金鐘The Upper House奕居49樓Cafe Gray Deluxe 驚喜Fine Dining

（已結業）

貴為2011年米芝蓮一星嘅Cafe Gray Deluxe，位於金鐘 The Upper House (奕居) 49樓，我只可以話佢真係永遠都畀到驚喜你!!

頭盤叫咗呢個北海道帶子，雖然切到好薄，但你都食出佢好新鮮，非常鮮甜。最正係有少少辣鱈魚子醬，食落一啲都唔寡。再配埋上面脆卜卜嘅魚皮，海藻同青瓜仔，真係好清新。呢個頭盤真係無得頂。

M佬你學下咩叫驚喜啦!!!! 呢個去骨雞，第一嗒感覺少少中式，有啲似油雞 (唔該畀個白飯我吖)，不過食落又有啲西式，尤其嗰啲磨菇。呢啲咪叫做驚喜囉。平時唔係特別好雞皮嘅我都食晒，因為真係好香，佢唔係炸子雞嗰種香，係烤到有少少焦，加埋啲醬，一個字: 正!!

又到甜品時間!!! 呢個藍莓法國Financier Cake，藍莓加埋杏仁味，又香又唔係好甜!! 配埋焦糖白朱古力雪糕，最驚喜係上面嗰粒係爆谷，不過得一粒，唔夠喉，想要多幾粒。

另外，呢個甜品嗰名好有詩意，叫做 Floating Island (原來係真。天空之城嘅堅尼地城)。白色嗰舊可以浮起嘅係蛋白發泡而成，我A姐特別鐘意上面嗰個黃色糖漿波波，又好味，好靚靚，好似我咁。撈埋下面接骨木花蛋奶配黑櫻桃同紅加侖子，真係正，食完開心到浮起咗咁!!!

Cafe Gray Deluxe
地址：金鐘金鐘道88號太古廣場奕居49樓
星期一至日: 06:30-22:30
電話：+852 3968 1106

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬玩樂日記

Instagram：AandMdiary

Pinterest：AandMDiary

Openrice：A姐M佬