【法國/南法尼斯酒店住宿推介】尼斯艾美酒店 Le Méridien Nice

【法國/南法尼斯酒店住宿推介】移民英國倫敦後，去歐洲旅行就變得超級方便，兩三個鐘就有好多選擇，今次我哋嚟個週末快閃南法尼斯（Nice），食下海鮮，行下海邊。酒店方面，我哋住咗萬豪旅享家（Marriott Bonvoy）旗下嘅尼斯艾美酒店 （Le Méridien Nice），酒店位於尼斯（Nice）市中心嘅英國人散步大道（Promenade des Anglais），鄰近老城區（Old Town），位置方便，酒店面向地中海，景觀一流！

法國尼斯酒店住宿推介 | 尼斯艾美酒店 Le Méridien Nice – 酒店大堂

法國/南法尼斯酒店住宿推介 | 尼斯艾美酒店 （Le Méridien Nice）位於尼斯（Nice）市中心嘅英國人散步大道（Promenade des Anglais），鄰近老城區（Old Town），位置方便，酒店面向地中海，景觀一流！。酒店地下Concierge非常有善，主動處理行李，Check-in前台位於大堂一樓，大堂設計時尚，設有Longitude Bar 43° 4′ ，可以品嚐illy咖啡同多款特色Cocktail。

法國尼斯酒店住宿推介 | 尼斯艾美酒店 Le Méridien Nice – 客房區域

法國/南法尼斯酒店住宿推介 | 我哋今次入住6樓嘅行政城市景露台房 （Executive City View with Terrace），房間空間大，最正嘅就係有一個露台，設有太陽櫈同枱凳、下晝可以曬吓太陽，飲杯酒，真係好寫意。景觀方面，房間除咗望到尼斯老城區景觀之外，仲可以望到天使灣（Baie des Anges），嗰海真係好藍！

露台套房設有大床，床褥軟硬適中，床單柔軟，非常舒服；枕頭總共有4個，2個係偏軟2個係偏硬。床頭位置設有插頭同燈掣，夠晒方便。窗簾嘅遮光度十足，絕對可以瞓到自然醒。最正當然就係可以望住咁靚嘅風景起身，真係好舒服！

另外房間設有梳化同圓枱，空間感十足，要工作同休息都絕對無問題。房間仲設有茶包、咖啡包，迷你雪櫃、風筒、夾萬、熨斗同熨衫板，設備非常齊全。

法國尼斯酒店住宿推介 | 尼斯艾美酒店 Le Méridien Nice – 浴室區域

法國/南法尼斯酒店住宿推介 | 尼斯艾美酒店 （Le Méridien Nice）嘅浴室係房間嘅後部分，一開始有好大嘅衣櫃，絕對有空間可以擺行李同雜物。再行入去浴室，裏面是有淋浴間，個人用品係Aqua Senses品牌，有洗頭水、沐浴露同護髮素。酒店仲有提供牙刷、牙膏、剃鬚刀、潤膚露等。

法國尼斯酒店住宿推介 | 尼斯艾美酒店 Le Méridien Nice – 健身室、水療中心及游泳池

法國/南法尼斯酒店住宿推介 | 尼斯艾美酒店 （Le Méridien Nice）設有24小時健身室，大家只需要用房卡就可以使用健身室。不過我哋今次無時間去，同唔到大家分享。另外， 酒店仲設有 Spa，如果想做過Spa同按摩輕鬆，就啱曬你啦！酒店仲喺頂樓設有游泳池，雖然泳池唔係好大，但係都係一個可以輕鬆運動下嘅好選擇。

法國尼斯酒店住宿推介 | 尼斯艾美酒店 Le Méridien Nice – 餐廳

法國/南法尼斯酒店住宿推介 | 尼斯艾美酒店 （Le Méridien Nice）一樓設有L’Espace Riviera餐廳，提供早餐，窗邊嘅位置仲可以一邊望住海景，一邊食早餐。另外，酒店頂樓設有La Terrasse餐廳，提供午餐同晚餐，可以望住天使灣（Baie des Anges）品嚐地中海美食。
詳情：法國/南法尼斯靚景餐廳推介 尼斯艾美酒店La Terrasse

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

尼斯艾美酒店 Le Méridien Nice
地址：M7W8+38, Nice, France
預訂網址：hk.trip.com

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com