【打邊爐火鍋推介2026】香港19大必去人氣打邊爐火鍋推薦 火鍋放題/日式火鍋/四川麻辣火鍋/養生美顏火鍋/台式火鍋

【打邊爐火鍋推介2026 | 19大香港必去人氣火鍋打邊爐推介】有睇開我哋A姐M佬介紹嘅字母粉，都應該知道我哋出晒名鍾意火鍋打邊爐，滾住滾食，真係特別滋味。我哋試過好多打邊爐火鍋餐廳，火鍋放題、日式火鍋、四川麻辣火鍋、養生美顏火鍋、台式火鍋，真係有唔少私心火鍋打邊爐推介。我哋就精選咗19大港九新界全港嘅打邊爐火鍋推介餐廳！

打邊爐火鍋推介2026 | 19大香港必去人氣火鍋打邊爐推介 | 1. 牛品台式火鍋

打邊爐火鍋推介2026 | 19大香港必去人氣火鍋打邊爐推介 | 香港有唔少主打台式火鍋嘅餐廳，選擇好多唔知點揀好？近期我哋就推介呢間位於尖沙咀樂道，任飲任食吃到飽嘅牛品台式火鍋。牛品台式火鍋由屢獲殊榮嘅台灣廚師李龍翔師傅主理，湯料每日由台灣新鮮直送，讓大家輕鬆品嚐至新鮮嘅台式原味道！另一賣點係牛品台式火鍋提供多種台式小食，滿足好耐無去台灣嘅各位呀！牛品台式火鍋以牛肉等級分為多種唔同嘅吃到飽任飲任食放題套餐，我哋今日就揀咗主打澳洲M9和牛肩胛肉嘅牛御品吃到飽套餐。呢個牛御品吃到飽套餐有超過60款台灣高質食材，絕對能夠滿足一眾大胃王！牛品台式火鍋提供10款精選湯底：牛品一品鍋、牛品秘製麻辣鍋、沙茶海鮮鍋、黑蒜黃金鍋、剝皮辣椒雞鍋、花菇昆布鍋、蕃茄濃湯鍋同酸菜白肉鍋等。

詳情：台灣直送火鍋吃到飽 尖沙咀牛品台式火鍋

打邊爐火鍋推介2026 | 19大香港必去人氣火鍋打邊爐推介 | 2. 一鍋堂

打邊爐火鍋推介2026 | 19大香港必去人氣火鍋打邊爐推介 | 值得我哋一再encore嘅打邊爐放題，就係呢間位於旺角嘅一鍋堂！由你一出lift門嗰吓，你已經可以從佢嘅人流感受到呢間火鍋放題店嘅人氣，因為佢嘅CP值真係超高，所以想食嘅就記住提早book枱喇！呢度嘅湯底選擇超過10款，貪心嘅我哋就揀咗鴛鴦鍋，一邊係一鍋潮汕鍋，而另一邊就係沙嗲鍋。一鍋潮汕鍋有鹹酸菜、豆卜同冬菇，帶有濃香嘅黑胡椒味；而沙嗲鍋比出面一般嘅沙嗲湯底更香，配上肉類就啱晒。4款自家製嘅飲品就夠晒健康，首推冰糖燉檸檬，唔太甜又開胃。

