【M+博物館2026】置身視覺旅程，M+博物館門票優惠、打卡、展覽、交通攻略

【M+博物館2026】西九文化區嘅M+博物館係亞洲首間以全球當代視覺文化為主題嘅博物館，設有6大專題展覽共33個展廳，收藏超過1,500件嘅世紀視覺藝術、設計及建築、流動影像、香港視覺文化等作品，而展品亦會定期更新，每次去都會有耳目一新嘅感覺。參觀M+博物館可以讓視覺置身一段旅程，出發前必睇M+博物館門票優惠、打卡、展覽、交通攻略，啱晒大家喺度玩足一日呀！

M+博物館2026 | 門票優惠

M+博物館門票優惠：詳情按此

標準門票
持有標準門票可參觀：除特別展覽外嘅所有展廳
票價：成人門票HK$120、全日制學生、7至11歲兒童、60歲或以上長者、殘疾人士及綜合社會保障援助受助人門票HK$60
特別展覽門票
持有特別展覽門票可參觀：M+博物館所有展廳，包括特別展覽
票價：成人門票HK$140、全日制學生、7至11歲兒童、60歲或以上長者、殘疾人士及綜合社會保障援助受助人門票HK$70

M+博物館2026 | 交通

港鐵九龍站
於C1或D1出口出站後，使用扶手電梯往1樓，跟從路標指示前往ELEMENTS圓方金區2樓的藝術廣場天橋出口。橫過行人天橋後，即可抵達西九文化區，路程需時約十分鐘
港鐵柯士甸站
於D出口沿柯士甸道西經綠化空間前往西九文化區，路程需時約十分鐘

M+博物館2026 | M+大樓

M+博物館嘅M+大樓由世界知名建築師事務所Herzog & de Meuron，聯同TFP Farrells和奧雅納設計，總面積達65,000平方米，展覽空間佔地17,000平方米。M+博物館建築合共18層，除咗33個展廳，仲有3間戲院、多媒體中心、研究中心，博物館商店、餐廳同天台花園。其中大樓外更設有110米嘅LED外牆屏幕，用作播放媒體影像藝術，讓M+博物館可以裡裡外外都散發著藝術氣息。

M+博物館2026 | 儲物櫃

一入到去M+博物館，正中央位置就係客務中心，而位於客務中心旁邊同B1層都有免費租用嘅儲物櫃，大家可以將行裝放低，盡情投入M+博物館嘅各項展品。

M+博物館2026 | 展覽

M+博物館設有6大專題展覽共33個展廳，收藏超過1,500件以新世紀視覺藝術、設計及建築、流動影像、香港視覺文化等藝術作品，而M+博物館展品亦會定期更新，每次去都會有耳目一新嘅感覺。由於每個展覽嘅展期各有不同，大家可以定期瀏覽M+嘅官方網頁，了解佢哋最新嘅展覽動向。

 

 

 

 

 

 

 

 

M+博物館2026 | 潛空間

M+博物館嘅潛空間係一個空間感十足嘅展覽空間，展出出生於越南嘅丹麥藝術家傅丹嘅《我們人民》同旅法嘅中國藝術家陳箴嘅《雙圓桌》。其中《我們人民》係美國自由神像嘅原大複製品成為本展覽嘅重點作品。

 

M+博物館2026 | 打卡

M+博物館透過建築設計，帶入自然光，加上天橋同水泥嘅顏色，輕易就影到打卡厄Like相啦！

M+博物館2026 | 天台花園

M+博物館位於西九文化區，地理位置飽覽維港由西至東嘅海岸景色，所以M+博物館嘅天台花園就係一個公共空間，讓大家可以180度飽覽維港景色。

M+博物館2026 | 商舖及餐廳

M+博物館亦設有ADD+ ALL DAY DINING、CURATOR Creative Café、M+本店同M+小舖。大家行到攰可以去到咖啡室，讓藝術融入生活；而臨走前更加可以買吓紀念品。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

M+博物館2026
地址：香港九龍西九文化區博物館道38號
開放時間：星期二至星期四、星期六至星期日 10:00-18:00；星期五 10:00-22:00
門票預約：www.klook.com

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com