香港迪士尼樂園重新開放 全新加強健康安全措施
好嘢！香港迪士尼樂園Hong Kong Disneyland喺6月18日重新開放。A姐一聽到呢個消息，就開心到跳起，話要即刻上網登記，去探吓樂園裏面嘅迪士尼朋友！為咗大家都玩得開心又放心，香港迪士尼樂園安排咗好多安全措施同驚喜，同大家一齊心信奇妙 #BelieveInMagic。
提前預約
提提大家，所有賓客 (包括樂園門票持有人、「奇妙處處通」會員同免費門票持有人) 都要喺到訪樂園前，先喺香港迪士尼入園預約網站預約到訪日期。「奇妙處處通」會員就可以優先喺到訪前8日內預約，而其他賓客就可以喺到訪前 7 日內預約。喺預約過程中，賓客要作出健康聲明。如果有出現發燒或呼吸道感染病徵，於過去 14 日到訪香港以外嘅地方或者密切接觸過新型冠狀病毒病感染確診者，正接受強制檢疫嘅人都唔可以進入樂園。如果預約成功，你將會收到短訊或者電郵確認，去到樂園記住要出示返已經登記嘅門票或者會員卡，就可以入場啦！
提提你，想買到最抵玩嘅門飛，可以經Klook買飛，比現場買飛平啲架！
體溫檢測站
樂園因應政府及衛生部門的指引，實施一系列全新加強嘅健康同安全措施。所有人士喺進入度假區範圍之前都必須經過體溫檢測站，確保冇發燒症狀。喺樂園期間，除咗喺餐廳飲食外，各位賓客都必須佩戴口罩。
消毒搓手液機
香港迪士尼樂園喺恆常清潔標準上，進一步將高接觸量嘅地方加強同加密清潔和消毒，喺成個樂園同度假區増設咗好多部消毒搓手液裝置，包括：樂園同酒店出入口、遊樂設施出入口、商店、餐廳、戶外小食亭同賓客服務處，真係梗有一部係你左近！
社交距離措施
另外，樂園所有嘅餐廳、遊樂設施同排隊區，都實施社交距離措施。大家只需要跟住地下上面嘅白線同演藝人員嘅指示排隊就得！
餐廳的安全措施
玩咗咁耐，當然要去餐廳食餐飽。以前大家要自己搵位，而家喺餐廳外面，會有排隊區畀賓客排隊，有位先入得。而餐廳特別預留左一啲唔可以坐嘅位，空枱分隔，令大家坐得鬆動啲，又食得安心。為咗大家減少接觸餐牌，樂園特別安排左手機餐牌，大家只需要用手機掃描演藝人員拎住嘅QR code，就可以睇到餐牌。食物上餐嘅時候，都有蓋或者包好，餐具都會預先包裝好。
遊樂設施的安全措施
為咗實施社交距離，所有遊樂設施同劇場都會減少載客，避免唔係一齊嘅賓客一同乘坐。排隊區同演出觀賞區都會添置社交距離的標貼及標誌，以提醒賓客與其他人保持適當的社交距離。雖然等候嘅時間可能會長咗少少，但都係想大家玩得安心。
奇妙時刻 Magical Moment
因為社交距離措施，迪士尼朋友與賓客近距離嘅Meet and Greet將會暫停，不過為咗繼續為大家帶來驚喜，米奇老鼠、米妮老鼠同一眾好友將會喺樂園唔同嘅地方出現。我哋就喺小飛象旋轉世界見到米奇老鼠同米妮老鼠。聽講仲有機會喺明日世界嘅太空飛碟見到史迪仔，又或者係反斗奇兵大本營嘅玩具兵團跳降傘見到玩具士兵。
奇妙夢想城堡
一入到去美國小鎮大街，就見到盡頭嘅新城堡，非常搶眼。雖然佢都未完全粉飾晒，仲有圍板圍住，唔可以通過，但係可以同佢影相都非常滿足！好期待佢快啲開幕！
Welcome Back特色食品
為咗今次嘅重開，迪士尼都準備咗一系列嘅特色食品。大街餐廳有Duffy and Friends下午茶，Duffy嘅Fans一定唔可以錯過。我哋就非常鍾意戶外小食亭嘅米奇朱古力蛋糕卷同米妮士多啤梨蛋糕卷，又靚又好味！另外，仲有最新迪士尼動畫《1/2的魔法》爆谷筒，好Cute呀！
迪士尼特色商品
樂園仲推出左全新嘅特色商品，呢隻咁可愛嘅烏龜係Duffy嘅新朋友’Olu Mel，隻毛公仔仲可以換衫添。另外，為咗見證樂園嘅成長，香港迪士尼推出奇妙夢想城堡系列商品。
世界各地／香港景點門票邊度買至平？
–> 詳情請睇：https://wp.me/p8vzXP-6G <–
香港迪士尼樂園 Hong Kong Disneyland
門票：成人HK $639；小童(3至11歲) HK $475；長者門票（65歲或以上）HK $100
經Klook買迪士尼樂園門票：成人HK $580
網址：www.hongkongdisneyland.com
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
