車仔麵店推薦
【車仔麵推介2026 | 9大香港必去人氣車仔麵店推薦】每次去完旅行返嚟，我哋好多時候都會即刻去食車仔麵，可以一次過叫好多個餸！我哋試過好多間車仔麵店，真係有唔少車仔麵私心推介。我哋就精選咗10大港九新界全港嘅車仔麵餐廳！
車仔麵推介2026 | 9大香港必去人氣車仔麵店推薦 | 1. 觀塘德興車仔麵
車仔麵推介2026 | 9大香港必去人氣車仔麵店推薦 | 平時食車仔麵，你哋會叫幾多個餸？我同A姐每次都習慣每人叫三或四個餸，然後再share食，價錢大概係$40左右。但今次嚟到觀塘嘅德興車仔麵，食12個餸都只係$40，但價錢平唔通每樣餸都只係得一舊？絕對唔係！呢碗車仔麵嘅份量超多，有可能係全城至抵食嘅車仔麵呀！
車仔麵推介2026 | 9大香港必去人氣車仔麵店推薦 | 2. 灣仔車仔麵之家
車仔麵推介2026 | 9大香港必去人氣車仔麵店推薦 | 位於金鐘同灣仔交界嘅車仔麵之家，價錢夠晒抵，一直都人氣高企。雖然繁忙時間都要排隊，但始終車仔麵夠晒快手。但要留意，店內只有幾個立食位置！呢度嘅麵底份量分為大、中、小，如果肚餓嘅當然可以叫大size，不過我哋覺得細size就約等於平時食開嘅份量。A姐首推夠晒脆嘅甜酸齋，酸酸甜甜之外，索埋辣嘅湯汁，味道真係好有層次呀！另外，豬紅亦相當唔錯，唔會散又夠滑！冬菇份量超多呀，而且好入味！炸墨魚腐皮卷炸到脆卜卜，入面仲有粒粒墨魚，係唔錯嘅選擇。雞翼就大大隻，係抵食之選！但記住記住一定要加辣汁，真係好香濃，好好味㗎！
車仔麵推介2026 | 9大香港必去人氣車仔麵店推薦 | 3. 十六座車仔麵
車仔麵推介2026 | 9大香港必去人氣車仔麵店推薦 | 十六座車仔麵懷舊四品麵餐，配料有雞翼、魚蛋、豬紅同通菜（本身係唐生菜，但今日貨未返，所以改為通菜）。雞翼滷得好入味，大大隻；魚蛋係陳皮魚蛋，好有口感！至於麵底就揀咗米粉，加上辣汁，好惹味。呢度嘅名物，包括限量金沙青、五香蝴蝶腩、咖喱麵筋同豬皮。金沙青比較肥，所以佢就唔係太鍾意喇，不過，我又覺得唔錯，肉質嫩滑，肉味香濃；蝴蝶腩好有口感，腩肉鮮嫩；而咖喱麵筋同豬皮都索晒辣汁，味道濃郁。
車仔麵推介2026 | 9大香港必去人氣車仔麵店推薦 | 4. 麵麵店
車仔麵推介2026 | 9大香港必去人氣車仔麵店推薦 | 好多幕前嘅藝人都會開餐廳，但唔係太貴就係唔好食。而小儀呢間麵麵店主打平民車仔麵，加上小儀仲係美女廚神，所以食物質素都相當有保證！牛腩炆得夠腍、牛柏葉掛上咖哩汁、魷魚份量多、而索晒辣汁嘅豬皮好入味。而嚟到食麵麵店當然要加上佢嘅辣菜脯，令到麵同湯底辣得更有層次。酸齋同麻辣蓮藕都係麵麵店嘅名物！首先酸齋表面係脆卜卜，而入面就索滿辣湯，好惹味呀！而麻辣蓮藕夠爽脆，配上紅椒、辣油、花椒等，麻辣感覺慢慢滲出嚟，好刺激呀。而韭菜餃估唔到咁多韭菜，好足料呀！
詳情：小儀車仔麵 灣仔麵麵店
車仔麵推介2026 | 9大香港必去人氣車仔麵店推薦 | 5. 麵尊
