泰辣坊：屯門泰式小店的香辣秘笈

天氣熱自然就無乜胃口，想刺激一下味蕾，泰國菜可能係一個唔錯嘅選擇。位於屯門嘅泰辣坊，係區內新開嘅泰國菜餐廳，餐牌有唔少特色嘅泰國美食，有辣有唔辣！出品更用上唔少泰式傳統嘅香料調味，色香味俱全，為食物增添層次，味蕾瞬間被喚醒。

泰辣坊：鳳爪沙律

作為跟餐嘅小食，份量都唔少。泰辣坊嘅鳳爪入晒味，酸酸辣辣，口感大牙，非常清爽，係夏天必食嘅推介。

泰辣坊：炸蝦餅

泰辣坊嘅蝦餅即叫即炸，上枱一刻新鮮熱辣，咬開脆卜卜嘅外層，內餡用咗大量蝦膠打成，口感脆口而彈牙，非常滋味。

泰辣坊：辣肉碎生菜包

混合咗檸檬葉同辣椒碎一齊爆炒，所有豬肉碎索晒醒胃嘅酸辣香味！將辣肉碎放入生菜包中，加添新鮮爽脆嘅口感，層次大大提升。

泰辣坊：炸髀冬蔭公湯金邊粉

炸髀配冬蔭公都可以算係另類食法！泰辣坊嘅炸髀即叫即炸，炸到金黃香脆，鎖住肉汁，所以一咬開香脆嘅外皮，就感覺到鮮嫩多汁嘅雞肉（如果可以另上就更好）。食完香脆嘅口感，可以將雞髀浸落冬蔭公湯汁中，除咗增添酸辣味道嘅層次之外，仲可以減輕油膩感！至於冬蔭公湯底本身酸辣味道之餘，因為加上鮮蝦，所以非常鮮甜，同樣開胃。

泰辣坊：無骨海南雞飯

滑溜嘅黃色雞皮下，係鮮嫩嘅無骨雞肉，滑溜無骨嘅口感，特別暢快。沾上泰式海南雞醬同油飯，絕對係泰辣坊嘅最完美組合。

泰辣坊：基本資料

餐廳名稱：泰辣坊 Thai 3
地址：屯門井財街15號金銘大廈地下15號舖

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！

Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com