[郊遊好去處] 由大浪灣行去小西灣 必到海景大電視打卡

天氣雖然開始熱，但如果有靚景俾A姐打卡，佢都會無懼炎熱，陪我一齊郊遊行山嘅！今次佢想去嘅打卡目的地就係位於小西灣嘅「海景大電視」，我哋就由石澳嘅大浪灣出發，經砵甸乍山郊遊徑、歌連臣角道、再駁返去龍躍徑往小西灣。路線輕鬆易行，大量打卡位滿足大家。

提提你
1. 只有大浪灣起點及小西灣終點設有洗手間
2. 喺起點嘅大浪灣村或終點嘅小西灣商場設有補給站，大家出發前記住預備所需物品
3. 大家記住保持環境清潔，自己垃圾自己帶走，絕對唔可以破壞大自然環境
4. 屬於初級路線，由大浪灣出發，約有1000級上山樓梯，大家記住量力而為
5. 我哋選擇大浪灣出發，雖然有1000級上山樓梯，但乘坐交通工具之時間較容易預算，而且抵達小西灣後，就可以嘆個下午茶，稍作休息

前往方法
1. 喺筲箕灣港鐵站乘坐小巴或巴士往大浪灣，由大浪灣出發後，起步時有1000級樓梯上山
2. 如果選擇由小西灣出發，起步嘅龍躍徑同歌連臣角道以少量樓梯及斜路為主，轉入砵甸乍山郊遊徑後，就為500級樓梯上山
3. 如果只係去「電視框/大電視」，最輕鬆舒服嘅方法就係喺柴灣港鐵站坐專線小巴往歌連臣角懲教所，上車時問司機落車位置

大浪灣
大浪灣喺香港一個著名嘅衝浪熱點，水清沙幼，喺旁邊嘅大浪灣村更設有士多茶座， 方便大家出發前稍作補給。

大浪灣石刻
喺大浪灣上咗一小段山路，就會去到第一個景點：大浪灣石刻。呢個喺岸邊嘅古代石刻，更加係香港第一個法定古蹟。石刻嘅紋飾呈幾何形，考古學家相信石刻刻鑿年份大約為新石器時代，估計石刻上嘅意思係守護航海人士。

砵甸乍山觀景台
離開石刻之後，就係千級樓梯，一口氣行確實係好攰，好彩中途有唔少涼亭可以稍作休息，加上海岸線嘅風景怡人，行吓行吓就完成千級樓梯，去到砵甸乍山觀景台。觀景台嘅景色以港島東區、將軍澳、鯉魚門海峽，甚至可以跳望東龍島、果洲群島等地區。

歌連臣角砲台（電視框/大電視）
離開砵甸乍山觀景台，就係大約500級落山樓梯，之後轉入歌連臣角道，往歌連臣角懲教所方向行。行咗一半多啲，就會見到行山人士掛上嘅白色絲帶，跨過欄杆，就係歌連臣角炮台嘅入口。呢個大電視其實係歌連臣角砲台遺址，喺砲台建築物內望出去，就好似播放住海景節目嘅「大電視」喇！

浪韻樂園
離開多年臣國炮台之後，沿路往返，去到浪韻樂園，呢度有唔少健身設施，吸引小西灣居民嚟晨運架！

龍躍徑
離開浪韻樂園，沿住斜路，就會去到龍躍徑，往小西灣市中心終點出發。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

哥連臣角砲台遺址 Former Cape Collinson Battery

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com