吊鐘花2026 港島紫羅蘭山 輕鬆易行市區路線

【吊鐘花2026 | 紫羅蘭山行山路線】每年1月底至2月中都係觀賞吊鐘花嘅最佳時間，所以A姐M佬就襯依家花期，去到位於港島嘅紫羅蘭山觀賞吊鐘花喇！其實香港有多條觀賞吊鐘花嘅行山路線，不過，紫羅蘭山除咗方便，亦相對易行，絕對適合行山新手。另外，紫羅蘭山嘅吊鐘花數量都唔少，出發前一於了解行山路線、觀賞吊鐘花位置、交通詳情等紫羅蘭山嘅行山路線攻略啦！

吊鐘花2026 | 紫羅蘭山行山路線 | 提提你

1. 紫羅蘭山係香港其中一條合家歡，難度唔高嘅路線，但大家都記住要量力而為
2. 我哋選擇由黃泥涌水塘公園作為起點，不走回頭路，行一個圈再以黃泥涌水塘公園為終點
3. 喺黃泥涌水塘公園設有士多同洗手間，大家可以購買補給品，預備足夠嘅飲用水繼續上山
4. 記住保持環境清潔，自己垃圾自己帶走，絕對唔可以破壞大自然環境
5. 吊鐘花被列為受保護植物，所以大家眼看手勿動，千祈唔好採摘吊鐘花呀

吊鐘花2026 | 紫羅蘭山行山路線 | 前往紫羅蘭山方法

1. 中環交易廣場巴士總站：乘坐6號、66號新巴，喺黃泥涌水塘公園站落車
2. 銅鑼灣出發：乘坐76號城巴，喺黃泥涌水塘公園站落車
3. 北角出發：乘坐41A號城巴、63號新巴，喺黃泥涌水塘公園站落車
4. 自駕遊：陽明山莊內設有非常少量嘅泊車位，或可泊喺設有時鐘或日泊嘅雅柏苑停車場

吊鐘花2026 | 紫羅蘭山行山路線 | 紫羅蘭山吊鐘花花期

吊鐘花2026 | 紫羅蘭山行山路線 | 吊鐘花細細朵，夠晒嬌小玲瓏，好得意架！而且吊鐘花好似懸掛嘅吊鐘，配以粉紅色，不過吊鐘花嘅開花時間比較短，每年一月底至二月中係紫羅蘭山觀賞吊鐘花嘅最佳時間，所以成為期間限定嘅打卡熱點！

吊鐘花2026 | 紫羅蘭山行山路線 | 紫羅蘭山吊鐘花行山路線起點：黃泥涌水塘公園

詳情：香港唯一休憩水塘 黃泥涌水塘花園
吊鐘花2026 | 紫羅蘭山行山路線 | 黃泥涌水塘嘅儲水量為2700萬加侖，水壩高50呎，長270呎，係全香港第三個水塘。但隨住多個水塘落成，黃泥涌水塘已改為休閑康樂設施，並提供划艇租用服務。另外，園內嘅水壩同水掣房喺2009年就被列為香港法定古蹟。至於行到水壩嘅盡頭就係紫羅蘭山嘅起步點。

吊鐘花2026 | 紫羅蘭山行山路線 | 紫羅蘭山吊鐘花行山路線：大潭郊遊徑

吊鐘花2026 | 紫羅蘭山行山路線 | 離開水壩後大概行1分鐘嘅路程，就會見到分叉路。如果想睇吊鐘花，就記住選擇大潭郊遊徑上紫羅蘭山，唔好選擇紫羅蘭山徑上紫羅蘭山呀！再行大概5分鐘嘅樓梯級，就會見到有一個涼亭。雖然只係起步無耐，但大家可以稍作休息，因為之後都唔會再有涼亭嘅休息位置。離開涼亭之後，就係樓梯嘅上山路線，沿路都有唔少吊鐘花，所以邊行邊影相，行嘅時候完全唔覺得辛苦。

吊鐘花2026 | 紫羅蘭山行山路線 | 紫羅蘭山吊鐘花行山景點：436米標高處

吊鐘花2026 | 紫羅蘭山行山路線 | 呢個標高處唔係紫羅蘭山呀，但大家可以稍作休息，而標高處旁邊都有唔少吊鐘花。另外，大家可以從標高處睇到中環、金鐘、銅鑼灣，以及維港對岸尖沙咀嘅景色。

吊鐘花2026 | 紫羅蘭山行山路線 | 紫羅蘭山吊鐘花行山景點：紫羅蘭山

吊鐘花2026 | 紫羅蘭山行山路線 | 離開436米標高處後，喺下一個分叉路可以轉上高433米嘅紫羅蘭山。沿路除咗吊鐘花，亦有冬天限定嘅大頭茶花。喺紫羅蘭山嘅標高處行前少少，就可以俯瞰大潭水塘，遠眺港島南區、深水灣及海洋公園一帶嘅景色。如果大家繼續向前行，就係往淺水灣嘅落山方向。不過，我哋選擇行返轉頭，去返分叉路嘅另一方向落山，前往陽明山莊，因為沿路仲有唔少吊鐘花架！

吊鐘花2026 | 紫羅蘭山行山路線 | 紫羅蘭山吊鐘花行山路線：衞奕信徑一段

吊鐘花2026 | 紫羅蘭山行山路線 | 離開紫羅蘭山嘅標高處，返到去頭先嘅分叉路口，今次選擇往陽明山莊嘅衞奕信徑一段方向。沿路有好多吊鐘花，開得非常靚，絕對唔可以錯過。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

吊鐘花2026 | 紫羅蘭山 Violet Hill

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com