蜀一蜀二：給在倫敦愛吃小龍蝦的你

人在海外難免會掛住家鄉嘅美食！其實作為唔少華人嘅聚居地：倫敦，中華各式各派嘅菜系都唔難搵，而蜀一蜀二就走大排檔嘅夜市風格，主打嘅串燒，款式選擇多；除咗川式小菜，仲有充滿港風嘅星洲炒米；但最驚喜嘅當然係蜀一蜀二必食嘅小龍蝦，入味又惹味，成為蜀一蜀二嘅招牌名物。

蜀一蜀二

講到夜市風，又點可以無串燒呢！推介蜀一蜀二嘅五花肉卷金針菇，五花肉肥瘦相間，油香豐富，加上爽口嘅金針菇，令層次更為凸出；咸香微辣，焦香四溢嘅烤韭菜同肉質多汁嘅牛仔骨同樣係燒烤店嘅靈魂！

蜀一蜀二嘅小龍蝦味道除咗麻辣，仲有蒜香之選，有辣有唔辣，任君選擇。上枱先讚佢嘅份量十足，小龍蝦嘅蝦頭夠大，入面帶有蝦膏；至於肉質緊實，麻辣入味，非常惹味

鍋包肉味道酸酸甜甜，非常開胃，炸得夠香口，外酥內嫩。

作為香港人，見到星洲炒米，真係唔洗諗即刻叫！蜀一蜀二嘅米粉炒得夠鑊氣，每條米粉都完美地掛上咖喱，香氣四溢，如果配料有埋叉燒，成件事就更完美。

餐廳名稱：蜀一蜀二 Shu La La
地址：207 Holloway Rd, London N7 8DL

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！