夜貓燒：元朗越夜越惹味的串燒派對

踏入宵夜時段就係肚餓。想食啲小食滿足一下空虛嘅心靈，串燒就啱晒啦！嚟到元朗嘅夜貓燒，餐廳主打港式串燒，即叫即燒當然係基本，但自家制嘅蒜蓉同醬汁夠曬惹味，明明諗住落嚟夜貓燒叫兩串就算，點知越嗌越多，邪惡但又非常滿足！

夜貓燒：脆皮爽肉鱔

夜貓燒嘅鱔肉燒得外脆內嫩，表面帶住微微焦香，入口先係脆卜卜嘅口感，跟住就係爽彈鮮嫩嘅鱔肉。鱔肉本身油脂豐富，燒香之後更加惹味，越食越滋味。

夜貓燒：肥牛蘆筍串

燒過嘅肥牛，肉汁同牛油香味蜂擁而出；而索晒肉汁，口感爽脆嘅蘆筍更為突出。

夜貓燒：蜜燒雞中翼

雞翼燒得香脆，外皮帶有甜甜哋嘅蜜糖香，雞肉依然保持軟嫩，一咬爆汁，所以話燒雞翼嘅最佳拍檔果然係蜜糖！

夜貓燒：豬頸肉串

夜貓燒嘅豬頸肉燒得外層微焦，入口帶住爽脆又帶點彈牙嘅口感，肥瘦比例亦相當吸引。燒香之後油脂慢慢滲出，肉香更加濃郁。

夜貓燒：雞皮串

雞皮燒至金黃微焦，外層帶住微微脆口嘅口感，入口滿滿都係雞油香。夜貓燒嘅雞皮本身嘅油脂經火燒之後慢慢逼出，香而不失韌度，配埋串燒醬汁一齊食，邪惡程度十足，卻又忍唔住再叫多串。

夜貓燒：焗雜菇

夜貓燒將幾款雜菇一齊焗香，入口保留住菇類本身嘅嫩滑同水分，帶住濃郁嘅菌菇香。菇類吸收晒燒烤香氣之後更加惹味，食完幾款夜貓燒嘅肉類串燒，間中食返一啖雜菇，口感清爽得多。

夜貓燒：蒜燒鮑魚

新鮮鮑魚燒得啱啱好，外邊微乾，但仲保持住軟熟嘅質感。建議夾住夜貓燒嘅炸蒜一齊食，將鮑魚嘅鮮甜更進一步地提升。

夜貓燒：特大魷魚

差唔多有半隻手臀咁長嘅原條魷魚，甫上檯已經震撼眼球，再被剪成一口大小，方便進食。口感彈牙配上窿邊嘅加持，味道鹹香，越食越滋味。

夜貓燒：脆蓉茄子

夜貓燒嘅原條茄子大條到差啲大過隻碟！茄子上面舖滿大量炸蒜，蒜蓉香味突出，而且令軟滑嘅茄子加添脆卜卜嘅口感。

夜貓燒：夜貓大雞髀

雞脾絕對係必叫！大大隻嘅夜貓燒雞髀炸到金黃色，雞皮薄而香脆，夠晒juicy，而肉質非常嫩滑而且入味。

夜貓燒：基本資料

餐廳名稱：夜貓燒
地址：元朗俊賢坊18號權益大樓地下4號舖

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！

Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com