【拉麵推介2026】香港10大必食拉麵推介 銅鑼灣/中環/灣仔/尖沙咀/旺角/大角咀

【拉麵推介2026 | 香港10大必食拉麵推介】日本拉麵絕對係我哋A姐M佬嘅Comfort food，一碗熱辣辣嘅拉麵，配上濃厚嘅湯底，條條拉麵掛湯，真係好滿足！我哋食過好多間拉麵，有唔少私心拉麵推介，快啲入嚟睇下香港10大必去拉麵推介！

拉麵推介2026 | 香港10大必食拉麵推介 | 1. 座銀 Zagin Soba

拉麵推介2026 | 香港10大必食拉麵推介 | 座銀 Zagin Soba係我哋最愛拉麵店，主打雞白湯拉麵。雞白湯拉麵賣相已經好吸引，金黃色嘅炸牛蒡好搶眼，好似成件Art piece咁！嗰牛蒡係新鮮即炸，好似薯片咁脆，一啲油膩感都無，不過牛蒡味唔重。除咗脆食，可以好似炸魚皮咁放落啲湯到，記住唔好浸太耐，如果唔係就會淋晒。湯底上面有層泡泡，雞湯入口柔滑，濃郁厚身，雞味香濃，鹹度適中，忍唔住飲完一啖再一啖！拉麵仲有一大片叉燒同雞肉。叉燒肥瘦分明，肉質嫩滑，味道比坊間嘅日式叉燒偏鹹，不過我A姐又覺得好好味喎！另外，舊雞肉係超級嫩滑，慢煮真係唔同啲，keep住肉汁，好香濃。當然仲有糖心蛋啦，勁香煙煄味，正！

詳情：香港跑馬地Zagin Soba座銀 完美雞湯拉麵

拉麵推介2026 | 香港10大必食拉麵推介 | 2. 中環金色不如帰

拉麵推介2026 | 香港10大必食拉麵推介 | 過江龍金色不如帰，主打濃郁蝦汁湯底黃金湯頭！而呢個湯底，除咗食客鍾意，由2015年起更加榮獲米芝蓮必比登推介，而喺2019年同2020年連續2年勇奪米芝蓮一星拉麵殊榮！貝汁鹽味拉麵嘅湯底同皇牌嘅貝汁醬油拉麵個base係一樣，湯底加入大量每日新鮮運到嘅大蜆，熬製而成秘製蜆湯，混合豚骨湯同清魚湯，最後加入海鹽而成。喺撈勻之前，記住！記住！記住！先欣嘗後品嘗！用手先感受幸福嘅溫度，再喺唔同位置聞吓同試吓湯底，你會感受到更大驚喜，因為師傅喺麵嘅唔同位置放上秘製白松露油、香草、牛肝菌醬同煙肉碎，所以每個位置都有唔同嘅味道。到真係食拉麵嘅時候，真係好有層次！好難忘同好難形容呀！而拉麵上面仲有唔少得嘅三層肉同低溫叉燒，真係感上添花。

詳情：米芝蓮一星登港 中環金色不如帰 

拉麵推介2026 | 香港10大必食拉麵推介 | 3. 大角咀大丸ラーメン

拉麵推介2026 | 香港10大必食拉麵推介 | 呢間位於大角咀嘅大丸ラーメン，除咗好味，仲好養眼㗎，因為個日籍老闆兼廚師好靚仔㗎！其實都係因為M佬鍾意食拉麵，我先帶佢嚟呢間日本人主理嘅拉麵小店囉！入到嚟大丸ラーメン，除咗播放日文歌，裝修擺設充滿和風之外，店員同老闆都係用日文溝通，好似去咗日本旅行呀！白丸係鹽味豬骨湯底拉麵，加入喜馬拉雅山、意大利同埋沖繩嘅鹽！湯底真係好有層次，首先用豬骨熬製嘅湯底非常濃厚但又唔油膩，之後就會感受到淡淡嘅海鹽味。辛丸即係辛辣湯底，湯底同樣用上無添加味精嘅豬骨濃湯，揀咗中辣，越食越辣，好過癮呀！我特登揀幼麵，因為掛湯比粗麵更強，條條拉麵都掛上辣汁，好好味。

詳情：日本人主理拉麵小店 大角咀大丸ラーメン

拉麵推介2026 | 香港10大必食拉麵推介 | 4. 別天神

拉麵推介2026 | 香港10大必食拉麵推介 | 仲記得嗰時初初識M佬，我哋都未開始拍拖，佢帶咗我去銅鑼灣食別天神拉麵（竟然係拉麵，而唔係浪漫西餐廳囉），但呢間拉麵確實又唔錯，濃厚嘅豬骨湯底真係同M佬一樣咁迷人！而最喜歡又點少得佢嘅辣芽菜呢！呢到嘅拉麵選擇貴精不貴多，分別係豚骨湯麵同埋加入咗櫻花蝦嘅豚骨湯麵，我同M佬都一樣鍾意蝦味噌豚骨湯麵，因為蝦味同豚骨味好夾，令到成個湯底味道大大提升，好濃郁好有層次。除咗櫻花蝦，仲有一隻開邊流心蛋，兩塊厚切叉燒，紫菜同粟米。當然麵質都好彈牙，掛湯力高。