詳情：任飲任食打邊爐放題 旺角抵食一鍋堂 

打邊爐火鍋推介2026 | 19大香港必去人氣火鍋打邊爐推介 | 3. 馬祖無限時台灣養生涮涮鍋

打邊爐火鍋推介2026 | 19大香港必去人氣火鍋打邊爐推介 | 每次同朋友打邊爐，最怕就係有個店員行埋嚟同你講：仲有半個鐘！但我哋明明好似啱啱先開始食，真係食得唔夠過癮呀！如果你同我都有同樣嘅問題，可以考慮無限時嘅火鍋選擇。馬祖無限時台灣養生涮涮鍋嘅最大賣點就係無限時任食放題，加上餐廳坐得夠舒服，真係啱晒同朋友聚舊或食得慢嘅你，食足9小時都毫無問題！講起台灣嘅火鍋店，主打嘅當然係養生藥膳湯底，喺馬祖無限時台灣養生涮涮鍋嘅湯底選擇就有接近20款，其中養生藥膳選擇就有：藥膳蟲草花桃膠養生鍋、藥膳養生醉雞鍋等等！至於我哋就揀咗麻辣鴨血蜂巢豆腐鍋拼台灣沙茶雞涮涮鍋，兩個湯底都非常濃郁，完全唔使落豉油或其他調味料，食材都索晒湯汁，非常惹味。喺馬祖無限時台灣養生涮涮鍋主要以肉類分為4款套餐，今日我哋就揀咗最高級別嘅套餐，可以無限時任食極級SRF極黑和牛肩脊肉等6款肉類選擇。但就算揀價錢相對平嘅套餐，都可以食到Prime Grade美國安格斯牛肉，質素一啲都唔差！

詳情：旺角無限時火鍋放題馬拉松 馬祖無限時台灣養生涮涮鍋

打邊爐火鍋推介2026 | 19大香港必去人氣火鍋打邊爐推介 | 4. 香江花月

打邊爐火鍋推介2026 | 19大香港必去人氣火鍋打邊爐推介 | 香江花月係一間我哋好鍾意嘅火鍋店，除咗選料新鮮高質之外，重點係三間分店各有主題，甚至有火鍋店TeamLab之稱！嚟到銅鑼灣嘅香江花月，餐廳以港產電影為主題，除咗擺設之外，餐廳仲設計咗一間充滿話題性嘅房間，食飽飽之後，記住去影張倒流時光嘅靚相呀！餐廳提供多款湯底選擇，湯底夠晒火候，秘製花雕豬肚鍋帶有淡淡嘅酒香味，非常清香又有層次。鍋底入面已經有枝竹、酸菜同豬肚，枝竹索晒湯底精華，至於豬肚軟腍好入味！鍾意食牛嘅我哋，就揀咗香江拼，呢個拼盤有齊安格斯肥牛、手切肥牛、牛柳粒、牛𦟌、牛白肉、牛心頂、黑柏葉和牛舌，而香江拼更以特製嘅圓形木碟，圍住鍋底，擺盤精美，食之前絕對要影相打卡！安格斯肥牛肉油花均勻，口感嫩滑牛味濃郁；牛柏葉新鮮爽口，索晒湯嘅精華就最正；牛舌嘅肉味就最濃，肉質軟腍；至於牛白肉嘅油香十足，接近入口即熔。

詳情：倒流時光跟你去分享 高質火鍋銅鑼灣香江花月

打邊爐火鍋推介2026 | 19大香港必去人氣火鍋打邊爐推介 | 5. 杜老誌大飯店

打邊爐火鍋推介2026 | 19大香港必去人氣火鍋打邊爐推介 | 位於灣仔嘅杜老誌大飯店裝修以老香港情懷為主題，懷舊場景包括麻雀館、機舖、士多、夜總會等，仲有五光十色嘅霓虹招牌，食嘢嘅同時仲可以打卡添！近期餐廳就推出全新餐牌，改為火鍋餐廳，作為打邊爐控嘅我哋一於嚟試試！大紅袍招牌麻辣湯麻香味就十足，但一啲都唔辣，味道偏淡；相反台式養生美人鍋嘅藥材味香濃，好有層次。封門柳賣相確實唔錯，雖然油花唔多，但肉味好香濃，輕輕一淥，轉色就食得！牛脷份量好多，而且厚薄適中，口感豐富，肉味又香濃，唔錯。