車仔麵推介2026 | 9大香港必去人氣車仔麵店推薦 | 嚟自上環嘅麵尊嚟咗銅鑼灣登龍街嘅V Point開分店！麵尊嘅湯底可以加入佢哋秘製嘅麻辣醬、秘製嘅咖哩汁同五香腩汁，令湯底更香濃！首推索晒咖哩汁嘅牛栢葉，爽口彈牙！而炆得好入味嘅冬菇，亦都好好味！而作為車仔麵必點嘅豬紅，唔會碎濕濕，唔錯！除咗醬汁，如果鍾意蔥嘅，記住圈埋，令湯底嘅香味大大提升。咖哩魚蛋係大粒嘅陳皮魚蛋，口感一流！豬皮索湯力一流，正！而咖哩魷魚同五香牛腩嘅份量好多，驚喜連麵底份量都好多，夠晒飽肚。
詳情：車仔麵新星 銅鑼灣麵尊
車仔麵推介2026 | 9大香港必去人氣車仔麵店推薦 | 6. 旺角豐味車仔麵
車仔麵推介2026 | 9大香港必去人氣車仔麵店推薦 | 旺角豐味車仔麵有港式車仔麵、招牌四川麻辣燙同正宗重慶酸辣粉揀，仲有41款餸揀，滿足曬我哋兩個啦！湯底一啲都馬虎，豬骨湯底加腩汁，再加埋秘製辣醬，十分惹味。牛腩煮得入味，肉質嫩滑；雞中翼滷水味濃；蘿蔔清甜美味，好滿足！鍾意麻辣嘅朋友一定要試四川麻辣湯，我M佬揀咗小辣，麻感十足，非常過癮。蠔油冬菇厚肉入味；魚肉春卷彈牙，豬皮吸曬麻辣湯，正！
車仔麵推介2026 | 9大香港必去人氣車仔麵店推薦 | 7. 大埔萬利小食店
車仔麵推介2026 | 9大香港必去人氣車仔麵店推薦 | 作為大埔舊街坊嘅我哋，萬利小食店絕對係我哋嘅童年回憶。以前中學就喺附近，早餐就食腸粉燒賣，午餐就嚟呢度買車仔麵。佢嘅濃郁湯底，真係第二道食唔到，所以每次返大埔，萬利小食店都係我哋嘅必然選擇。嚟萬利車仔麵就算唔叫牛腩都要加腩汁，因為腩汁肉香味濃，牛腩軟腍，份量又多；冬菇炆到入晒味。通菜份量多，索咗辣汁就更好味；蘿蔔夠甜又無渣；魚蛋就正正常常，勝在成碗份量多，抵食！
車仔麵推介2026 | 9大香港必去人氣車仔麵店推薦 | 8. 永年車仔麵
車仔麵推介2026 | 9大香港必去人氣車仔麵店推薦 | 永年車仔麵嘅湯底好惹味，最重要係食完唔會話超口渴！豬腸又肥又粗，一啲都唔膻。魷魚經過腌製嘅魷魚好入味，同出面一段白洽做法好唔同。豬皮好乾淨，食落爽口彈牙，一啲都唔馬虎。雞中翼/雞翼尖滷得好入味㗎。魚旦細細粒但好有咬口，而且好香陳皮味。牛柏葉爽口彈牙，份量十足！
車仔麵推介2026 | 9大香港必去人氣車仔麵店推薦 | 9. 柴灣財記粥麵
車仔麵推介2026 | 9大香港必去人氣車仔麵店推薦 | 財記粥麵位於吉勝街熟食市場，超過60年歷史，能夠屹立多年，相信呢度嘅車仔撈麵一定有祖傳秘方！雖然財記粥麵係本土舊式小店，但估唔到服務都幾好，一坐低就比多張凳我哋擺嘢，又勁好笑容同禮貌，但如果你係非常注重環境嘅人，呢度就未必適合你也真是要有心理準備。想咩餸都食啲，就一定要叫什麵，什麵嘅配料有豬腸、螺肉、蘿蔔、魚蛋、豬皮、豬紅、齋卜、魷魚同菜。車仔麵配上秘製豉油汁，另外加少少辣，夠晒惹味。蘿蔔鮮甜、螺肉軟腍、大腸乾淨爽口、魷魚勁入味，仲可以揀晒要鬚，爽口彈牙。
車仔麵推介2026 | 9大香港必去人氣車仔麵店推薦
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
