龍蝦包以外的龍蝦餐旺角Day and Nite by Master Kama

（已結業）

由年頭等到依家，終於……等到喇……份Bonus終於到手喇！唔知大家係未喺1月已經收到同已經用晒筆錢呢？出咗bonus，就梗係要帶A姐食飯慶祝啦，都唔駛兩秒，佢就諗到：龍蝦餐！係呀，呢期佢好鍾意食龍蝦，所以今日就去到旺角嘅Day and Nite by Master Kama再encore龍蝦餐啦！

意式龍蝦海鮮薄餅

半邊龍蝦嘅薄餅上枱已經好吸引喇，加上脆薄嘅批底，2個人share就啱啱好！最鍾意係佢嘅龍蝦粉量比例好多，又夠爽口！另外，仲有好多蝦肉、魷魚同蜆肉，真係啖啖海鮮架！同埋有好多好多嘅芝士，A姐就至鍾意啦。而千島醬愛好者嘅A姐，就更愛呢個薄餅喇！

馬糞海膽茶漬飯

呢個套餐包括一碗接近半板嘅海膽飯、一壺茶、漬物同一杯綠茶，賣相已經好有日本feel。加茶之前，先試試個海膽，好鮮甜呀。加入茶湯後，飯味清淡，但反而突出呢種清簡之味。

龍蝦茶碗蒸

A姐最唔鍾意食茶碗蒸，因為佢成日都覺得茶碗蒸好腥，除咗呢度！龍蝦肉、蟹柳、冬菇等製成，蛋夠晒香滑，海鮮味又夠晒鮮甜！

龍蝦濃湯雞扒石鍋湯烏冬

5款濃湯嘅選擇，再加8款配料選擇，最後揀埋要飯定烏冬，好似車仔麵呀。我哋就最鍾意佢個龍蝦濃湯，濃郁鮮香，真係可以飲到一滴不漏。而雞扒用濃郁嘅醬汁，好好味呀！

埋單又唔貴，A姐為我嘅bonus慳唔少呀！

Day and Nite by Master Kama
地址：旺角山東街50號1-2樓
電話：+852 3106 0900

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬玩樂日記
Instagram：AandMDiary
Openrice：A姐M佬
報料或合作：aandmdiaryhk@gmail.com