2026生日自助餐優惠！10間酒店生日自助餐推介及優惠攻略
去酒店食生日自助餐係唔少人嘅選擇，貪佢美食種類多，中西日韓泰式都有，甚至生蠔、龍蝦、花膠等通通都有得食，加上酒店嘅星級服務，絕對食得盡興啦！A姐M佬為字母粉嚴選香港10間生日自助餐推介，加上訂枱連生日自助餐優惠攻略，為下個生日嘅朋友仔帶嚟驚喜啦！
2026年9月生日自助餐推介
生日自助餐優惠：唯港薈 The Market
訂枱及優惠：酒店自助餐
想食高質自助餐，呢間真係唔會失望！唯港薈The Market主打環球美食，最出名係即開生蠔同冰鎮海鮮，鮮甜又新鮮。熱食方面有即煮粉麵、燒肉同印度咖喱，選擇多到揀唔晒。甜品區都好吸引，特別係朱古力噴泉同多款蛋糕。餐廳環境開揚舒適，服務亦相當貼心，無論慶祝定聚會都好啱，性價比高。
生日自助餐優惠：康得思酒店 The Place
訂枱及優惠：酒店自助餐
康得思酒店The Place走時尚路線，自助餐款式多元化又有水準。海鮮區有長腳蟹、生蠔同青口，夠晒新鮮。熟食方面推介燒牛肉同中式熱葷，味道穩定。最特別係餐廳會定期轉主題，好似和風或東南亞風味，食得有新鮮感。甜品款式精緻，仲有雪糕同即製窩夫。
生日自助餐優惠：逸東酒店普慶餐廳
訂枱及優惠：酒店自助餐
逸東酒店普慶餐廳一向以性價比高見稱，定期更新生日自助餐主題，每次去都充滿新鮮感！自助餐款式多，提供生蠔任食， 生蠔算肥美，海水味濃，加少少檸檬汁吊一吊味，就夠喇。除咗生蠔，回本位又點少得海鮮盤呢？呢度提供長腳蟹、青口、螺同蝦，鮮味十足。我就最鍾意長腳蟹，蟹味香濃又勁多肉！另外，凍蝦鮮甜又彈牙架！
生日自助餐優惠：帝苑酒店雅苑座
訂枱及優惠：酒店自助餐
帝苑酒店雅苑座嘅生日自助餐超易回本！海鮮冷盤有珍寶蟹、波士頓龍蝦、雪場蟹蟹腳、海蝦、翡翠螺、東風螺、蜆同藍殼青口等等。海鮮啖啖肉，而且夠晒新鮮，即刻約埋鍾意食海鮮嘅朋友仔去慶祝生日啦！
生日自助餐優惠：海洋公園萬豪酒店海岸酒廊
訂枱及優惠：酒店自助餐
詳情：與威威共晉自助晚餐 香港海洋公園萬豪酒店
生日去海洋公園玩係唔少香港人嘅習慣，玩完一日之後，不如直接喺海洋公園嘅萬豪酒店食埋生日自助餐啦！作為國際酒店品牌營運，服務和質素當然有保證，除咗冷盤海鮮和刺身之外，海洋公園萬豪酒店仲有多個Live Station，即叫即煮，確保新鮮又有特色。
生日自助餐優惠：荃灣西如心酒店Café Circles
訂枱及優惠：酒店自助餐
詳情：荃灣豐富海鮮buffet 荃灣荃灣西如心酒店Café Circles
如果預算唔多，但又想生日自助餐有靚靚海景，荃灣西如心酒店絕對係唔錯選擇！荃灣西如心酒店嘅Café Circles雖然價錢比唔少酒店生日自助餐平，但食物選擇同質素同樣唔馬虎，海鮮冷盤選擇有長腳蟹蟹腳、螺、青口、蝦同小龍蝦等；刺身除咗常見嘅三文魚、吞拿魚，希靈魚、北寄貝之外，仲有我最鍾意嘅甜蝦呢！
生日自助餐優惠：美麗華酒店 Yamm
訂枱及優惠：酒店自助餐
去美麗華酒店食生日自助餐，提前網官網，於生日月份內即可獲贈生日蛋糕一個。但如果你想直接享受折扣優惠，其實都有架，有時仲會低見買一送一呢！酒店生日自助餐提供任食新鮮生蠔啦，至於其他重點食物包括波士頓龍蝦、壽司、刺身、香煎鴨肝、巴馬火腿及各式冷盤同熱葷。由於美麗華酒店生日自助餐非常抵食，所以經常滿座，絕對需要提前預約呀！
生日自助餐優惠：香港萬怡酒店MoMo Cafe
訂枱及優惠：酒店自助餐
詳情：香港萬怡酒店意式放題 豪華海鮮拼盤MoMo Cafe
香港萬怡酒店生日自助餐嘅餐廳面積唔大，勝在人少少，夠靜可以傾偈，而且又唔會太多人「搶」嘢食啦！雖然取餐區都唔大，但選擇款式都唔會令人失望：波士頓龍蝦、法國生蠔、長腳蟹、青口、蜆、翡翠螺同凍蝦都有，而且Movenpick雪糕勁齊，記住留肚食晒12款呀！
生日自助餐優惠：九龍海逸君綽酒店 The Promenade
訂枱及優惠：酒店自助餐
誠哥旗下嘅酒店生日自助餐，一向以款式多取勝，位於紅磡嘅九龍海逸君綽酒店都唔例外！雖然款式多，但都唔代表馬虎，生蠔、鮑魚、龍蝦，甚至花膠都有，每日都會有如火艷雪山等嘅即場驚喜，加上唔同主題嘅特色選擇，絕對要帶多幾個胃去先得！
生日自助餐優惠：六國酒店Le Menu
訂枱及優惠：酒店自助餐
詳情：六國酒店Staycation Package 晚餐必食放題Le Menu
六國酒店一向有一種好低調嘅感覺，但其實酒店生日自助餐好有誠意，仲可以支持一下本地嘅集團呢！六國酒店生日自助餐有齊冰鎮海鮮、威靈頓牛柳、鴨肝多士、鐵板燒、片皮鵝、雜錦刺身、即場手握壽司、沙拉及凍盤、多款中西熱葷美饌、精美甜品和Häagen-Dazs等，仲會有唔少本地特色嘅燴花膠、蠔皇扣鮑魚、蝦籽海參及淮山杞子瘦肉燉花膠等特色美食，絕對係值得被大家看見嘅生日自助餐。
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
