踩單車好去處 香港科學園
呢一年因為多咗Home Office，少咗郁動，所以真係肥咗好多。見近日天氣好咗，就梗係要做下運動啦！今日就同A姐挑戰全港最長嘅新界單車徑，不過一向少運動嘅我哋，又點可以由屯門踩足全程去到馬鞍山呢？所以我哋只係踩咗成段裏面最受歡迎嘅吐露港段，中途經過科學園，順便睇吓有咩值得睇啦！
新界單車徑
喺2020年9月全面開放，由屯門起點，經元朗、新田、上水、粉嶺、大埔、沙田，最後連接馬鞍山，全長達60公里。
科學園
毗鄰白石角海濱長廊同吐露港單車徑，所以假日吸引好多單車友作為以科學園作為中途休息站。至於佔地22公頃嘅科學園，以高科技及應用科技（包括生物醫療科技、資訊及通訊科技、電子、綠色科技及物料及精密工程）為主嘅研究基地。科學園嘅第一期喺2004年10月落成，直至依家，科學園共有超過600間科技企業進駐。
科園廊 The Spine
科園廊係連接科學園內幾幢大廈嘅商店街，入邊有唔同嘅餐廳，而為咗將現代科技融入科學園，呢度就有賣雪糕嘅機械人，同電子便當販賣機。
浦岸 The Quay
浦岸係科學園連接吐露港單車徑及白石角海濱長廊，天氣好嘅時候，可以眺望到馬鞍山山頂同大埔慈山寺嘅觀音像。
高錕會議中心
科學園嘅地標，當然就係俗稱金蛋嘅高錕會議中心啦！喺金蛋嘅旁邊，仲有高錕爵士嘅生平介紹。高錕爵士喺2009年獲得諾貝爾物理學獎以表揚「在光傳輸於纖維的光學通信領域突破性成就」。
園中湖
科學園亦係一個城市花園，圍繞着低密度嘅商業中心，就係一個園中湖。
科學園 Science Park
地址：香港白石角吐露港沿岸
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
