法國/南法尼斯自由行旅遊攻略 | 10個尼斯必去必食的尼斯旅遊景點好去處
【法國/南法尼斯10大必去旅遊景點推介】法國南部/南法嘅尼斯（Nice）究竟有咩必去景點？必食嘅餐廳美食？尼斯為法國第五大城市，主打全年陽光普照，係法國著名嘅旅遊城市，我哋就為大家整理尼斯10大必去旅遊景點必食餐廳美食推介！
1. 法國/南法尼斯10大必去旅遊景點推介 | 英國人漫步大道 Promenade des Anglais
英國人漫步大道（Promenade des Anglais）係尼斯著名嘅海濱大道，絕對係尼斯必去好去處。話說喺19世紀，好多英國人嚟尼斯療養肺病，每天都喺海邊散步，所以呢條大街就由此得名。另一說法就係因英國人劉易斯·衛自費請人修建呢條4公里長嘅大道而得名。好多遊客都會嚟英國人漫步大道（Promenade des Anglais），一邊散步，一邊欣賞天使灣嘅迷人景色。沿途有不少藝術雕塑，我哋最鍾意藍凳子，打卡一流。
2. 法國/南法尼斯10大必去旅遊景點推介 | #ILoveNICE
#ILoveNICE喺尼斯打卡熱點，由尼斯企業 France Festivité of Gilles Povigna喺2016年創建。佢高3.5米，由金屬板製成，顏色就係法國國旗嘅藍色、白色同紅色。
3. 法國/南法尼斯10大必去旅遊景點推介 | 藍灘 Blue Beach
呢到尼斯無可能唔去尼斯藍灘（Blue Beach），大家可以租太陽遮、毛巾同太陽凳，就可以享受碧海藍天，曬太陽，游水。藍灘（Blue Beach）切有幾間海鮮餐廳，可以一邊欣賞藍灘風景，一邊享受海鮮美食，非常愜意！
4. 法國/南法尼斯10大必去旅遊景點推介 | 城堡丘陵 Colline du Château
城堡丘陵（Colline du Château）呢個絕對係尼斯最靚嘅景點，雖然呢座城堡只係剩下幾面城牆，不過沿途有多個觀景台，可以一邊行，一邊欣賞尼斯嘅景色。另外，沿途仲有18世紀修建嘅人工瀑布，都幾壯觀！大家記住一定要行到上去山頂公園觀景台，完全冇遮擋，可以一望無際咁俯瞰尼斯老城同天使灣嘅迷人景色。
5. 法國/南法尼斯10大必去旅遊景點推介 | 太陽噴泉 Fontaine du Soleil
太陽噴泉 （Fontaine du Soleil）係尼斯市中心嘅另一地標。噴泉中間哪就係象徵著太陽嘅阿波羅雕像，旁邊就係象徵行星嘅青銅雕像。
6. 法國/南法尼斯10大必去旅遊景點推介 | 帕永長廊 Promenade du Paillon
帕永長廊 （Promenade du Paillon）係尼斯市中心嘅綠色走廊，由景觀設計師Michel Péna設計。佢將盎格魯大道同國家劇院連接起來，其中嘅噴水池非常受歡迎，影相打卡一流。
7. 法國/南法尼斯10大必去旅遊景點推介 | 馬塞納廣場 Place Masséna
馬塞納廣場（Place Masséna）係尼斯嘅購物熱點，大街兩旁有各大品牌，包括Zara、Mango、Sephora、Yves Rocher等。啱晒鍾意購物嘅大家，可以一次過掃貨，非常方便。
8. 法國/南法尼斯10大必去旅遊景點推介 | 尼斯老城 Vieux Nice
尼斯老城（Vieux Nice）係尼斯另一必去景點，最吸引人嘅地方就係尼斯老城保留左18世紀嘅樣貌，最啱下午係老城嘅小巷裡慢步，有好多特色小店商舖，售賣手信藝術品等。行行吓，仲可以去特色餐廳酒吧，醫下肚。
9. 法國/南法尼斯10大必去旅遊景點推介 | La Terrasse餐廳
嚟到法國（France）尼斯（Nice）無可能唔去間可以望到天使灣（Baie des Anges）景嘅餐廳食返餐！我哋就去咗尼斯艾美酒店 （Le Méridien Nice）位於頂樓嘅餐廳La Terrasse食午餐，一邊望住藍色嘅天使灣，一邊品嚐美食，真係非常寫意！
詳情：法國/南法尼斯靚景餐廳推介 尼斯艾美酒店La Terrasse
10. 法國/南法尼斯10大必去旅遊景點推介 | Boccaccio餐廳
Boccaccio餐廳位於尼斯（Nice）市中心嘅馬塞納廣場（Place Masséna），附近英國人散步大道（Promenade des Anglais）。 Boccaccio餐廳喺1973年開業，有將近五十年歷史，主打海鮮同地中海風味美食，係尼斯（Nice）人氣海鮮餐廳，評分甚高。
世界各地／香港景點門票邊度買至平？
詳情請睇：https://wp.me/p8vzXP-6G
尼斯 Nice
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
