美食廣場都好chill，堅？紅磡栢檔極品海南雞飯

假期想chill吓，原來去美食廣場都得，堅？位於紅磡嘉里酒店嘅美食廣場臨海而建，提供超過10間國際美食餐廳選擇。推介嘅栢檔極品海南雞飯，主打海南雞飯、肉骨茶等南洋美食，加埋維港海景，真係勁有獅城feel，享受一個簡單卻又非常舒服嘅用餐選擇。

栢檔極品海南雞飯

栢檔極品海南雞飯嘅肉骨茶係馬拉版本，每日新鮮熬製，煲內勁足料，除咗豬骨，仲有大量藥材，藥材味較濃，味道正宗，加上索湯嘅豆卜，越飲越暖，夠晒滋補。

栢檔極品海南雞飯嘅海南雞特意選用無激素、無抗生素嘅鮮雞，雞肉味特別新鮮嫩滑，點埋海南雞飯嘅醬汁三寶，特別惹味；而且雞件預先起骨，適合家中長者，亦可於外賣加餸。

叻沙係南洋料理中最具代表性嘅食物之一！栢檔極品海南雞飯嘅湯底用上椰奶同各種香料，令味道更為濃郁，非常惹味。至於麵底用上米粉同黃麵，增加口感，亦還原快正宗嘅風格。

餐廳名稱：栢檔極品海南雞飯 PAK DON
地址：紅磡紅鸞道38號香港嘉里酒店1樓Kiosk 8
營業時間：星期一至日 11:30 – 21:00

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！