有齊龍蝦、生蠔、刺身、和牛的易回本自助餐 帝都酒店柏麗廳

打開搜尋器去搵自助餐嘅時候，前面一定會加上生蠔自助餐、海鮮自助餐、龍蝦自助餐……其實有啲咩食物係自助餐必備嘅呢？位於沙田帝都酒店嘅柏麗廳，就有齊龍蝦、生蠔、刺身、和牛等貴價美食，其中和牛更加係即叫即切即煎，入口即溶嘅感覺成為柏麗廳嘅招牌美食！但重點係柏麗廳嘅定價非常親民，所以超易回本，加上柏麗廳更特設心太軟畫碟服務，可以為親朋好友寫上祝福，成為熱門嘅生日自助餐推介，約會定家庭 gathering 都夠晒加分！

海鮮
一入場已經畀海鮮枱吸引住，超級澎湃，非常豐富，有長腳蟹、青口、蝦、蜆肉、生蠔同龍蝦，全部都好新鮮！生蠔厚肉creamy；龍蝦肉緊緻彈牙，長蟹腳啖啖肉！

刺身 + 壽司
柏麗廳嘅魚生一啲都唔馬虎，有 8 款選擇，包括三文魚、立魚、醋鯖魚、八爪魚、帶子、馬刀背、魷魚同阿根廷紅蝦！我哋強烈推介阿根廷紅蝦，大大隻，非常鮮甜彈牙！壽司方面，我哋特別鍾意火炙和牛壽司，入口即化，夠晒香！

即叫即整美食
另外，柏麗廳嘅一大賣點係即叫即整美食，選擇非常豐富，包括：北海道白樺豚壽喜燒、鵝肝多士、佐賀和牛鐵板燒、佐賀皇后慢烤鹽麴燒同香煎芝士和牛漢堡！其中北海道白樺豚壽喜燒，湯底鮮甜，豬味濃郁；另外，佐賀和牛鐵板燒，油脂豐富，燒到啱啱好，入口即溶。

熟食
除咗即叫即整美食之外，熟食區款式多到眼花撩亂，中西都有，包括：杞子燉雞湯、豬腳薑、紅燒獅子球、豉汁蒸白鱔、清酒煮蜆、麻辣鴨血、籠仔蒸蝦、邦尼意粉、芝士和牛漢堡同和牛炒飯等！當中嘅杞子燉雞湯，鮮味十足，養生之選！

甜品
大家記住留肚食甜品，甜品款式吸引，有香蕉拖肥批、士多啤梨蛋糕、綠茶提拉米蘇、藍莓芝士撻、豆腐花、啫喱糖、芒果布甸等！唔單止好味，擺盤好有心思，打卡一流！柏麗廳更特設心太軟畫碟服務，可以為親朋好友寫上祝福！

柏麗廳 The Palate
地址：沙田白鶴汀街8號帝都酒店3樓
電話：+852 2633 1288
營業時間：星期一至日 10:30 – 20:30

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com