詳情：懷舊重現老香港 灣仔杜老誌大飯店

打邊爐火鍋推介2026 | 19大香港必去人氣火鍋打邊爐推介 | 6. 三鍋

打邊爐火鍋推介2026 | 19大香港必去人氣火鍋打邊爐推介 | 打邊爐唔係肥牛就係黑豚肉、唔係芫荽皮蛋鍋就係沙嗲鍋，真係好悶架喎！銅鑼灣鵝頸橋附近嘅三鍋有好多少見嘅火鍋配料，高質之餘仲為味蕾帶嚟全新感官剌激。蕃茄薯仔湯肯定大家都食過，但加咗鱷魚肉入去嘅，唔知你又試過未呢？當湯底滾起之後，就一定要先品嘗一吓個湯！湯底用咗好多蕃茄，所以酸酸微微，夠晒醒胃！而加咗鱷魚尾膠嘅湯底，非常膠口，類似平時花膠湯嘅感覺，鱷魚肉就有止咳嘅功效，而鱷魚尾膠就充滿骨膠原，夠晒滋補！但更重點嘅係，我哋每人飲咗3大碗湯之後，都完全無口喝嘅感覺，相信湯底真材實料，無落味精。牛小排係前胸肋骨部位嘅肉，油花雖然相對肥牛少，但分佈相當平均，望上去有啲似大理石嘅花紋。但因為油花相對均勻，所以食嘅時候唔會肥淋淋，係相對健康嘅選擇，但肉質仍然非常軟腍，肉味香濃。

詳情：隱世高質火鍋 銅鑼灣三鍋

打邊爐火鍋推介2026 | 19大香港必去人氣火鍋打邊爐推介 | 7. 成都老碼頭火鍋

打邊爐火鍋推介2026 | 19大香港必去人氣火鍋打邊爐推介 | 主打麻辣火鍋嘅成都老碼頭火鍋。雖然唔係任食，但價錢唔貴，質素仲要一啲都唔差，加上店內以宮廷為設計，真係好有旅行feel。湯底有唔少選擇，宮廷藥膳鍋好足料，藥材味超濃，味道甘甜，未開始打邊爐前都忍唔住飲咗一碗。牛舌係呢度嘅招牌菜，薄切嘅牛舌經預先調味，輕輕燙5秒就食得，口感豐富，肉味又香濃，唔錯。

詳情：旺角宮廷打邊爐 成都老碼頭火鍋 

打邊爐火鍋推介2026 | 19大香港必去人氣火鍋打邊爐推介 | 8. 大邊爐火鍋店

打邊爐火鍋推介2026 | 19大香港必去人氣火鍋打邊爐推介 | 九龍城有好多唔同嘅菜式，但講到我哋最鍾意嘅嘢食，當然就係打邊爐啦！原來九龍城除咗泰國菜之外，都有唔少火鍋店，所以今日就搵咗一間質素都唔錯嘅大邊爐火鍋店。湯底有唔少選擇，今日就揀咗冬瓜鮮雞湯。湯底入面除咗有消暑嘅冬瓜之外，仲有好多雞件同豬湯骨，菜料夠晒豐富！更驚喜嘅發現，湯底原來仲有唔少花膠。整體嚟講，湯底略嫌偏淡，相信係打邊爐嘅時候，湯底會越打越鹹，所以餐廳刻意將湯底選擇淡口味。例牌嘅手切安格斯肥牛，2個人食份量啱啱好。肥牛雪花分佈平均，肉味香濃嫩滑，輕輕一淥就食得。梅菜豬肉丸好彈牙，咬開仲會爆晒汁，好juicy。但重點當然就係梅菜比例啱啱好，非常香口，完全唔需要點豉油架！

詳情：九龍城打邊爐 大邊爐火鍋店

打邊爐火鍋推介2026 | 19大香港必去人氣火鍋打邊爐推介 | 9. 新南苑私房菜

打邊爐火鍋推介2026 | 19大香港必去人氣火鍋打邊爐推介 | 灣仔嘅新南苑私房菜火鍋鷄煲以學校為主題，除咗大禮堂，包廂更命名為實驗室、家政室同圖書館等！至尊餐食物選擇超多，有活海鮮拼盤、和牛、安格斯牛小排、海鮮等打邊爐配料，連同雞煲都係任叫任食，真係非常滿足！雞煲上枱嘅剎那已經聞到好香喇，將雞肉同香料拌勻，令每件雞件煮得更入味。最尾就要加埋油炸鬼，令雞煲進化成為鬼馬雞煲啦！至於味道方面，呢個雞煲唔係主打麻辣，反而係主打層次。雞肉非常嫩滑，索晒秘製醬汁，加上放咗唔同香料，令雞肉嘅味道更有層次。至於最鬼馬嘅油炸鬼真係又邪惡又好味，因為佢哋索晒成個雞煲嘅所有精華，真係好滋味架！

