【摩納哥一日遊】摩納哥Monaco必去的摩納哥旅遊景點好去處

【摩納哥一日遊必去旅遊景點好去處】摩納哥（Monaco）鄰近法國南部，國家面積非常細，係僅次梵蒂岡嘅世界第二細嘅國家。摩納哥嘅北、西同東面都係被法國包圍住。摩納哥（Monaco）雖然面積細，但係卻非常富裕，周圍都係名車遊艇。今次就同大家分享我哋喺摩納哥（Monaco）一日遊嘅必去摩納哥旅遊景點好去處。

摩納哥Monaco必去旅遊景點推介 | 摩納哥親王宮 Prince’s Palace of Monaco / Palais princier de Monaco

摩納哥親王宮（Prince’s Palace of Monaco / Palais princier de Monaco）絕對係摩納哥（Monaco）必去景點摩納哥親王宮於1911年修建，係摩納哥王子嘅住所，曾經係熱那亞共和國嘅堡壘。摩納哥親王宮喺歷史上曾經多次遭外國勢力攻擊，所以摩納哥親王宮建築並不豪華，強調防衛功能。大家有興趣可以買飛入去參觀，我哋因為時間關係，就只係喺外面觀賞同影相。

換兵儀式

另外，我哋早上十一點半去到摩納哥親王宮，就見到好多喺外面等候，原來大家喺度等睇換兵儀式。大概十二點就正式開始，換兵儀式大概10分鐘，可以近距離欣賞士兵整齊嘅步操！

風景

嚟摩納哥親王宮嘅另外一個原因當然就係眺望摩納哥嘅風景，因為王宮位處高地，可以望到 Port de Fontvieille 同 Port Hercule 嘅風景，見到好多遊艇同可以欣賞摩納哥依山而建嘅建築物！

手信購物街

摩納哥親王皇宮附近仲有幾條手信購物街，可以搵到摩納哥手信同地道餐廳之餘，仲可以欣賞摩納哥特色小巷，唔好錯過！

摩納哥Monaco必去旅遊景點推介 | 狗頭山 Tête de Chien

如果大家想欣賞摩納哥全景，就一定要去狗頭山（Tête de Chien）。我哋原本都唔識㗎呢個景點，都係聽酒店Concierge介紹先識去；喺餐廳同當地人講開，佢哋話呢度睇風景係最靚，仲要唔係好多人知道！

Tête de Chien 狗頭山高550米，位於Grande Corniche路上嘅最高點。上到去仲見到山上嘅白色波波。上到山，向右面可以俯視成個French Riviera，仲可以看到法國尼斯機場。另外一邊就可以俯瞰成哥摩納哥嘅全景，真係非常壯觀。我哋見到唔少當地人會帶定嘢食上嚟一邊欣賞風景，一邊野餐，真係好寫意。

不過提提大家，狗頭山並唔係位於摩納哥，而係位於法國境內。好多人都係會揸車上嚟，山頂有少量泊車位，只需要喺圍欄落車行大概10分鐘就可以到達。如果好似我哋咁無揸車，就可以喺摩納哥搭的士上嚟（摩納哥並沒有Uber），而離開嘅時候就可以叫Uber（因為你身處法國），但因為位置偏僻，要預先預留時間叫Uber。

世界各地／香港景點門票邊度買至平？
詳情請睇：https://wp.me/p8vzXP-6G

摩納哥 Monaco

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com