詳情：由小店開始 茶房別天神

拉麵推介2026 | 香港10大必食拉麵推介 | 5. 鬼金棒

拉麵推介2026 | 香港10大必食拉麵推介 | 以前喺香港食拉麵，湯底離不開豚骨、醬油同味噌口味，到後嚟傳入咗鹽味、白雞湯等等嘅口味，但其實喺日本，湯底嘅選擇又點止咁少呢！近期就有主打麻辣嘅拉麵由日本嚟到香港，我哋今日就去到位於銅鑼灣嘅鬼金棒。一入到餐廳，就聽到鼓樂聲，真係好似入咗地獄咁，好期待挑戰呢個地獄湯底啦。叉燒麻辣味噌拉麵（中辣走麻），辣度好香，認真試試個湯，仲有豚骨香味，好有層次；鍾意呢個辣度又唔會太搶，無晒其他味道。當然另一重點就係叉燒啦，五層肉肥瘦分明，薄薄嘅脂肪唔算太油膩，充滿油香，鮮嫩同接近入口即熔。

詳情：走進地獄之門 銅鑼灣鬼金棒 日本麻辣拉麵

拉麵推介2026 | 香港10大必食拉麵推介 | 6. 金田家

拉麵推介2026 | 香港10大必食拉麵推介 | 黑豚拉麵有成五塊叉燒，擺盤成朵花咁，賣相好靚，份量夠多。而拉麵嘅重點當然係湯底啦！呢個奶白色嘅湯底，豚骨味濃厚，熱辣辣好吸引！至於拉麵就揀咗硬身，幼長嘅麵條，掛上湯，好爽滑彈牙。而配菜仲有木耳絲、蔥粒同紫菜。

詳情：香港的拉麵街 銅鑼灣金田家 

拉麵推介2026 | 香港10大必食拉麵推介 | 7. 旺角樸一拉麵

拉麵推介2026 | 香港10大必食拉麵推介 | 平時嘅拉麵店主打一至兩款湯底，通常都係辣同唔辣兩款，但呢間位於旺角女人街嘅樸一拉麵就有成六款湯底：豚骨、黑蒜、辛辣、魚介、海老、蟹膏。作為拉麵控嘅M佬雖然見到大排長龍，但都決意入去試一試！蟹膏湯底真係不得了，蟹味超濃郁，蟹味豐厚，一啲都唔腥。餸嘅方面有蟹鉗、蟹柳絲、蟹膏同厚燒叉燒等。厚燒嘢叉燒真係好厚，食嘅時候充滿口感，叉燒外層用火槍燒過，帶有一點點的焦香，加上一層肥一層瘦，比例適啱啱好，非常鬆化。

詳情：六款秘製湯底 旺角樸一拉麵 

拉麵推介2026 | 香港10大必食拉麵推介 | 8. 一幻拉麵

拉麵推介2026 | 香港10大必食拉麵推介 | 過江龍嘅一幻拉麵，主打濃郁蝦汁湯底，一直都係我哋嘅至愛！每碗拉麵都係即叫即煮，先將蝦油、豬油、蒜蓉同薑蓉爆香，最後放入拉麵同加入濃郁蝦汁湯底再上枱。呢度嘅蝦湯之所以濃厚又鮮甜，全因每日用至少50kg蝦頭熬煮而成。配料方面除咗叉燒同溏心蛋，最特別就係用上紅薑、蝦油炸到脆卜卜嘅蝦味麵酥，以及蝦頭磨碎炒香嘅蝦粉，令到蝦味更豐富。加上拉麵非常掛湯，濃郁嘅蝦味喺口腔迴盪，好好味呀！

詳情：主打北海道蝦湯 荃灣一幻拉麵 

拉麵推介2026 | 香港10大必食拉麵推介 | 9. 深水埗麵屋黑岩

拉麵推介2026 | 香港10大必食拉麵推介 | 深水埗有好多茶餐廳同小店選擇，大部份都主打經濟實惠。今日同A姐去深水埗買電腦，本身諗住食碗車仔麵或油渣麵醫肚就算，但行過竟然見到有間拉！麵！店！真係估唔到深水埗區都有間有質素嘅拉麵店，價錢仲要唔算貴。呢度主打四款拉麵，有原味、黑蒜、辛辣同海老拉麵。

詳情：經濟實惠拉麵小店 深水埗麵屋黑岩 

拉麵推介2026 | 香港10大必食拉麵推介 | 10. 神虎麵商店

拉麵推介2026 | 香港10大必食拉麵推介 | 灣仔一向都有好多拉麵店，近期就有大阪過江龍神虎麺商店插旗，主打豚骨湯底，使用大量豚骨同蔬菜煲足8小時，非常濃郁！共有五款拉麵：元虎、神虎、黑虎、赤虎同海老虎。神虎精選係用上元虎原味湯底，白白嘅湯底豚骨味濃，入口唔咸，反而好鮮甜，仲見到一粒粒碎豚脂，不過一啲都唔油膩。餐廳選用西班牙豚肉，入口嫩滑，肉味香濃。值得一提嘅係手打肉丸，師傅用新鮮豬肉製成，入口彈牙。拉麵硬度適中，掛湯力高，加埋木耳、洋蔥同味付溏心蛋，真係好滿足！

詳情：大阪拉麵過江龍 灣仔神虎麵商店 

拉麵推介2026 | 香港10大必食拉麵推介

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com