詳情：任食超新鮮海鮮及高質肥牛 灣仔新南苑私房菜火鍋鷄煲 

打邊爐火鍋推介2026 | 19大香港必去人氣火鍋打邊爐推介 | 10. 蘇潮韓海

打邊爐火鍋推介2026 | 19大香港必去人氣火鍋打邊爐推介 | 荃灣「火鍋之塔」嘅打邊爐多數都係任飲任食，不過好多時都會有時間限制。所以如果想慢慢嘆高質嘅打邊爐，大鴻輝「火鍋之塔」嘅蘇潮韓海都係一個唔錯嘅選擇。蘇潮韓海除咗坐得舒服，餐廳更位於大鴻輝頂層，所以景觀非常開陽，可以望到荃灣市區景色。花雕藥膳醉雞鍋湯底藥材味好香，仲帶有微微嘅酒香，好有層次。而湯底入面嘅桂圓肉記住唔可以錯過，因為真係好清甜。另外，半隻醉雞都幾大隻，雞皮薄油脂少，肉質嫩滑，肉味香濃。

詳情：慢慢嘆好好味 荃灣蘇潮韓海

 

打邊爐火鍋推介2026 | 19大香港必去人氣火鍋打邊爐推介 | 11. 大滾友火鍋

打邊爐火鍋推介2026 | 19大香港必去人氣火鍋打邊爐推介 | 去到元朗尋找夏日的邊爐湯底，終於喺大滾友火鍋發掘到唔錯嘅選擇。消暑冬瓜瑤柱鍋真係好抵食，切開半個嘅冬瓜依然係非常大個，仲有雞肉粒、彷魚翅、蝦球、西芹、瑤柱絲同蟹柳等等，店員細心幫我哋切好冬瓜，再等湯滾起就梗係要飲啖湯先啦！湯底超清甜，勁多配料，煮多一陣，等冬瓜熔熔哋再食，真係好吸引。

詳情：打邊爐可以消暑 元朗大滾友火鍋

打邊爐火鍋推介2026 | 19大香港必去人氣火鍋打邊爐推介 | 12. 天下糧倉牛肉火鍋專門店

打邊爐火鍋推介2026 | 19大香港必去人氣火鍋打邊爐推介 | 旺角天下糧倉牛肉火鍋專門店，價錢夠大眾化，仲係和牛放題任食添，啱晒我同A姐兩隻牛魔王啦！任食牛肉總共有八款，店員先會將所有牛肉奉上，包括SRF美國黑毛和牛、Prime牛板腱、安格斯牛、一級肥牛、鮮牛肉、封門柳、金錢展同牛脷片，試完邊款最啱自己再無限encore啦！最好味嘅個人推介當然首推SRF美國黑毛和牛，肥瘦適中，牛肉味濃郁；封門柳油花雖少，但肉味係最香；另一款推介就係牛板腱，牛味同樣香濃，有口感。就算之後再encore，質素都唔會差咗。整體八款牛肉都唔錯，但就略嫌相對較cheap嘅一級肥牛同鮮牛肉份量俾得太多。

詳情：旺角濃郁和牛放題打邊爐 天下糧倉牛肉火鍋專門店 

打邊爐火鍋推介2026 | 19大香港必去人氣火鍋打邊爐推介 | 13. 尚膳養顏滋補鍋

打邊爐火鍋推介2026 | 19大香港必去人氣火鍋打邊爐推介 | 旺角尚膳養顏滋補鍋，先食蒸海鮮再打邊爐，一次過滿足兩個願望。餐廳以中式為設計風格，裝潢古色古香，環境相當優雅，而地方闊落，坐得舒服。食材夠新鮮而選擇非常多，呢個晚餐真係夠晒豐富！鴛鴦鍋就選擇咗尚膳麻辣鍋配酸菜白肉鍋，一邊辣一邊酸就最夾啦！我哋今日揀咗小辣嘅麻辣鍋，入面勁多香料。欣賞湯底一啲都唔油，唔算太辣而香氣十足，幾適合香港人口味。麻辣鍋本身有鴨血同蜂巢豆腐。鴨血份量算多，非常滑溜；蜂巢豆腐索晒湯汁，夠晒刺激。至於酸菜白肉鍋亦非常足料，微酸夠開胃，湯內已有酸菜、白肉同寬粉，一滾就有得食啦！

