三重優惠享受高質打邊爐 尖沙咀九五至尊火鍋狗毛

九五至尊火鍋狗毛位於尖沙咀，裝修設計極其華麗，並以有格調嘅燈光營造氣氛，定位成高質火鍋。但高質又唔一定貴架，九五至尊火鍋狗毛推出三重優惠，湯底甚至免費送俾你呢！另外，九五至尊火鍋狗毛更有多間特色嘅VIP房間，可以一邊唱K一邊打邊爐！

九五至尊火鍋狗毛：麻辣鴨血鍋+胡椒豬肚湯鍋

九五至尊火鍋狗毛嘅火鍋湯底選擇多，13款鍋底、烤魚、雞煲選擇。但只要follow同share 九五至尊火鍋狗毛嘅IG，其中6款鍋底免費送，仲可以揀鴛鴦鍋添。麻辣鴨血鍋嘅辣度可以自行選擇，跟鍋底上枱仲有唔少鴨血，非常入味；至於胡椒豬肚湯鍋同樣足粒，胡椒味非常香濃。

九五至尊火鍋狗毛：麻辣鴨血、蜂巢豆腐

除咗指定啤酒買一送一之外，九五至尊火鍋狗毛嘅麻辣鴨血同蜂巢豆腐仲可以無限量添加，兩款都係勁入味嘅食材，放喺麻辣湯就夠晒惹味！

九五至尊火鍋狗毛：至尊手切牛

打邊爐又點少得牛肉呢！九五至尊火鍋狗毛嘅牛肉選擇都唔少，而我哋就揀咗至尊手切牛。牛肉肥瘦適中，呈雲石狀，牛肉味非常香濃。

九五至尊火鍋狗毛：牛舌片

牛舌薄切，所以輕輕一淥就食得。牛舌嘅味道同樣香濃，口感爽口。

九五至尊火鍋狗毛：鮮鵝腸、珊瑚蚌、桂花蚌

九五至尊火鍋狗毛嘅鵝腸洗得乾淨，輕輕一淥就食得，非常新鮮無內藏味道，非常爽脆。九五至尊火鍋狗毛都有唔少海鮮選擇，怕要剝殼嘅話，珊瑚蚌同桂花蚌就啱晒。兩款海鮮都非常新鮮，夠晒鮮甜。

九五至尊火鍋狗毛：魚皮餃

九五至尊火鍋狗毛嘅魚皮餃勁大粒，入面嘅餡料豐富，超有口感。

九五至尊火鍋狗毛：基本資料

餐廳名稱：九五至尊火鍋狗毛 The Hair Of The Dog 5
地址：尖沙咀寶勒巷26-36號華寶大廈LG樓
營業時間：星期一至日 17:00 – 07:00

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！

Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com