米真鮮：免費追加米線是澱粉怪的福音

米線係唔少人嘅comfort food，但作為澱粉怪，配料選擇未必係最重要，彈牙又掛湯嘅米線先係主角！嚟到灣仔嘅米真鮮，米線有口感之餘，仲可以免費追加米線，就絕對係澱粉怪嘅福音！另外，米真鮮採用雞湯底，每日自家熬製，湯底同樣令人驚喜。

米真鮮：尖椒滑嘟嘟皮蛋

米真鮮嘅小食選擇多，而且仲可以叫半份，咁就可以試多幾款啦！滑捋捋嘅皮蛋上面鋪有茄子蓉、辣椒醬以及尖椒，加上店舖自家製嘅秘製醬汁，超惹味呀！

米真鮮：麻辣豬耳沙律

以凍盤形式製作，夠晒清新，而且米真鮮嘅豬耳爽口彈牙，加上麻香十足嘅醬汁，極具層次！

米真鮮：韭菜鴨血

入晒味嘅鴨血真係無得輸！米真鮮嘅鴨血帶有淡淡嘅韭菜香味同店家嘅秘製醬汁，口感滑嫩Q彈，充滿個性。

米真鮮：新疆雞翼

食米線必備嘅雞翼同樣有驚喜。米真鮮嘅雞翼先生炸，令肉汁鎖住，加上火紅嘅辣粉助攻，令到味道更滋味。

米真鮮：牛魔王小鍋米線

米真鮮嘅酸辣金湯用上每日新鮮熬製嘅雞湯底，香濃嘅湯頭充滿住濃厚嘅雞油香味，亦令金湯顏色更為金黃，並滿滿咁掛上富彈性嘅米線上面，當中嘅酸辣更令每啖金湯添上一份醒胃嘅感覺。配料方面，美國肥牛肥瘦適中，肉味香濃；牛筋丸彈牙多汁；牛舌尖經長時間熬製軟腍入味；牛筋口感滑溜富骨膠原。至於米線當然係我嘅最愛，爽口彈牙，掛上湯汁，完美演繹。

米真鮮：雞雜小鍋米線

同樣以雞湯作為湯底重心，加上藤椒，成為另一至尊湯底。食米線湯底夠熱係另一種點，所以米真鮮用上鐵鍋承載，唔使驚食到尾唔夠熱，而且越食越香濃，食材越食越入味！雞腎彈牙爽脆、雞心肉質粉緻、雞肝粉嫩甘香，至於藤椒雞肉丸入口鬆化帶有層次嘅麻辣香味，非常驚喜。

米真鮮：基本資料

餐廳名稱：米真鮮 MI ZHEN XIAN
地址：灣仔廈門街27號地舖

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！

Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com