詳情：蒸海鮮台式火鍋兩食 旺角尚膳養顏滋補鍋 

打邊爐火鍋推介2026 | 19大香港必去人氣火鍋打邊爐推介 | 14. 打邊爐

打邊爐火鍋推介2026 | 19大香港必去人氣火鍋打邊爐推介 | 佐敦打邊爐超食二人套餐包特色小食，墨魚滑油炸鬼入面釀入彈牙嘅墨魚滑，配埋趣卜卜嘅油炸鬼，口感一流，非常有層次。雞煲可以揀BB辣、小辣、中辣、大辣同魔鬼辣，我哋揀咗小辣！上枱睇呢半隻雞嘅份量相當多，聞上去就有濃郁嘅麻辣味！至於食就相當刺激，又麻又辣，好有層次！雞肉入晒味，索晒汁。至於食雞煲除咗雞，更重要當然係啲配料啦，芫茜、唐芹同紫洋蔥都非常惹味。海蝦新鮮大隻，肉質結實，鮮味十足；奄仔蟹鮮甜同勁多膏，但我哋最鍾意嘅就係蟶子皇，大大隻又爽口彈牙，勁鮮甜呀！

詳情：廟街精品火鍋 佐敦打邊爐 

打邊爐火鍋推介2026 | 19大香港必去人氣火鍋打邊爐推介 | 15. 牛大人台灣火鍋吃到飽

打邊爐火鍋推介2026 | 19大香港必去人氣火鍋打邊爐推介 | 台式火鍋開到成行成市，仲要成日大排長龍，牛大人台灣火鍋吃到飽成日大排長龍！湯底有九款選擇，各有特色，牛大人秘方麻辣鍋，香味十足，唔算太辣；至於台灣鳳梨雞鍋，雞湯味濃，不過又唔太覺得有鳳梨味喎。牛大人嘅食物分為自助火鍋配料吧同落單order，上菜嘅速度好快同唔會漏，我哋今日食最早嗰場，所以食物種類齊全，聽講食最夜嗰轉，好多食物都沽清。美國SRF極黑牛套餐，牛肉非常嫩滑，肉味香濃，油脂分佈平均，我哋2個人食咗8碟以上。台式火鍋又點少得鴨血，鴨血非常嫩滑，放入湯鍋內越煲越入味，我哋覺得鴨血配牛大人秘方麻辣鍋就真係無得輸。

詳情：銅鑼灣超強人氣打邊爐 牛大人台灣火鍋吃到飽 

打邊爐火鍋推介2026 | 19大香港必去人氣火鍋打邊爐推介 | 16. 鼎王麻辣鍋

打邊爐火鍋推介2026 | 19大香港必去人氣火鍋打邊爐推介 | 台灣有好多麻辣火鍋餐廳，唔知鼎王麻辣鍋係未你嘅心水呢？以前我哋去台灣旅行，一定要去食鼎王麻辣鍋先算去過台灣！雖然近期無得去旅行，但好彩喺香港都有過江龍分店，同樣無限添加鴨血，夠晒滿足。鴛鴦鍋即係鼎王麻辣鍋同酸菜白肉鍋，無論辣度定酸度都可以自行選擇。鼎王麻辣鍋用咗唔少香料，所以麻香十足，而辣味持久！但湯底先將麻籽等香料隔走，所以食嘅時候夠晒方便。麻辣鍋內嘅鴨血同豆腐都係放題食到飽，鴨血大大塊，口感非常嫰滑；至於豆腐索晒麻辣嘅精華，辣得好過癮！至於酸菜白肉鍋內嘅酸菜都係任食，酸酸微微好醒胃。

