藏居酒屋：太子深宵飯堂嘆串燒

藏居酒屋以其精緻嘅串燒，地道嘅居酒屋氛圍，聽住油脂跳動嘅滋味，成為工作日後最治癒嘅時刻。由踏入藏居酒屋，師傅非常健談，但對談又恰到好處，令你在深宵飯堂，仍感受到一份關心。另外，師傅對食材執著，出品嘅串燒火候啱啱好，充滿誠意。

藏居酒屋

紅酒漬蕎頭酸酸甜甜，夠晒醒胃；而藏居酒屋嘅牛蒡味道清淡而後徑帶微甜；蒜頭漬帶有清爽嘅口感，微辣嘅感覺就好似餘韻咁慢慢滲出，各具特色。

厚切嘅牛舌肉味香濃，口感彈牙；而藏居酒屋嘅牛小排火侯控制得啱啱好，焦香嘅外層鎖住肉汁，仲帶有焦香嘅香氣，充滿層次。

五花腩肥瘦適中，簡單嘅調味已經足夠令五花腩非常惹味，而藏居酒屋更將五花腩串燒經大火灸燒，更逼出油份，減低罪惡感；而葡萄同䐁肉呢個頗新鮮嘅組合，原來都幾夾！葡萄帶有微微嘅花香，加上清甜嘅果汁就好似魔法一樣，令豚肉一啲油膩感都冇，更突出肉香。

食完牛同豬，又點少得雞呢！藏居酒屋嘅雞翼燒到焦脆嘅外皮，帶有海鹽嘅咸味，而咬開就係嫩滑嘅雞肉，滋味十足；食串燒又點少得必食嘅免治雞肉棒呢！藏居酒屋嘅大廚將免治雞肉混入雞胸軟骨，令口感更豐富，配上又稱為「月見」嘅生蛋黃，令雞肉質感更加順滑，充滿層次。

塗上醬油之後再輕輕燒製嘅醬油飯糰，每顆飯粒都被燒得金黃香脆，味道喺焦香之中更添醬油嘅甘甜味。

餐廳名稱：藏居酒屋 Kura Japanese Restaurant
地址：太子花園街239號嘉慶苑地下C號舖
營業時間：星期二至日 17:00 – 12:00

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！