詳情：麻辣鴨血放題食到飽 將軍澳康城鼎王麻辣鍋 

打邊爐火鍋推介2026 | 19大香港必去人氣火鍋打邊爐推介 | 17. 相馬日式火鍋

打邊爐火鍋推介2026 | 19大香港必去人氣火鍋打邊爐推介 | 相馬日式火鍋就經常推出唔同套餐，佢嘅180分鐘特盛海鮮套餐，海鮮同肉類都係任食！海鮮選擇有蜆、螺、蠔、海蝦、大頭蝦、青口、蟹柳同帆立貝。大頭蝦上枱時仲勁生猛，成隻手掌咁大，蝦肉新鮮彈牙，蝦頭勁多膏呀！蜆夠鮮甜又無沙；蠔洗得乾淨，脹卜卜好飽滿！而將海鮮放入甜豉油湯後，成煲湯勁鮮甜。相馬日式火鍋嘅湯底選擇都好豐富，包括：清湯、甜豉油、蕃茄、豚骨同中華辣湯等，但我同A姐一向都鍾意甜豉油湯底，就算係鴛鴦鍋，我哋都鍾意兩邊都係甜豉油，一邊淥肉，一邊淥菜，咁食起上嚟就相對健康。

詳情：豐富海鮮打邊爐 西環相馬日式火鍋 

打邊爐火鍋推介2026 | 19大香港必去人氣火鍋打邊爐推介 | 18. 初心

打邊爐火鍋推介2026 | 19大香港必去人氣火鍋打邊爐推介 | 初心嘅賣點係好多款式，海鮮除咗蟹之外，都係無限encore，夠晒新鮮，任飲任食，估唔到價錢都係街坊價。食完雞煲就到打邊爐喇，識我嘅都知，我最憎就係直接加雞湯落雞煲再打邊爐，但呢度當然唔係啦！佢會另上湯底，而湯底選擇足足有7款，分別係：蟲草花南瓜鍋、澳門豬骨鍋、蕃茄美人鍋、香茜皮蛋鍋、四川麻辣鍋、香濃沙嗲鍋等，我哋就叫咗花膠北菇菜膽雞湯，一打開個鍋蓋，陣陣嘅濃郁雞湯味真係非常吸引！湯入面仲有好多花膠，夠晒膠口，打邊爐前當然要飲番兩碗，食埋花膠，補充一吓骨膠原。環球海鮮船真係相當吸引，仲非常新鮮，有蜆、鮑魚、青口、膏蟹、龍躉片、海蝦。除咗膏蟹之外，全部都係任食，真係食多2 round已經夠回本！龍躉魚片厚切，食落無骨啖啖肉，厚實嘅口感，好彈牙；膏蟹爆多膏，真係好滿足；至於鮑魚同海蝦勁新鮮好彈牙；蜆雖然唔係大大隻，但勝在超甜！

詳情：超多款式放題打邊爐 任食海鮮將軍澳初心

打邊爐火鍋推介2026 | 19大香港必去人氣火鍋打邊爐推介 | 19. 御尚軒

打邊爐火鍋推介2026 | 19大香港必去人氣火鍋打邊爐推介 | 今次我哋嚟到長沙灣嘅御尚軒，餐廳一大賣點係，清遠雞每日新鮮入貨，夠晒有保證。平時食雞煲多數都係食麻辣雞煲，但因為成日捱夜睇波，怕熱氣嘅我哋就嗌咗栗子雞煲。雞煲用咗好多配料去調味，包括蒜頭、姜片、冬菇、洋蔥、栗子等等。栗子益氣補腎，綿密甘甜；雞件入晒味，肉質鮮嫩，味道豐富濃郁，充滿層次。所以如果怕食辣嘅，都推介你叫栗子雞煲。

詳情：睇波嘆火鍋最興奮 長沙灣御尚軒 

香港19大必去人氣打邊爐火鍋店推薦2026 

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com